(بارت يدييييييد ،من طول الغيبات جاب الغنايم😂😂شوفو هالبارت يعتبر شوي طويل يلا استانسو وانتو تقرون واذا عندكم اي ملاحظه ع اي شخصيه قولو ويلا ما بطول عليكم انجووووووي )
وبعدها دخل حمد الميلس
حمد:السلام عليكم
هزاع:وعليكم السلام
حمد:شوف هزاع انا ريال ما احب الف وادور بالكلام بسالك وقولي الصدق
هزاع:افا عليك قول
حمد :انت تحب حصه
هني هزاع ويها تغير 180درجه تقولون حد صفعه كف
هزاع وهو واثق من عمره:شوف انا بقولك شي عشان تكون عارف هو الصراحه انا مو اني احبها مجرد اعجاب بس بعد اللي استوا اليوم انا يتقدملها
حمد :هزاع بس كنت بقولك شي تعرف ان لو حصه فيها عيوب الدنيا بتم احبها وما في شي بيغير حبي لها وسالفة انك تتقدمها انساها لاني عرفت كل شي من حصه وان قربت من حصه وكلمتها فالموضوع ف بتشوف تصرف ثاني انا هالمره قررت اني اتكلم معاك لاني ما ظنتي تعديها واصحى يا هزاع اصحىىىىىىو
ظهر حمد من بيت هزاع ويوم ركب مسك فونه يبا يحط اغاني شاف مليون مسج ومكالمة من حصه
حمد اتصل بس ما ردت حصه جان اطرشله
حصه:ما اقدر ارد كلهم يالسين وبعدين انت وينك ما ترد شو سويت قول إنك ما سويت له شي بليز حمد
حمد :حشى بعدهم متى بيروحون ابا اي ،وبعدين لايكون تخافين عليه
حصه :اول شي تراهم اهلي اكيد بيقعدون عندي وبعدين ترا تقدر تيي الحين ،وبعدين مو سالفه ان اخاف عليه انا اخاف عليك انته ما يحتاي انت عصبيتك لا يعلى عليها
حمد :فديت اللي يخافون عليه
لا جواب من حصه قرت وماردت
حمد:حووو تستحين شوه
حصه:حممممدددد
حمد:😂😂،انزين اقولجح
حصه :هلا
حمد:شو بخاطرج تشربين
حصه :مابي شي
حمد:حصوووووووووووه ولا كيفج احسن توفرين
اتصل حمد حق احمد وقالهم اذا يبون شي
راح حمد كوفي LA PETITE وطلب وبعدين وصل المستشفى
دخل غرفة حصه
ميره :هلا بالحامل والمحمول
عطى حمد كل واحد طلبيته
حمد:وهذا ل حصه
احمد:الله يهديك يا حمد هب زين روحها مريضه
حصه تسحب الكوب من ايد حمد:لالا ما يخصكم زين
واول ماشربة حصه شوي واتفل اللي شربته ع حمد بحكم ان كان واقف حذال سريرها
وكلهم نقعو من الضحك
ما اقولكم عن شعور حمد يوم حصه تفلت فويهه
جاسم بعصبيه :حصه ش هالحركه بعد اعتذري من ولد عمج بسرعه
حصه بقهر ودها تصفع حمد:اسفه ولد عمي
احمد سحب حمد :انت شو طالب لها
حمد:ياخي حبيت امزح والطف الجو وطلبت لها ماي بحكم انها ما تقدر تشرب كوفي وحطيت فالماي سكر
احمد وهو يضحك:اونهههههههههههه احلف
حمد:هي اضحك انت ما تشوف اختك شوي وبتاكليني
احمد :ايييه وبعدين هاي اختي ما يحقلك تمزح وياها جي حتى لو ولد عمها
حمد :انزين اسف وحقكم علي
احمد :بلاك شديتها اسولف اسولف
ميره شلت فونها وتكتب حق اخوها حمد فالسناب
ميره:حمد انت شو مسوي
حمد :حمد:ياخي حبيت امزح والطف الجو وطلبت لها ماي بحكم انها ما تقدر تشرب كوفي وحطيت فالماي سكر
ميره:احلفففف
حمد :المهم ش اسوي الحين احسها ودها تذبحني اصلا نظراتها تكفي
