جمعتنا وصية

من طول الغيبات جاب الغنايم اخيرا بارت يديد❤️‍🔥

(هلاااااااااااااااااااااا والله ،اخيرا بارت يديد بعد قطعه طويله أتمنى أنكم تستمتعون بالبارت الجميل اللي يضحك ويونس وكل شي انجووووووووووووووي💕💕💕💕)
سعيد :عيل وينهم الباقين
شيما:عاد أنا رحت أشوف حصه شفتها نايمه و ميره بعد نايمه عندها ما طلعو يقومون
جاسم :برايهم شكلهم سهرانين قلنا لهم لا تسهرون ع العموم تلبسو ترانا شويات وظاهرين عمكم يتريانا
سعيد :والشباب وينهم
جاسم :راحو شقة زيود بس محمد ما راح
سعيد :يلا عيل أنا جاهز شيوم لبسي حمد ويلا عشان ما ناخر أبويه
شيما :ان شاءالله
وخلصو ريوق وظهرو سعيد وشيما وحمد وجاسم وخالد وساره ومحمد ومهره و راشد وعبدالله
الظهر الساعه 1
ميره قامت :حصوه ش فيج ما ترومين تنامين مثل الأوادم
حصه :ش اسوي شكلها جاستني بروده بطني يعورني و زجام وكل شوي ااهاجووو كل شوي اعطس
ميره :انزين خذي دوا
حصه :الحين بننزل نتريق وباخد دوا
ميره تشوف فونها:أي ريوق الساعه وحده
حصه :حلفييييييييييي
ميره :والله
حصه :أف أكيد راحو وودرنا امشي نروح نشوف
ميره :اصبري البس وقايتي
حصه :مافي حد
ميره :احتياط
وراحو تحت وهم بالبجايم بس ميره لابسه وقايتها احتياط
حصه :امينههه
أمينه:تفضلي ست حصه
حصه :وينهم لايكون راحو
أمينه:أكيد راحو بدكن يستنوكم يعني راحو لكن شو
حصه :افففف هاااااجوووو "تعطس "قهرر
أمينه :سلامتك ست حصه
حصه :الله يسلمج
ميره :أمينه حبيبتي سويلنا شي نأكله ولا إذا في مال الصبح حطيلنا
أمينه :حاضر أي شي تاني
حصه :مشكوره بس بسرعه لأني بموت من اليوع
وراحو يلسو
وهم يأكلون فجاه درعمو الشباب الفله اول شي دخلو أحمد وعلي وزايد بحكم ان بيت جاسم ف أحمد و علي دخلو
هني ميره غصت ف لقمته
حصه :بسم الله شو ياج ميروه
ميره تعدل شيلتها وتقول بصوت واطي :مافي حد لا تلبسين وقايه زين إني ما طعت شورج
حصه لفت وشافت اخوانها وزايد داخلين
طبعا ميره راحت فوق بسرعه لأنها كانت لابسه بجامه
هني احمد راح صوب حصه :ما شالله عليكم شو تسوون هنيه انتو أبويه وعمي وين
حصه مدت البوز :هدونا نايمين وطلعو تخيل
أحمد :حصوه بلاه خشمج احمر
حصه :ماشي والله بروده و جي تعرف
أحمد :اها خلاص عيل نحن بنروح رواحنا
علي :يالله عيل
حصه :هاه هاه ويننن
أحمد :سادل
حصه :احمدوووووو ما تروح بدوني والله بزعل تراني انته واعدني وترا ما فيي شي والله إلا زجام
زايد :خلاص كسرت خاطري نوديهم ؟
علي :احس لا
حصه راحت صوب علي وعلي كان واقف عند باب الفله وايدار باب الفله كان زجاج وحصه راحت وضربت علي:لا تستهبل أهون عليك أتم روحي 🥺
وبعدين انتبهت ان في حد عند الباب اللي هم باقي الشباب نهيان و حمد
وحطت رأسها ف حظن اخوها
زايد :الحين إذا بتون بسرعه عندهم ربع ساعه لين ما نبدل ثيابنا
