جمعتنا وصية

البارت 11:يوم الملجة

الصبح
ف مركز الشرطة
الشرطي:هلا اختي كيف اقدر اساعدج
حصه :في حد عند اسمه "حمد خالد فلان الفلاني "
الشرطي :خير اختي ش تقربين له
حصه :انا بنت عمه ،وابي اشوفه لو سمحت دخيلك
الشرطي:ان شاء الله اختي بس ممكن الهويه
حصه :هي هي
وعطته
الشرطي انزين بس عطيني شوي و بردلج انتي استريحي هني
بعد 10 دقايق
الشرطي :تعالي اختي تفضلي
اول ما دخلت
حصه :حمد حمد طالعني يالسه اكلمك رد علي حمد ليش تشوف هناك
حمد :قولي انج ما وافقني الله يرضالي عليج
حصه :حمد اليوم ملجتي
هني حمد لف :شووووووووووو كيف اليوم ملجتج انا اراويه جان ما طلعت من هني ولعنت خيره
حصه :حمد بس بس الله يخليك لا تسوي ف عمرك جي شوف بسبته وين وصلت
حمد :حصه اوعديني انج ما توقعين وانا بسوي اي شي و بوقف الملجه
حصه :ش بنسوي ي حمد
حمد:انتي اوعديني
حصه : اوعدك وعد حصه ل حمد
حمد :وانا اوعدج ان حمد و حصه بينكتبون فالتاريخ
حصه :يلا انا بترخص
وردت البيت
ميره:انا ما قلتلج وعيني اروح وياج
حصه :صباح الخير انا رحت و رديت
ميره:تعالي تعالي شو سالفه الابتسامة اللي شاقه ويهج
حصه :لاني ما بوقع
ميره :خبله انتي شو
حصه :بتشوفين
وسارت حصه تبدل ثيابها
وتجهزو وكل شي كان حلو بس مو بيرفكت بحكم ان كل شي صار سريع سريع
اني عند حصه كانت لابسه الفستان اللي اشترته ويا شيما كان لونه اوف وايت مايل حق البيبي بنك وجتوفها كانت طالعه بس مغطتنهم ب شعرها اللي سوته ويفي وحطت فيها لولو والميكب كان خيااااااااااااااال كان ميكب خفيييييييف الشدو بني فاتح نود وايلاينز على عيونها المرسومه اصلا ماشاءالله و ما حطت رموش بس مسكره لان رموشها كثييييفه وطويله و روج احمر ع بنك وماعرف اذا قلتلكم عن غمازتها الطررررررر فيها غمازه صوب اليمين طبعا هي كانت كاشخه لانها واثقه انها ما بتوقع ولا منصور مايستاهل تحطله حتى جحال
وميره ما اتذكر اذا وصفت لكم جمال ميره بس جمالها طفولي خدودها ورديات عيونها كبار ماشاءالله وخشمها سيف كانت لابسه فستان احمر طايح وفيه طره من جدام وشعرها ستريت كان واصل ل ركبها وميكب خفيف حاطه ايلانر ومسكرا وبلشر وروج بس كانت طالعه طررررررر

احمد يدق الباب :احم احم عادي ادخل
حصه :لالالا
احمد كان ع وشك ان يفتح الباب :هااااااه
حصه :كم تدفع
احمد :تستعبطين
حصه :اسولف والله ميروه كانت هني راحت الحمام تعال
احمد:اشوفها شوي اقيم جمالها
حصه :هاه
احمد:اووووو السموحه السموحه عادي ًادخل الحين ولا
حصه:ادخل
احمد دخل:اوف اوف اوف صارووووووووووووووووووووخ والله بس منصور ما يستاهل
حصه:منو قال حق منصور كاشخه حق اخوي الشيخ احمد
احمد :فديت شيخة البنات اقولج انا الحين بطلع عندي شغل تامريني بشي
حصه :ويين بتروح الحين بيوصلون بتخليني روحي
احمد:بخلص شغلي وبي
حصه :احمد بس انت يوم يو عشان يخطبون رحت واليوم الملجه و بتروح ش عندك
احمد :اليوم بتعرفين ش السالفه
وراح
حصه:اليووم!!!