ميره :الحين ش اسوي يزاااك واقل من يزاك الحين حد جي يمزح وفوق هاذا عمي هزبها وخلاها تعتذر منك يدامهم كلهم وانت تعرف حصيص كله ولا الكرامه
حمد :وكرامتي انا تراها ما قصرت تفلت فويهي
ميره:😂😂😂😂😂تصدق هاي كانت قويه محد توقع ان حصيص جي تسوي بس ما اتوقع انها كانت متعمده بس لانك كنت عندها ف يعني اعتبرها ردة فعل سريعه بس انت تستاهل ،المهم لازم تراضيها
حمد :وانا اقدر اسوي شي والقبيله كلهم يالسين ماعرف متى ناوين يروحون
ميره :ما يمدي هي شويات وطالعه بترد البيت
حمد:اففففف يعني انا ما صدقت اراضيها ترد تزعل
هني حصه تكلمت:احمد
احمد :عيون احمد
حصه :يالله نطلع لان احس خلاص ابي ارد البييييت
جاسم :عيل نحن بتتجدم وانتو الحقونا
خالد: ونحن نترخص يلا محمد
وكل حد رد بيته
ف موتر ميره
حمد:ميروه ش الحل الحين كيف اراضيها
ميره :والله انا روحي ماعرف
حمد:انزين ميروه بقولج شي بس مو تقولين حق حصه
ميره بحماس:هااا متى العرس
حمد:اي عرس انتي بعد
ميره :عيلللل
حمد :انا سويت شي
ميره :حمد بتقول ولا ذبحتني انا بقول شي انا سويت شي قول وريحنا
حمد :خيبه هب لسان
ميره :اذكر الله لا تصكني بعين
حمد :من زينه عاد المهم يعني انا قلت ل حصه اني كلمت ابوها بس الصدق اني ما كلمته
ميره :يالغبييييي
حمد :اييييه تراج زودتيها انا اخوج اكبر عنج ما يستوي كله تسبيني وبعدين ترا انا كنت ناوي اكلمه بس ماصار وقت وكنت لازم اقول جي عشان شوي حصيص ترضى علي وبعدين يقولج اهم شي النيههه
ميره :اهم شي النيه هاه روح قول حق حصه هالكلام بنشوف ش بتقول
حمد:اوففف بس خلاص انا بشوف الاسبوع الياي بروح اكلم عمي جيه زين
ميره :زين
ويرن فون حمد
حمد :الو منو
زايد :حمدو انا عمك يالهرمممم هب مسجل رقمي
حمد:زيووووووود هلا والله وانا اقول دار زايد منوره
زايد :زيود جي اصغر عيالك انا
حمد :وينك انت
زايد :فالمطار تونا واصلين تعال مر علينا
حمد:علينااا ؟!منو معاك
زايد :وانت ش عليك منو معاي
حمد :لا والله بس لان انا ويا ميروه
زايد :اهاااا سلم عليها ونزلها وتعال لا تتاخر
حمد :يلايلا
ميره :زيود رد البلاد؟؟؟؟؟
حمد :هيه الحين بروح امر عليه موتري فالبيت صح
ميره :ع الاغلب
حمد :ان شاء الله في بترول بس
وصلو البيت
دخل حمد البيت
حمد:رشووود
راشد نازل من فوق وريحته شاله المكان عاد راشد ما تمر ساعتين فاليوم الا وهو متسبح ومتبخر وكاشخ:هلا عمي
حمد :رشود سويج موتري وينه والموتر فيه بترول
راشد :عالطاولة وهيه في بترول خليت السايق يوديه المحطه
حمد وهو ساير :اقولك راشد عندك شي بتروح مكان؟
راشد:لا والله ما بروح مكان
حمد :عيل يلا تعال وياي
راشد :وين
حمد :زيود راد من السفر ووياه حد ماعرف منو معاه بس بنروح نمره المطار
راشد :يلا
حمد:كلم امك عشان ما تحاتي
راشد : بدقلها فالموتر
راحو المطار
زايد :هلااااا بدكتورنا
حمد :مرحبا الساع
زايد :رشوود كبرنا والله
راشد يتخاشم ويا زايد
نهيان وعلي يو
حمد:علييييي
حمد :منو الريال
زايد:نهيان ربيعي
حمد:والنعم وسبعة انعام ،يلا يلا ركبو
زايد:حمد سيده بيت جاسم هاه
حمد:ليييش و شو بلاه بيتنا