حصه:تم من عيونييييي يلا بروح البسسسس
راحت حصه فوق
ودخلو باقي الشباب
حمد :عيل أنا بروح الفله اسبح
نهيان :بسرعه هاه ما نبا نتأخر
زايد :هيي بسرعه شباب
علي :تراكم انتو جاهزين
أحمد :يلا عندكم ربع ساعه
صعد احمد فوق ورن فونه اليازيه متصله طبعا مارد عليها وراح يلبس
عند حمد بعد ما خلص سبوح صور بدلتين وطرش حق حصه 1ولا 2
حصه كانت تسأل ميره أنها شو تلبس
ميره :ماعرف حصوه كلهم حلوين أنتي قرري وأنا بروح فلتنا البس خلصت ميكب
حصه :اووف انزين
هني حصه شلت فونها وشافت اللي حمد مطرشنه واختارت له اللوك الثاني
حمد :عيل بلبس الأول
حصه :لا والله عيل ليش تسأل
حمد :بس احب اغايضج
حصه :خلاص اوك سو اللي بتسويه اروح اختارلي لبس ابرك
حمد :تعالي حصوه يتني فكره
حصه :خير شو هي
حمد :ش رايج أنا اختارلج ثيابج
حصه :الله وناسه ويت بصور لك
صورت له الهاينك اللي عندها
حمد :الهاينك البيج
وصورت له البالطو
حمد :البالطو اللي لونه بيبي بلو وإذا عندج بنطلون بيج بعد خلاص اللوك دنن
حصه :أوكك مشكور ساعدتني يلا بروح البس بعد عن تروحون عني
حمد :افاااااا أنا اروح عن حصيص خذي رااااحتج إذا راحو أنا بترياج
حصه شافت وما ردت حمد عرف أنها استحت 😂😂😂
هني علي دخل :أنتي للحين ما خلصتي
حصه :خلصت بس البس وتدزه برع الغرفه عشان تلبس
لبست حصه ونزلت تحت وطلعو راحو صوب فلة عمهم وطلعو حمد وميره
وراحو ب موترين موتر زايد والبنات و الموتر الثاني باقي الشباب
وصلو كوفي سادل
ونزلو ويلسو كلهم ع طاوله وحده عوده
زايد :الحين سؤال حد ايي كوفي وقت الغدا
كلهم :ليش ياي عيل
زايد :خيبه كلتوني ريلااااكس
ميره :بعدين نحن متريقين متاخر ف يعتبر ان تغدينا وإذاً أنت ما تريقت ف هاي مشكلتك
زايد :أنا ابي افهم احترام العم وين راح
احمد :ف جيبي 😂😂😂
حمد يالس بصمت يشوف ويتأمل جمال حصه اللي مشغوله ب فونها
جان يكتبلها ع السناب
حمد :تكلمين منو
حصه :الحب
حمد :لألا صدق تكلمين منو
حصه :الحب إذا ما تصدقني الحين ب كبجر المحادثه
و كبحرت محادثتهم وطرشت له
هني ثنيناتهم شافو بعض وابتسمو
حمد :حلوه حلوه عيديها😉
هني حصه قامت
علي :هاه ويين
حصه :عندي سبرايز وتغمز له😉😉
كلهم يشوفونها ش السالفه
وطلعت حصه
حصه :الوو ها وينج وصلتي ولا
سلامه :الحين ثواني بس ها شفتج لابسه بالطو بيبي بلو صح
حصه :هيه
وصلت سلامه وسلمو ع بعض ودخلو وراحو صوب الطاوله
علي كان معطي الباب ظهره ف ما كان يشوفهم
سلامه :السلام عليكم
كلهم وعليكم السلام
نهيان :سلاموووو أنتي هني و ما تخبرين تعالي يلسي حذالي
علي لف أنصدم كيف نهيان جي يقول و من وين يعرف سلامه
حصه :لا مو ع كيفك سلامه بتيلس حذالي
علي دق نهيان ب ريله و قاله ب صوت واطي :أنت من وين تعرفها
