جمعتنا وصية

ملجة حمد وحصه 💍❤️

( هاه ش رأيكم فيني مدلعتنكم ولا؟)
فالميلس علي يرمس حصه ع سناب
علي : اقلج قولي حق سلامه تطلع
حصه : ويين
علي : انتي قولي لها وبس اقوول
حصه : ها
علي : قلتي لها أني معصب عليها صح
حصه : هيه
علي : تمام قوليلها تطلع بس خ تحط الشيله ع ويهها ترا أغار
حصه : بقول لها ما تلبس الشيله 🤣🤣🤣
علي : ي الهرمه
حصه : سلامو
سلامه تسولف ويا روضه
سلامه : هلا
حصه : علي يباج يقول طلعي
سلامه : الله يستررر
حصه : اقول تراه قال حطي الشيله ع ويهج بس امانه لا تحطين عانديه
سلامه : هي ناقصه أنا
لبست عبأتها وعدلت ميكبها وتعطرت
سلامه : ايي كيف شكلي
كلهم : تجننين
وراحت سلامه برع شافت موتر علي جان تركب
وهي متوتره
سلامه : السلام عليكم
علي : وعليكم السلااااام تعالي تعالي لا تخشين عمرج جيه ليش يايه ومو مخبرتني
سلامه  وهي تلعب بأيدها : نسيت ويعني عادي ترا اهلك كلهم هنيه وانت بعد موجود ش المشكله
علي لف ويهها صوبه : المشكله انج وايد حلوه وأنا اخاف انج تضيعين مني
سلامه : ترانا مالجين شفيك😂
علي : انزين أنا أغار
سلامه ضحكت
علي حرك
سلامه: وين رايحين
علي : بنتحوط عقب بردج بيتكم ولا ما مليتي منهم تراني من زمان مو شايفنج وايد تتغلين علي
سلامه : آفا أنا اتغلى انزين لا نتأخر لأنه بروح دبي ما بتم هنيه
علي : انزين عادي أنا بوصلج دبي ولا ما تبين
سلامه : لأ أصلا ي بختي
علي مط خدودها
سلامه شافته وابتسمت
راحو صوب البحر
علي : بتنزلين
سلامه : ما اقول لا
ونزلو يتمشون
وهم يتمشون
سلامه : علي
علي : عيونه
سلامه : شو رأيك نتسابق
علي ضحك : صاحيه انتي تبيني أنا علي أتسابق لو شافني حد من الدوام
سلامه بوزت : ويعني بتردني
علي : خلاص انزين بس ترا أنا اللي بفوز اقولج من الحين عشان ما تصيحين علينا عقب
سلامه : شكلك ماعرفت سلامه واحد اثنين ثلاثه
وانطلقو وشو ما تنلوي ريل علي
وسلامه مكمله
علي : سلامه
سلامه : تباني اصد عشان تخسرني صح
علي : سلامه يالخبله ريلي تعالي
سلامه لفت جافته يالس وماسك ريله راحت عنده : شو ياك
علي : ريلي انلوت وشكلها انكسرت لأنها دقت فالحصا
سلامه : مو شكلها انكسرت لأنه شوف كيف ورمت
ف بيت اليازيه
طلعو الرياييل
وقوم حصه كأنو يتلبسون
وطلعو ف حوي قوم هزاع حمد يطالع حصه وحصه تطالع حمد "من بعيد طبعا "
نهيان دقه : بس بس عيونك بتطلع
حمد : هاه
نهيان : تعال وياي
راح حمد ويا نهيان موتره
نهيان : الحين انتو ش صار عليكم
حمد : ماعرف نهيان ماعرف احس أنها ما تباني خلاص تخيل ان نحن طول ه الست شهور مافي تواصل من بيننا يعني حرفيا علاقتنا سطحيه من زمان ما تخبرت عنها من زمان ما سولفت وياها احسها خلاص يعني ما قامت تحبني احاول قد ما اقدر إني ما أقصر وياها واسأل بس هي مول ما تحاول نهيان
نهيان : انزين قد رمستها انت عن الموضوع
حمد : بدايات بعد العمليه وكله كانت تقولي ناجل ناجل
نهيان : ماعليه اصبر يا حمد الصبر زين
حمد : وأنا شو يالس اسوي الحين
نهيان : ماعليه ماعليه
نزل حمد من موتر نهيان وراح موتره ركبت ميره وياه
ميره : حمد ش فيكم انتو ما كنتو جي من قبل
حمد : والله لا تسأليني أنا اسألي بنت عمج
وكل حد راح بيته
عند حصه بعد ما بدلت ثيابها انسدحت ع الشبريه وجافت واصلنها أشعار ان حد مرمسنها ف انستا
فتحت فونها وجافت نهيان كاتب
نهيان : هلا
ردت عليه
حصه : أهلين
نهيان : علوج عساج طيبه
حصه : الحمدلله انت علومك
نهيان : الحمدلله حصه بسألج سوال واباج تجاوبيني بكل صراحه
حصه : اسال
نهيان : انتي للحين تبين حمد
حصه : كيف يعني
نهيان : حصه أنا أعرف انتو كيف كنتو ويا بعض ومن سويتي العمليه ما قمتو تسولفون أو بالاحري ابتعدتو عن بعض ليش
حصه : تبا الصراحه أنا بعد ما سويت العمليه وكنت فاقده الأمل إني ارد شرات قبل كنت اقول حمد يستاهل وحده احسن مني وحده كامله صاحيه مافيها ولا عيب وكنت اقول اكيد بعد العمليه حمد ما يباني ف قلت خلني ابتعد احسن لي
