جمعتنا وصية

انا وقلبي نعترف❤️‍🔥

اتصل حمد حق حصه حصه شافت وسكرت ف ويهه
دخل سناب شاف اللوكيشن انهم ف دبي
حمد : رايحه دبييي
دق حق ميره
ميره : الو
حمد: انتو ش تسون ف دبي
ميره : نرقص ش نسوي بعد حصه تخلص أشيا العرس تراك صدمتها ب وقت العرس وهي مو مزهبه شي بغيت شي
حمد : يمدي اي
ميره :حمد لا اتي الحين خلنا نخلص اتي وتعكر مزاجها اكثر من ماهو متعكر تعرف أنا تقول خذو اي شي ع رايكم وما كلت شي من الصبح منفسه صدق وايد زعلانه يبين عليها حمد والله حرام علييك
حمد قلبه وايد عوره : الحين ياي عندكم
ميره : حمد انت ما تفهم ما ينفع اتي يوم بنرد برمسك لأنهم بينزلونا أنا وساره ف تفاهم وياها
حمد : نزين
قبل ما يسكر سمع شيما تقول 
شيما : حصه كلي شي ما يصير جيه
حصه : مابا مو مشتهيه
حمد : ميره حطي الفون ع أذن حصه
ميره حطت الفون ع أذن حصه
حمد : حصه
حصه سمعت صوته وسكرت فويه
حمد : اف منج ب حصه هب زين جيه تسوين ف عمرج
ميره شلت حصه : انتو حاسبو أنا وهي بنروح ناكل شي
شيما : زين تسوون
طبعا مر الشهر وكل ما حمد يحاول يكلم حصه حصه تتجنبه
يوم العرس الفجر توها الشمس ما شرقت الناس توهم مخلصين الصلاه
حصه صلت وشافت فونها أحمد مرمسنها كاتب لها ع سناب
أحمد : تعالي فتحي باب الصاله مادري منو صاكنه عني
راحت كانت لابسه بجامه شورت و تيشرت فتحت الباب وفجاه حد شلها وركبها السياره
ما مداها تستوعب جان تصارخ يوم تشوف ريال متلثم
حمد شل الغتره من عليه
حمد : أنا أنا حمد
حصه : انت شو تسوي كيف جيه طلعتني من البيت
" معلومه بس موتر حمد كان ف حوي قوم حصه ف محد شافها"
حمد مد ايده ورا طلع فروته وكانت الفروه فيها كاب
لبست حصه الفروه وساكته لافه ويهها صوب الدريشه وتشوف برع
حمد راح بعيد شوي مكان مافيه حد عدل يلسته يعني ساند ظهره ع الباب وجابل حصه بس حصه بعدها صاده عنه
حمد لف ويه حصه صوبه مسك أيدها وباس أيدها
حمد : والله ما يهون علي زعلج والله إني اسف ياخي كيف اليوم عرسنا وأنتي زعلانه مني يأخي أنا غبي ما أفكر أنا حمار والله إني اسف على كل دمعه نزلت من عيونج ياخي حصه فديتج لا تزعلين مني والله إني ما كنت اقصد
حصه بغصه : الحيين
حمد : ترا كل ما كنت أبا اكلمج ما كنتي تعطيني فرصة
حصه : ترا انت ماعندك وقت حقي
حمد : ياخي والله إني غلطان ما كنت اقصد بالغلط طلعت
حصه : حمد أنا مو قصدي جيه بس أنا كنت غلطانه اوكيه بس انت كبرت الموضوع يعني أنا ييت عندك وقلت لك على طول كل اللي صار كنت اقدر اروح عند علي ولا أحمد وكأنو بيدفنون الريال بس أنا قلت لك وقلت وندمت انت حسستني أني غلطانه اوكيه أنا غلطت إني طلعت وما خبرتك بس ع السالفه الثانيه آسفه أنا مش غلطانه الحين لو لا سمح الله صار معاي هالموضوع ما بقولك لأني شفت رده فعلك
حمد: لا ياخي حصه والله ادري انج ما يخصج أنا كنت متنرفز من لبسج
هو عادي كان يعني وياي البسي اللي بتلبسينه بس روحج ياخي تعرفين إني اخاف عليج
حصه ابتسمت وعيونها اللي جي شوي دمعت : تغار مو تخاف
حمد يسمح دموعها وقرب منها وحط رأسها ف حظنه وباس رأسها
حمد : فديتج ي عيون حمد انتي مابا اشوفج تصيحين مره ثانيه
حصه : انت لا تزعلني
حمد : انزين رضيتي علي
حصه : وأنا اقدر إني ما ارضى