شيما يت:ميروه تعالي شوي ساعدينا حمد جالب الدنيا فوق تحت
حصه :ايبيه خليه عندي
شيما :وين عندج بيبهدلج بس ش هالجمال حصوه طالعه طرررر
حصه:اخجلتي تواضعي الصراحه
شيما مصدومه معقوله هاي اللي ما كانت تبا منصور بس يمكن الله هداها ورضت بالمكتوب
حصه :شيووم ام حمد وين رحتي حووووووو
شيما :هلا هلا وياج وياج
حصه :اقلج ايبي حمد
شيما :انزين انا بطرشه بس ميروه الله يخليج تعالي جابليهم شوي ويا ساره
حصه :وانا ايلس روحي
شيما :بييب حمد عندج وبعدين انتي نص ساعه ساعه نزلي خلاص الحين المغرب
حصه :تمام
نزلو تحت
فالميلس
كانو خالد وجاسم وسعيد ومحمد ومنصور وابوه
خالد:جاسم
جاسم :هلا
خالد:علي ما قدر اييي يعني احس لازم يكون موجود
جاسم :لا ما يقدر
خالد :انزين احمد وين
جاسم :ضهرت له شغله بيخلصها وبيي
خالد :هزرك يوصل قبل المليج
جاسم :ان شاء الله
فالصاله
ميره تسلم على ام منصور وخواته
شيما تدور ع حمد :ميروه الله يخليج شوفي حمد اتوقع طلع برع وديه فوق
ميره طلعت وما توقعت ان حد بيي وسارت اتدور على حمد وشافته يالس برع ع الدري
ميره :حمد حبيبي ليش يالس روحك
حمد :زعلان
ميره :افا ليش
حمد :اشتقت حق اخوج
ع كثر ما ميره كانت زعلانه ع كثر ما حمد الصغير ضحكها
ميره :بيي قريب
شلته فوق و لفت ع اساس تدخل بس قبل لا تدخل
حمد الصغير :عمي احمدددد
ويبي ينزل من عند ميروه عشان يروح عنده هني ميره تيبست ما تروم تتحرك من مكانها ويهها كان مجابل باب الصاله ف احمد كان يشوف انعكاس ويهها وما قدر يشل عينه بعدين رد لوعيه بعد ما حمد حشره عشان يروحون عند الرياييل
احمد راح بدون ما يتكلم وميره شردت فوق
ما تعرف كيف وصلت فوق
فتحا باب حجرت حصه و هي مب رايمه تتنفس
حصه ميتههههههههههه من الضحك طبعا هي جافت كل شي من دريشة غرفتها
ميره :ايييييه يالسباله ترا ما يضحك تعرفين كيف يفشل
حصه تغني: التقينا بليله من ليل البعاد
والهوى والحب في القلبين عاد
ميره :ماعليه ان ماخبرت عليج حمد
فجاه صوت شرطه وصراخ حصه سمعت صوت خلاها تنزل من فوق كان صوت حمد قبل ما تنزل شافت من الدريشه الشرطه ماخذين منصور
نزلت حصه و جافت باب الميلس شوي مفتوح و ابوها وحمد يحضنون بعض
فالميلس
جاسم :سامحني يا ولد اخوي والله اني ما دريت
حمد :افا يا عمي انت اللي سامحني
طبعا انتو تتسالون كيف وشو استوى
نرجع لليوم اللي تضاربو فيه حمد ومنصور
بعد ما الشرطه خذو حمد  مركز الشرطه  وراح عند الضابط الضابط يوم قرى اسمه ما استوعب رد قرى اسمه مره ثانيه
الضابط:انت حمد خالد فلان الفلاني
حمد :نعم
الضابط :علي جاسم ش يقربلك
حمد :علي ولد عمي
الضابط :حي الله  ولد عم علي
حمد :الله يحييك ويبجيك بس الغالي ترا انا ما سويت شي و على اي اساس انا هني
الضابط:يا اخوي انا ادري انك ما سويت شي بس القانون جي وانا ادري ان ولد عم علي ما تطلع منه هالاشيا بس انت خبرني ش السالفه من الالف للياء