نهيان بصوت واضح  :صح تعالو ما قلت لكم سلامه تكون بنت خالتي وأختي بالرضاعه و فنفس الوقت ربيعة ميره و حصة
هني علي ارتاح
وتمو يسولفون وجيه يا وقت الحساب
نهيان اشر حق الريال ان اييب الحساب
علي طلع بوكه ونهيان جهز فونه وأحمد
علي :أنا بدفع
نهيان :يلا مو ع كيفك أنا بدفع
أحمد :لا أنت ولا هو أنا
حمد يا :ها يلا نروح
ميره :هاييل يتضاربون ع الحساب
حمد شافهم وهو يضحك :ترا دفعت يلا الأهل يتريونا
نهيان :يعني أنا كنت بعزمكم ش هالمصخره
حمد :أنا البارحه قلت لكم أنا عازمنكم
زايد :يلا بسرعه تراهم وصلو الهايد بارك بيركبون القوارب
حصه وسلامه و ميره :اللله وناسهههههههه
وراحو صوب الهايد بارك
وصلو
حصه راحت صوب أبوها
حصه :أبويه كيف تروح وتهدني
شيما و ساره تعرفو ع سلامه وتمو يسولفون وياها وياخذون أخبارها
جاسم :انتو اللي كنتو نايمين و مارضيتو تقومون
هني سعيد و محمد يو
سعيد :أبويه العم منو بيركب 4قوارب فضو
محمد :وحده أبوي وعمي ووحده لي ووحده لك ووحده لحصه وميره و ربيعتها
سعيد :والشباب
نهيان :ماعليه نحن بنتريا
حمد نط :أنا بروح ويا أبوي وعمي
حصه تشوفه مستغربه ان ما راح ويا الشباب
أحمد :خونت فينا ي السبال
وراحو اللي بيركبون صوب القوارب
وهم يمشون حمد حاط يدينه وحده ع جتف أبوه والثانيه ع جتف عمه
حمد يرمس عمه :عميه شوف شوف هاييل الثنين مزايين العوده حقك والصغيره حقي "تعمد يرفع صوته عشان حصه تسمعه
حصه لفت وعطته نظره وهو يضحك لأنه يحب يغايظها
خالد ظرب ولده ع جتفه :ما تستحي ع ويهك انته جي تقول ل عمك ما عليك منه جاسم ها ياهل ما يعرف شو يقول يالس يخربط
جاسم :خله يخربط ماعليك منه😂😂😂😂😂بعدين تصدق حمد ترا تنفعلك
حصه تسمعهم ووودها تروح تذبح هالبنت
حصه :ميروووه تسمعينهم ش يقولون
ميره :ماعليج منه يعني للحين ما تعرفين سوالف حمد يمووت ف المغايض خاصة وياج
حصه :تخيلي بابا يقوله أونه تنفع لك بعد اوفففففف قاهرني
وصلو للقوارب
حمد كتب حق حصه ع السناب :شو رايج تركبين ويانا
حصه :روح حق المزيونه خليها تركب وياك
حمد :خييبه😂😂😂
حمد يرمس عمه :عميه شو رأيك نعزمهم يركبون ويانا
حصه :هاللي ناقص بعد
طبعا حمد سمعها بس سول عمره ما يعرف وهو مستاااانس ان غايضها
خالد:حمد بس ودر عنك هالسوالف عييب
حمد هني حس ان أبوه عصب ف حب يلطف الجو :السموحه الوالد اسفين وهاي بوسه ع الرأس شو تبا اكثر
وركبو كلهم
قارب البنات
حصه :ميرووووه اخوج قاهرنييييييي بموت من حركاته آف ودي اذبحهههههه
ميره :ترا والله هو يغايضج لا تعطينه سالفه 😂😂
حصه :ماعليه أنا بعد اعرف اغايض
سلامه :والله إنكم تضحكوووون
قارب جاسم وخالد وحمد
حمد :احمممم عميه
جاسم :ها عمي
حمد :عمي أنا عندي موضوع أبا أكلمك فيه من زمان بس ماعرف متى الوقت المناسب
جاسم :افا كل الأوقات مناسبه قول وأنا عمك
