جمعتنا وصية

ابحفظ طيفك بعيني واسكر عيني من بعدك🩵✨

استوت الساعه 11 وعشرين ف ميلس الشباب
حمد : انتو ايييييه يلا بيتاخر ألوقت أنا بروح انتو كيفكم
وراح ركب السياره ويهرن
زايد : هالولد متخبل خلاص
وقامو كلهم
فالقاعة كلهم يلبسون شيلهم بحكم ان المعرس بيدخل
عند باب القاعه
علي وأحمد :نحن بعد بندخل
زايد :خير خير
احمد : ترا أختنا شوو
حمد :ادخلو ان شاءالله تدخلون قبيله كامله بس يلا بسرعه
دخلو حمد وأحمد وعلي وزايد
الباقين تمو برع
يلسو ولبسها الخاتم ومن هالسوالف
طبعا علي راح عند حبيبه قلبه
علي : شخبار الحلو
سلامه :بخير الحمدلله
علي : وايد تتغلين تراج
سلامه : عروس ومن حقي إني اتغلى
علي :يلا ما عليه ما بقى شي وبنعرس  وبنشوف كيف بتتغلين
اماً اليازيه كانت مستحيه من احمد وما راحت صوبه وأحمد ناشب حق حمد و حصه
حمد يرمس حصه : يعني شوها هاذا ليش ناشب
احمد : ترا هاذا يسمع شو تقول
حمد : شوفي حتى كلام ما روم أتكلم ، مييره
ميره : هلا
حمد شل حصه ف حظنه جدامهم كلهم حصه تيبست : ايبي عباه حصه و شيلتها
حصه تقرص حمد : نزلني بسرعه علي وأحمد هني يالسين يشوفون كل الناس هنيه
حمد : ويعني خ يشوفون لي ما يشبعون تراج حرمتي
حصه : فشلتني حمدددددد" ويهها احمر " حمد بتطيحني
حمد بعده شالنها وواقف عند الباب يتريا ميره اتيب عباة حصه وشيلتها
ميره وصلت وحمد نزل حصه عشان تلبس
لبست حصه وحمد مسك أيدها عشان يطلعون طلعو وكلهم كأنو واقفين برع :
خالد
جاسم
محمد
سعيد
نهيان
زايد
هزاع
راشد وعبدالله
حصه مفتشله أنها كيف جي يعني كانت متوهقه وواقفه ورا حمد
نهيان جافها مفتشله وتحاول تنخش ورا حمد جان يقول : مبروك حصه
حصه ساكته و فداخلها تقول ما عليه ي نهيان أنا أراويك
ركبو السياره
حصه : انته كيف تشلني جدامهم
حمد : فديت اللي يستحون والله
حصه ضحكت
حمد : هييي ضحكي جيه
حصه : وين بنروح
حمد : حاجز مطعم ف دبي سمعت انج مو مأكله عشان الفستان بعدين انتي صاحيه يعني من متنج عشان تطلع لج كرشه وشو هالكرشه اللي بتطلع ب يوم كيف ما تأكلين يوم كامل وإذا استوى فيج شي ش أسوي أنا من وين اييب لي حرمه
حصه ضحكت : ترا الحريم متروسين بعدين تعال كيف بنروح دبي وأنا جييه
حمد : اكيد ما بخليج تروحين ب هالعباه والفستان والميكب بنمر البيت بس لو تاخرتي ي حصيص ي ويلج
حصه : نص ساعه و بكون جاهزه
حمد : خيبه نص ساعه ش بتسوين فيهم
حصه : حمد تراها نص ساعه مش عشر ساعات
حمد : المهم حاولي تخلصين بسرعه
حصه : من عيووونييييي
وصلو بيت حصه حمد يا بينزل معاها
حصه : هااا وين
حمد : تبيني ف هالبرد أتم لابس هالكندوره ببدل بلبس وحده من كنادير احمد او علي
دخلو حصه راحت غرفتها ما تعرف شو تلبس اول طلعه لها مع حمد احتارت بعدين تذكرت ان عندها عباه بنيه طلعت لها بنطلون جينز ابيض وسيع وقميص بيج شبه هاينك
بعدها ما لبست العباه ركضت غرفة احمد عشان تقول ل حمد ان يلبس كندوره بنيه درعمت الغرفه وحمد كان توه طالع من الحمام " خذ له شور سريع" وكان بالوزار بس ماكان لابس قميص جان حصه تصد عطول تبا تطلع
حمد خذ القميص وهو رايح صوبها مسكها من أيدها
حمد : تعالي تعالي وين رايحه ليش استحيتي عادي ترا استويت ريلج
حصه غيرت الموضوع وراحت صوب كبت احمد وع حظها احمد كان عنده شرات لون عبأتها ب الظبط طلعت الكندوره
حصه : بتلبس هاي الكندوره
حمد : تم
حصه : يلا أنا بروح البس عباتي
حمد سحبها وقربها منه وااايد لدرجه حست بأنفاسه
حمد وهو يلعب ف شعرها  : البدله عليج طرررررررر
حصه صمتتتت
بعدو عن بعض شوي
حمد : يلا يلا روحي لبسي عباتج وخفي من الميكب ها
لبست ونزلت وحمد نزل
حمد : وأنا اقووول ليش خليتيني البس هاللون
حصه : ليش مو عايبنك ان مطقمين
حمد : احلى من يطقم وياي
ركبو السياره وكان الجو طرررررر حرفيا كانت درجه الحراره 17 وكأنو منزلين الجامات وكان حاط أغنيه انتبه مالت ماجد المهندس
وصلو دبي ع الساعه وحده
حصه : حمد اي مكان هاللي مفتوح هالوقت
حمد : المكان اللي بنروح له مفتوح كل وقت