وقاله حمد كل شي وبعدين احمد وصل المركز عشان يعرف ش السالفه المهم طلع ان منصور عليه شكاوي من زمان ف حمد واحمد تعاونو مع الشرطه وسوو خطه عشان يمسكونه واليوم مسكوه وحمد طلع نرجع لحصه
حصه متيبسه مكانها ماتعرف شو تسوي
ميره :حصوه حصوه هذا حمد ولا انا اتخيل
حصه :هييه حمد حمد هو وعدني وما خلف بوعده
ميره ما تعرف ش السالفه :تعالي فوق نبدل ثيابنا نلبس مخاوير ونلبس وقايه  وننزل طبعا ما مداهم يشلون الميكب بس بدلو ثيابهم وليسو وقايتهم ونزلو
اول ما دخلو الميلس حمد واحمد فاجين حلوجهم من كثر جمال حصه و ميره فجاه احمد رجع لوعيه بعد ما سعيد كلمه
سعيد:احمدو ويهد تعال برع اباك
احمد طلع وياه:خير خير ش تبا
سعيد :اول شي سكر ثمك بعدين شوفها ع كيفك خلها الحين ويا اخوها
احمد يشوف سعيد ويقول فداخله هالكثر يبين يعني :انزين انزين ش السالفه ش تخربط انته اشوف منو
سعيد :انا اللي شو اخربط اللا حالتك اللي خلني ساكت بس
حمد ياه اتصال :عيل انا استاذن لازم ارد ع هالاتصال ضروري
حصه منو اللي اتصل بعد ما طلع حمد حصه راحت وراه وتخبت
حمد :هلا والله بالحب
ربيعة ام حمد طبعا هي ربت حمد وهو بحسبة ولدها:هلا بولدي انت بخير
حمد :هي بخير وبعدين في حد يرمس سلامه وما يكون بخير
سلامه تضحك
حمد :فدييييييييت الضحكه
هني حصه جنه حد صب عليها ماي بارد الاخت راح تفكيرها بعييد
وقاطع تفكيرها شخص كان يناديها من 5دقايق وهي ولا عالبال
سعيد:حووووووو انا اكلم منو
وهني نقزت حصه جنه حد ردها للواقع إما حمد موووول ماكان منتبه لهم كان مشغول مع حبيبة قلبه خالته سلامه
حصه:هلا هلا سعود
سعيد:سعووود!!!اصغر عيالج شو
حصه بالها مو وياها وتبا تفتك منه ومن غلاسته:ش تبا الحين انته فكني
سعيد حب يغلس بها زياده :سيري سويلي عصير برتقال جي يكون باااااارد ،جان يشوف حمد وقال بصوت عالي و سوي حق حمد بعد  "مع انه مو ف خاطره ولا شي بس جي لعانه"
حصه بعصبيه :جي قالو لك خدامه تبا انت سر سويلكم او سير قول حق الخدامه
سعيد ما اهتم لها وقرب صوب حمد :ولد العم تعال داخل الحينه حصوه بتسويلنا عصير برتقال فريش وبارد 
حصه سارت المطبخ بكل عصبيه عشان تسويلهم وتفتك منهم ومن حشرتهم سوا العصير ودخلت الميلس وحطت الكوبين بكل عصبيه
حمد عرف انها متنرفزه من واحد منهم بس هو ما سوا شي ف قال اكيد حد من اخوانها غلس بها فحب يشارك هو بعد ،شاف احمد داخل وقاله: احس بخاطرك العصير
احمد وهو فعلا كان محتاج شي يسرسح :اووووه ومن ايد حصوه ما نقول لا
حمد عطا احمد عصيره وقال بكل هدوء ونبره استفزازيه:حصه لو ماعليج امر ابغي عصير
هني حصه شوي وبتنفجر عليه ماعطت اخوانها اي اهتمام وقالت قربت صوبه ونزلت عمرها ل مستواه بحكم ان كان يالس وهي واقفه وهي تشل الصينه قالت بصوت خفيف وكله قهر :روح عند حبيبتك خ تسويلك