حمد :ترا أبويه بعد ما قلت لك أنا بقول لكم واتمنى أنكم ما تعارضون الشي وتكونون وياي عمي أنا بغيييت بغيت اخطب بنتك حصه لي وإذا تشوف ان الوقت مش مناسب أو تبا تفكر أو شي ولا شيات ف خذ راحتك هاذا من حقك
خالد :الله يفشلك يا حمد ما عليك منه يا اخوي هاذا اليوم ماعرف شو فيه يالس يخربط ف الكلام بس سامحني والله تراه ما يعرف شو يالس يقول امسحها ف ويهي
جاسم :افا والله ولد اخوي يتقدم ل بنتي وارفض هاي الساعه المباركه والقريب احسن من البعيد اعتبرني أنا موافق بس لازم اسأل البنت
حمد قام وباس راس عمه :تم ومن نرد البلاد بني وبنخطبها رسمي وشو ما يطيح حمد فالبحيره
حصه :اوييييييه🤣🤣🤣🤣🤣🤣🤣🤣🤣🤣🤣🤣شوفو حمد طاح 😂😂😂😂😂بموت روحو صوبهم
سلامه :ايييه لا تستهبلين فشله نتشمت ف الولد
وراحو صوبهم
طبعا حصه ما فوّتت الفرصه وصورت حمد وهو فالماي بعدين جاسم وخالد ساعدوه و طلع من الماي
خالد:حمد أنت شو فيك اليوم
جاسم :من الوناسه ماعليك
حمد ويهه قااافط حرفيا كل حد يطالعه 😄
ردو عشان ينزلون
نزلو والشباب يو عندهم
نهيان :اووف حمد ش الماي 🤣🤣🤣
أحمد :شكلك ما مداك تسبح فالفله قلت تسبح هني 🤣🤣🤣🤣🤣🤣
علي :تبا صابون وشامبو 🤣😂
حمد وده يذبحهم وراح طيران صوب المواتر
زايد :وييين رايح ما معاك سويج ولا موتر 😂😂
حصه :حرام عليهم
ميره :والله الحين حرام توج تسبينه
سلامه :والله إنتي حصوه بسرعه ينقص عليج
حصه :سلامو عطيني سويت موترج
سلامه :حق شوه
حصه :بروح بوصل حمد ما تشوفينه بيموت من البرد حليله غامضني بيمرض هههاشووو"عطست "
ميره :وهاييل شو نقولهم حصه راحت توصل حمد خير ان شاء الله
حصه :دبرو وضعي قولو أي شي
ميره :أنا اخاف
سلامه :هاج يودي السويج أنا بألف اي شي سيري أنتي
حصه:ثانكيووووووووووووووو
وشلت حصه السويج وطيران صوب المواتر
علي :هاي مو حصوه ويين رايحههه
سلامه :ء أنا نسيت شي فالموتر وقلت لها أتيبه و بالمره اتييب لنا شي نأكله من السوبر ماركت
جاسم :عيل قولولها بالمره اتيب فرشه وتوصل حمد ف دربها حليله الولد لعوزتوه ماعرف وين يروح من الفشله بيتجمد من البرد
أحمد :كيف هي توصله
جاسم :ترا بتوصله الفله ما بياكلها
ميره :عيل أنا بتصل ل حصه اتيب فرشه
ميره راحت بعيد شوي واتصلت لها
عند حصه كانت تدور على حمد
ميره :الو
حصه :هلا
ميره :ترا سلامه قالت حق أبوج إنها ناسيه شي فالموتر وانج بتيبين شي من السوبر ماركت جان أبوج يقول خليها توصل حمد واتيب فرشه وياها
حصه :اوووووف الحمدلله ياللله عيل أنا خلني أدور ع اخوج هاذا ماعرف وين اختفى
فجاه حد همس ف أذونها
حمد :سمعت ان في حد يدور علي
حصه نقزت:بسم الله وانت وين رحت يلا تعال
حمد :ويين
حصه :بوديك الفله تبدل شكلك تبا تمرض
حمد :تخافين علي امرض
حصه :بتي ولا
وركبت الموتر
حمد :شوفيج
حصه ساااكته لأنها معصبه منه ف ما ردت عليه