نهيان : بس انتي ما يصير تحكمين وتفسرين بدون ما تسمعين منه تعرفين هو اليوم شو قال لي قال ان يحس انج ما تبينه وما تحبينه شرات قبل وانج مقصره معاه وهو حاول كذا مره ان يسأل ويتخبر عنج بس انتي وايد سطحيه وياه
حصه: صح أنا وايد مقصره
نهيان : عاد تعرفين شو تسوين ما يحتاي اقول
حصه : تمام ومشكور وايد
نهيان : العفو حصه
فنفس اللحظه حمد كتب حق حصه اشتقت لج
حصه عطول دقت
حمد : الووو
حصه سااااكته
حمد : الووو حصه تسمعيني
حصه وصوتها خلاااص جي ودها تشوف حمد جدامها
حصه : هلا هي أسمعك
ومن هنيه ابتدت السوالف وتمو يتخبرون عن بعض وشو صارلهم ف هالست شهور لي ما رقدو ف الكول
بعد أسبوع
حمد كتب حق حصه : تجهزي ترا باجر بني نخطبج
حصه كتبت له : هاااااه
حمد : اللي سمعتيه ولا ما تبين
حصه : شو اقول يعني
وطول اليوم حصه تجهز وربشت كل البيت
يوم الخطبه
سلامه عند حصه فالحجره وعلي ناشب لهم
حصه : علي الحين انته ش تبا أنا قايله حق سلامه اتي عندي انته ليش ناشب
علي : والله الأخت هي اللي خلت ريلي تنكسر واحتاج مجابل أنا
حصه : روح عند احمدو خ يجابلك
علي : انزين خ تساعدني عشان اطلع
حصه تعطيه العكاز : وهاي ش فايدتها
طلع علي عنهم
خلصت حصه لبست مخوره عوده شوي وشعرها كان ستريت وحطت شيله البيت ع رأسها ونزلت تحت
ميره تكلم شيما : يحليلها بنتكم تستحي
حصه : ميروه بفلعج والله
المهم مرت الخطبه ع خير وقالو ان الملجه بتكون بعد أسبوعين بحكم أنها بتكون بينهم بس وبيعزمون اليازيه واهلها وأهل نهيان وسلامه
يوم الملجه قررو يسونها ف قاعه بس مو وايد عوده
عند حصه والبنات  فالحجره كأنو يتجهزون
طبعا كأنو سلامه وحصه وميره واليازيه
اليازيه : بنات
حصه : هلا
اليازيه : يوعااانه ترا
ميره : أنا بعد
حصه : أنا ما باكل شي فستاني عالجسم واخاف كرشتي تطلع ويخترب شكل الفستان
سلامه : مو صاحيه ، اقول بطلب من ماك شو تبون
اليازيه : ماك جكن
ميره : قراند جكن
سلامه : حصوه آخر كلام ما تبين شي
حصه وهي تسوي شعرها : نونونو
اليازيه : حصه ليش ما رحتي الصالون عشان شعرج والميكب
حصه : قلت دام إني اعرف اسوي بخلي الصالون حق العرس
اليازيه : تمام
بعد نص ساعه وصل الأكل
سلامه : اييه وصل الأكل
حصه : بدق حق الشغاله الحين
يابت الأكل وتمو يأكلون وحصه ميته يوع بس خبله معنها ضعيفه بس تعرفون فلسفه الضعاف
كلو وخلصو
ع المغرب كأنو مخلصين كل شي وراحو يتلبسون تعالو ندخل التفاصل شوي
حصه كانت مسويه نص رفعه والباقي ويفي وفستانها بيبي بنك ع الجسم وجي من ورا فيه ذيل
ميره فستانها بيبي بلو مافيه أكمام ومنفوخ شوي وجي صوب الصدر فيه ريش وشووي قصير وكانت مسويه شعرها ويفي وفارقه قصتها وحاطتنها ورا أذونها "ماعرف فهمتو ولا لا بس يلا نكمل "
سلامه فستانها احمر كم مافي والكم الثاني كت وفستانها كان طايح وفيه طره "طويله شوي🫣😂" وكانت قاصه شعرها مدرج ف بس سوته ويفي
اليازيه كانت لابسه فستان اسود جي تور وشعرها كانت مسوتنه ذيل حصان ويفي وحاطه لولو ف شعرها
وراحو القاعه
دخلت حصه ويلسو ورقصو وحمد من الساعه 10 حاشرهم يبا يدش
لين ما ساره دقت حق محمد ريلها
محمد : هلا والله باللي ما خلتني اشوف كشختها اليوم
ساره : حمود
محمد : عيونههههه
ساره : يود اخوك وقوله ان بيدخل 11و نص وإذا تم يحن بندخله 12 تفاهم معاه
محمد : تأمرين امر شي تبين بعد
ساره : لا تسلم
محمد : افا ما تبيني
ساره : حموووود
محمد ضحك : انزين انتبهي ع عمرج
ساره : عبود ورشود وينهم
محمد : موجودين
ساره : زين يلا مع السلامة
الرياييل كأنو يالسين ف ميلس خالد
محمد راح عند حمد
محمد : اقول ترا يقولون بتدخل 11 ونص
حمد : شووووه 11 أنا داخل بس تعبت
نهيان : اثقل اثقل
حمد : سير لاه
محمد : برايك بس ام راشد تقول لو دقيت بعد مره بتدخل 12
حمد : أوف قومو نسير كوفي وايد باقي
زايد : اييه اعقل شو بتقول حق الشياب
"" والله مالوم حمد وايد صبر😂😂""
حمد : اووف