زايد:ما بلاه شي بس ودي اتطمن ع حصه سمعت انها تعيبينه وانا تولهت ع حجرتي
"طبعا زايد كان عنده شرات غرفه وصاله ف بيت جاسم كان ساكن وياهم "
حمد :حاظرين
وسارو بيت جاسم
يو يبون ينزلون علي و زايد
نهيان :حمد اذا ما بنتعبك توصلني فندق وباجر انا بروح دبي
زايد :افا والله منقود تسير فندق وبيوتنا موجوده بعدين تعال بات ف غرفتي
نهيان:لا والله
علي :لا منقود اصلا الشيبه لو عرف انك ييت لي عند الباب ورحت بيهزبك والله يعينك عاد اذا طحت ف لسانه
نهيان :خلاص عيل ما نروم نقول شي
حمد :نحن نترخص
علي :وين وين ما تتحركون من هني الا وانتو متعشين ولا ترا هاااا
حمد كان يباها من الله عل وعسى يشوف حصه يراضيها شي مني مناك
حمد:حاظرين بنتعشى
دخلو البيت
زايد :هود يا اهل البيت
حصه منسدحه ع الشبريه ف غرفتها وتفكر فاللي استوالها اليوم تحس انها كانت ف حلم بس فزت ع صوت زايد
وتربع تبا تتاكد هل هاذا زايد ولا واول ما كانت تبا انزل
احمد :انا سمعت صوت زيود ولأ يتهيأ لي
حصه :هي صوت زيود
وربع احمد عالدري قبلها ولمح وشاف ان حمد موجود
احمد :حصه هلا تنزلين في حد وياه
حصه ردت :اوف قهر
سعيد ظهر من جناحه:حصوه شهالازعاج منو عندنا
حصه :زيود ووياه حد ما عرف منو
سعيد:والله زيود رد .يلا عاد انا بنزل اشوفهم نادي ابوي
حصه :ابوي تحت
نزل سعيد:هلاااااااااا والله بزايد وييين الناس
زايد:شوفو تعلموووو هاذا وهو اكبر مني يناديني زايد وانتو اللي اصغر مني تقولون زيود
وسلم عليهم
سعيد:ماعليك منهم
جاسم :تعالو الميلس
فالميلس
احمد :والله عليك سوالف ي نهيان جويي زين تسوي ف زيود مأدبنه
زايد :بالهرم انا عمك هاذا انت ما تعرفه
احمد :ماعليك انا و نهيان جنه تعرف بعض من سنين صح ولا
نهيان :هيييه
طبعا احمد خبله ونهيان نفس الشي واجتمعو الخبايل
زايد:يباله ورقه
احمد :لا لا يباله جاكارو بس مش اليوم باجر العصر بنلعب انا ونهيان تيم وانت وووو حمددد
حمد:هلا
احمد :باجر العصر فاضي
حمد :ليش
احمد :نبا نسوي تحدي جاكارو ونبا حد ويا زايد
حمد :لا حبايبي انا فريقي واحد انا العب ويا رشود
علي :عيل نلعب مال6وانا ويا عمي
نهيان:بس بشرط
كلهم:شوه
نهيان :كل شخص يحط 500 درهم والتيم اللي يفوز ياخذ المبلغ
كلهم :تمم
حصه وشيما و حمد الصغير فالمطبخ
حصه :شيوم منو تحسين ويا زيود
شيما وهي تسوي العشا ويا الخدامه:شعرفني يمكن ربيعه يابه من المطار و ابوج واخوانج ما خلوه يروح قبل ما يتعشى
حمد الصغير :ماما ابا اروح الميلس
شيما :وين تروح ايلس هني بس عيب
حصه بمكر:حمدوووو تبا تسير الميلس
حمد الصغير :هيه الله يخليج عمو
حصه :بس بشرط تقولي منو موجود فالميلس
حمد الصغير :من عنوني
دخل حمد الصغير الميلس واول ما دخل شاف حمد وصرخ:عمو حصه السمي موجود
وكلهم ضحكو
وجان تسمع حصه
حصه :الله يهديك يا حمد فضحتني عند العرب
شيما تضحك عليها:اي عرب الا هو حمد
حصه :لا لا انا سمعت صوت غريب
فالميلس
حمد الصغير سلم عالرياييل كلهم وبعدين راح يلس ف حضن سميّه