وصلو الفله
حصه :أنا بروح اييب فرشه وبي استعيل ها
حمد :ان شاءالله من عيوني بتأخر 😂😂😂
وراحت حصه فلتهم اتيب فرشه وعناد ف حمد بدلت ثيابها لان هو اللي اختار لها ف بدلت لبست قميص كم طويل مال ديور كحلي وبطلون بيج وجاكيت المطر بيج كانت طالعه طر حرفيا وعدلت ميكبها وراحت صوب فلة عناد وطلع حمد وركب
وهم ف الدرب
حمد :خيبه شو هالهدوء يعني أنا ما عرفت أنتي زعلانه ولا كيف
حصه ساكته ما ترد عليه
حمد شبك ع البلوتوث وحط أغاني و مروق الأخ
وصلو السوبر ماركت نزلو
حصه خذت سناكات للكل وراحت صوب الردبول جان حمد ايي
حمد :ها ها ماشي ردبول
حصه :وليش ان شاءالله
حمد :لانج مريضة
حصه :مافيني شي
حمد :تقصين ع منو أنتي
حصه :اوهو حمد خووز خلني آخذ ردبول روحي متنرفزه منك
حمد :افا ش سويت
حصه :اسأل عمرك
حمد :اسولف وياج حصوصه لا تزعلين
هني حصه يتها الضحكه محد يناديها حصوصه إلا يوم كانت صغيره
حمد:أشوف أشوف طلعي الضحكه عادي ترا😂😂
ابتسمت حصه :ممكن تقوم عشان آخذ الردبول تاخرنا
حمد :اول شي مب زعلانه مني؟
حصه :مب زعلانه
فتح حمد الثلاجه وطلع 2
حاسبو وخلصو وطلعو ووصلو الهايد بارك
اليوم الثاني كأنو يالسين ف حديقة خالد كلهم
جاسم :زيود عيل نهيان وينه
زايد :يستحي يقول ان انتو أهل ف قال بيروح ويا اخته ربيعة قوم حصوه
جاسم :ش اللي يستحي بعد عطني رقمه
اتصل جاسم ع نهيان
نهيان :hello
جاسم:هلا نهيان أنا جاسم
نهيان :هلا عمي شحالك السموحه والله ما عرفتك
جاسم :مسموح ي ولدي بعدين ش اللي أونه تستحي انك اتي الحين اتي عندنا كلنا يالسين تعال انته وأختك
نهيان :ان شاءالله
نهيان :سلامو
سلامه :هلا
نهيان :جاسم أبو حصه متصل يقول تعالو عندنا
سلامه :احس فشله كل يوم عندهم
نهيان :ترا أنا بعد جي قلت اول شي بس يوم دق ما رمت أقوله ان فشله ولا شي بعدين أنا قايل حق زيود ان ما بي بس ش اسوي
سلامه :انزين خ ناخذ شي ويانا ما يستوي نروح وأيدنا فاضيه
نهيان :اوكيي
وصلو عندهم ف فلة جاسم
كلهم يالسين فالحديقة والجو كان يجنن مطر خفيف وبراد
حصه تسوي كرك و ميره تسوي هوت جوكلت
نهيان :هالجو جو اسطبل وخيل و مزرعه
حمد :يباله والله
أحمد :غايته
زايد :نهيان رمس حارس مزرعتكم قوله يجهز المزرعه بنروح نيلس فيها يومين ولا ثلاث
عند البنات
حصه :الله وناسههههه
ميره :بس ما أتوقع يودونا الشباب بيروحون روحهم ع الأغلب
سلامه :أنا بعد جي احس
حصه راحت عند ساره و شيما
حصه :شيوم ساره سولنا واسطه ان نروح
شيما :ليش عبالج بيسمعون كلامنا
ساره :انزين قولي حق أبوج ان كلنا نسير
حصه :ميره سلامه تعالو
ميره :ويين
حصه :نقنعهم يودونا وياهم
راحو صوب الأولاد
حصه راحت صوب عمها خالد
حصه :عمي أنا سمعت أنكم بتروحون مزرعه مادري اسطبل كيف بتخلونا روحنا يهون عليكم