حمد الصغير:انا زعلان واااايد
حمد العود:افا لييششش
حمد الصغير:من زمان ما شفتك ومن زمان ما وديتني الدكان
حمد العود :افا عليك الحين اوديك
سعيد:وييين الحين الوقت متاخر وبعدين العشا زاهب لا تكبر راسه
حمد العود :لا لا بوديه ما بتاخر ويييب بارد بالمره
سعيد :برايك
حمد العود :يلا روح البس نعالك
راح حمد المطبخ
حمد الصغير:ماما ماما وين نعالي حمد بيوديني الدكان
راحت شيما تييب نعاله
حصه :اقول حمدو
حمد الصغير:ها عمو
حصه :منو فالميلس
حمد الصغير :يدي وبابا و رشود وعمي احمد وعمي علي وعمي زايد والسمي وواحد اسمه نهيان ربيع عمي زايد
يت شيما
حمد شل نعاله وطيران ع سيارة حمد اللي يموت عليها
فالموتر
حمد الصغير:اقول السمي
حمد العود:هلا
حمد الصغير:ليش ما تخلي موترك ابيض احلى
حمد العود:يعني جي رايك السوده هب حلوه
حمد الصغير :حلوه بس الابيض احلى اقول حطلنا شي نسمعه
ضحك حمد العود :هب هين 😂😂😂
شل حمد فونه ودق ل حصه يبا يسالها اذا تبا شي و بالمره يحاول يراضيها
بس طبعا حصه ما ترد
حمد يتله فكره :ماعليه ما تردين هاا انا اعرف شو اسوي
وصلو الدكان ونزلو
وطبعا حمد الصغير خم الدكان كله
حمد العود خذ بارد وخذ 2ردبول ازرق وقلاصين ثلج و2كندر بوينو
حاسبو وطلعو اول ما وصلو البيت
حمد العود :السمي
حمد الصغير :لبيه
حمد العود :يود هالردبول والكندر سير ودي ل عمتك حصه بس لا تدخل من الميلس سير من الصاله
حمد الصغير :اوكي
راح حمد الصغير وعطا حصه
حصه :اللله والله ان فخاطري شربته عطول يسررررسح
تعشو وحمد طلع من الميلس وراح مجابل بلكونة حصه وكتب لها
حمد :جوفي تويتر بسررررعه
حصه دخلت تويتر وشافت حمد كاتب :
حصه يقوم الصبح يرقص عند طلة خدها
حصه عيني تطالعها ولا تغمض وانا ما اردها
لنشوفها يغني نظر العيون عن كل الوجيه
حصه :مينووووون والله انه مينون
وعطول اتصلت
حمد :هلا وغلا
حصه :يالغبي امسح قبل لا حد يقرا
حمد :ويعني لو حد قرا كاتب اهداء حق حرمتي
حصه:والله انك هب صاحي امسح
حمد :اذا انتي راضيه علي بمسح
حصه :راضيه راضيه بس امسح
حمد :اوك ثواني خلج ع الخط هاه مسحناه اقول اطلعي فالبلكونه
طلعة حصه :طلعت
حمد :شوفيني انا تحت
حصه :والله انك مب صاحي تخيل ان حد يطلع وشوفك
حمد :عادي المهم اسمعي بقولج شي بس مو تزعلين لاني تعبت ياخي وانا اراضي فيج
حصه تضحك :قبل لا تقول اعرف توني مكلمه ميره ومسامحتنك بس انت يلا ادخل
حمد :لا انا بسير الحين بيتنا بس اقولج لا تنزلين بليا حجاب ترا نهيان هني
حصه بخبث:منو نهيان
حمد :ما يخصج واذا شفتيه مو تطيحين الميانه وياه سلام عليكم وعليكم السلام بسسس
حصه :اي اوامر ثانيه دكتور حمد
حمد :سلامتج
أنت تقرأ
جمعتنا وصية
Teen Fiction"جاسم ريال متقاعد حرمته اسمها فاطمه وعندهم بنت و ثلاث اولاد البنت :حصه عمرها 18سنه والاولاد: سعيد : عمره 27 متزوج حرمته اسمها شيما وعنده ولد صغير:حمد علي : عمره 25 يشتغل فالشرطه احمد : عمره23اخر سنه جامعه جاسم عنده اخو بس متضارب وياه يوم ابوه توف...