زايد :لا بنروح نحن الشباب وتراكم بتيلسون فالفله ما بيستوي فيكم شي
حصه مدت بوزها :عمي ترضا تخلينا روحنا ما يستوي
حمد :صح أبويه كيف نهدهم رواحهم بنروح كلنا بعدين في مكان ف المزرعه صح نهيان
نهيان :هي أكييد
خالد:أصلا أنا وين اروح واهد بناتي رواحهم
جاسم :عيل روحو تجهزو بسرعه
حصه حضنت عمها وأبوها وراحت صوب قوم سلامه
حصه :يلا قوم. تجهزو بنرووووح💃💃💃
ميره :يسسسسس
سلامه :عيل أنا بعد خلني أقول حق نهيان نروح عشان آخذ ثيابي
تجهزو كلهم واتجهو للمزرعه
اول ما دخلو المزرعه
حصه :ماشاءالله تبارك الرحمن المزرعه روعهههههههههه
ميره :والله إنها تجننننننننننن
سلامه :بعدكم ما شفتو شي دخلو داخل
دخلو داخل وهني يعني صدق كان يعني جنه قصر مش مزرعه
ميره:الأثاث والفله نااااااار
سلامه :طبعا ذوق نهياان
حصه :اونه نهيان مختار حلفييي
ميره :ذوييييق ماشالله عليه
سلامه :هي أبوه قاله دامك هناك أنت اللي أثث الفله وجيه
ميره :بس حبيييييييييييت
وتمو يحوسون ف الفله وكل وحده تبا غرفه ومن هالكلام
حصه :الله خلاص هاي غرفتي
ميره :لا تستهبلين بعيده هالغرفه احسها جي ع صوب روحها
سلامه :حصوه بنام ويا بعض
حصه :اسمحووولي أنا بنام هنيه
ميره :اوكي حطي اغراضج وتعالي لنا نحن بندورلنا غرفه
حصه :تمامو
يابت حصه أغراضها وحطتهم فالكبت طبعا ما كان عندها أغراض وايد ف  باب واحد من الكبت سد ثيابها والكبت كان عود يعني فيه تقريبا 5او 6بيبان ،بعد ما رتبت حصه أغراضها راحت تدور ع ميره وسلامه وهي تدور فالفله ما لقتهم شافت ساره وشيما
حصه :أقولكم ما شفتو ميروه وسلامه
شيما :أتوقع طلعو برع يتحوطون
حصه :تمام
ساره :حصوه بتعبج شوي بس عادي اتيبيلي ماي
حصه :الحين بييب لج
راحت حصه المطبخ وهي تصب المآي دخل حد المطبخ
نهيان :اقوول حصه
حصه من الزيغه لفت عليه ورشت المآي ف ويهه
نهيان من الصدمه سكت ما عرف شو يقول طبعا ما أقولكم شو شعور حصه مفتشله الفففف عطته كلينكس عشان ينشف ويهه
حصه :سوري والله وايد اسفه ما كنت اقصد بس انته خوفتني
نهيان ضحك :لا ماعليج أنا اللي اسف والله
سحب الكرسي :تعالي يلسي أبا اكلمج ف موضوع بس متوتر وخايف
حصه يلست : قول ش عندك
نهيان :اقلج ميره بنت عمج كم عمرها
حصه : هي قدي أنا وسلامو
نهيان :انزين يعني هل مره من المرات يعني جي خبرتج إنها معجبه ف حد ولا تحب حد
حصه :وأنت ش يخصك
نهيان :شو اللي شو يخصني يعني انتي بعد افهميها يعني أنا حبيت بنت عمج وأبا أخطبها من أبوها بس ما عرف يعني شو رايها فالموضوع
حصه :احللفففففففففف
نهيان :والله
حصه :أقول دامك أنت جي روح كلم أبوها عشان اول ما نرد البلاد :تخطبها رسمي
نهيان :تحسين
حصه :هي
طلعت حصه من عنده وودت المآي ل ساره
وراحت صوب قوم ميره وهي تغني :
طلع عاشق طلع مهتم طلع ذايب طلع مشتاق