جمعتنا وصية

بارت17

(بارت يديييييييييييييد بعد غيبه طويله شوي🫣🫣)
بعد ما طلعو من بيت جاسم
فسيارة حمد
حمد:رشود لا تتحسب ان نسيت سالفتكم
راشد فداخله اوبااااااا:هاا
حمد :هااا انا اراويك يالهرم جان ما خبرت ابوك
راشد:اهون عليك يعني عمي
حمد وهو معصب:الحين تعرف تقول عمي هالمره ما قلت له شي بس والله ي رشود ان عدتها ي ويلك انا ما علمتك السواقه عشان جيه تسوي لو رايحين مكان قريب بقول بس
راشد حس ان عمه وايد عصب:خلاص والله توبه ما اسوق لين ما اخذ الليسن
حمد ضحك:سوق ما قلنا لا تسوق بس مو يوم يلحقونك الدوريه تشرد
راشد :ان شاء الله
وصلو البيت
راشد:يالله العم تصبح ع خير
حمد :وانت من اهل الخير
حمد راح يتطمن ع خواته ك العاده
دق باب غرفتهم بالخفيف
ميره :تعال
دخل حمد :واعيه
ميره :هي والله ادرس حق اخر فاينل
حمد :الله يعينج تبين شي مني مناك
ميره :لا والله سلامتك
حمد :فديتج والله وبس نامي وباجر كملي دراسه
ميره :هي بس باقيلي 3سلايدات
حمد :تصبحين على ما تتمنين
اليوم الثاني
فبيت جاسم
احمد نازل تحت شافهم كلهم مختبصين فالمطبخ
راح عندهم
احمد :سعوووود علي ش تخبصون انتو😂😂😂
شيما:قلتلهم بسوي انا الريوق ما رضو يقولون ع الاقل بنسوي شي واحد
حمد الصغير وهو يلعب بالطحين :بنسوي ريوق حق عمو حصيص
احمد :اوف كل هاذا حق حصيص عيل انا ش اسوي
علي :سوي كرك ف خاطرنا الكرك مالك
احمد :ع هالخشم
علي:الغالية ام حمد ماعليج ادري ان مبهدلين المطبخ انتي ما عليج بس روحي زهبي السفره ونادي حصيص نحن بنكون مخلصين
شيما :ما اقدر اقول شي سمعا وطاعه
احمد:سعود مو تحرق البيض
سعيد :افا عليك لعبتي البيض
شيما وهي تجهز السفره يا جاسم عندها
جاسم :ش الازعاج هاذا
شيما :عيالك يسوون ريوق حق بنتك و مارضو ان انا والخدامه نجهز الاكل
جاسم :يحليلهم
وهني كل واحد ياب الاكله اللي سواها
علي :وين حصيص
شيما :وعيتها بس ما اعرف وينها
علي :انا بروح اناديها
احمد :بي وياك
راحو غرفتها شافوها طالعه من الحمام جان احمد يغني لها:طلع الزين من الحمام
وعلي يطبل ع الباب
حصه :انتو اييييه ش هالازعاج
علي :تعالي تحت مجهزين لج ريوق،وياشر ع احمد بايده ان يكمل جملته
احمد:فاخر من الاخر
راحو تحت
حصه :الله تسلم ايدكم اكيد شيوم مساعدتنكم
شيوم :لا والله انا ما سويت شي بس جهزت السفره
يلسو  ع السفره وهم ياكلون
علي:حصوه انا ابا اعرف كيف كنتي عايشه يوم سافرت محد كان يدلعج نفسي صح
احمد :خف علينا يا محور الكون انته
حصه قامت من مكانها ولوت ع اخوانها فديتكم انتو بس الله لا يحرمني منكم بس ترا انا مو تعبانه وايد ها استويت بخير
كلهم ضحكو
الظهر حصه تتكلم فالتلفون
حصه :الو
سلامه:هلا والله ب هالصووووت
حصه:سلامووووو انتي هني فالبلاد
سلامه :هيي امس بالليل
حصه:وينج فدبي ولا العين
سلامه :ف دبي بس شويات ويايه العين بيت يدوه اسلم عليها
حصه :عيل العصر تكونين عندنا
سلامه :بس تم من عيوني
من سكرت سلامه حصه اتصلت ف ميره
ميره :هلا
حصه :ميروه فاضيه ولا
ميره :امري قولي
حصه :تخيلي سلامو ردت
ميره:حلفي
حصه :والله واليوم العصر بتي بيتنا عادي اتين😁
ميره:اكيد بي وبسوي تيراميسو وهي حصوه امانه سوي فراوله بالجوكلت وايد ف خاطري واذا ناقص عندكم شي انا بييبه لج
حصه :لا كل شي موجود انتي بس تعالي
ميره :عيل انا بعد صلاة العصر عندكم
حصه :يلا عيل اترياج
ميره :دقيقه
حصه:هاه
ميره :ش بتلبسين
حصه :ماعرف مخور ع الاغلب لان نهيان ف بيتنا
ميره :نهيان منو
حصه:ربيع زيود يا وياه من لندن وبات عندنا امس
ميره:اهاااا عيل يلا انا بروح اسوي التراميسو لانه يباله وقت
العصر ف بيت جاسم
علي واحمد بتزهبون  بيسيرون بيت عمهم خالد عشان بيلعبون جاكارو
وهم نازلين من الدري
علي :اوووف دقيقه نسيت فوني فوق
احمد :انت ما تسمع زيود ونهيان فالموتر متخبلين يدقون هرن
علي :عيل اييك شوو انتو روحو وانا بي بموتري
احمد:برايك بس لا تتاخر
علي :تمام
صعد علي اييب فونه جان يشم ريحة عود
نزل تحت وراح صوب الصاله جان يشوف حصه متلبسه وكاشخه
علي :الله الله شو هالكشخه والذهب حق منو ها اعترفي رايحه عند منو ويغمز لها
حصه :مو رايحه مكان ربيعتي راده من لندن ومن زمان ماشفتها ف بتي بيتنا
ويرن فون حصه
سلامه:هلا انا برع حد يفج الباب
حصه :اوك
وسكرت
حصه :اقلك وانت طالع الباب لا تسكره ربيعتي ع الباب
علي :انزين انا بفج الباب خ تدخل وعقب انا بطلع
وراح علي فتح الباب دخلت سيارة سلامه البورش طبعا علي كان صاد ويهه احتراما لها بعدين يوم نزلت علي وهو صاد يبا يركب انصدم
علي والابتسامة شاقه ويهه:انتيييي
سلامه وهي فووووول كشخه والشيله كانت بس جي ع راسها وكانت حاطه ميكب مو وايد بس كان طررررر وعبايتها البيج ونظارتها مالت برادا وكعبها يعني كانت حرفيا كشخهههههه
صدت عليه وهني علي فتح ثمه منبهر من جمالها صح انها كانت جميله يوم شافها هناك بس ما كان منتبه
سلامه رفعت نظارتها :انته شو تسوي هنيه
حصه تشوفهم باستغراب :انتو تعرفون بعض؟!
علي :اءءهو مو نعرف بعض بس يوم رحت باخذ حقج وحق ميره هديه احترت والاخت ساعدتني بس حتى ما مداني اعرف اسمها😅😅
حصه تضحك وتعرفهم ع بعض : سلامه ربيعتي علي اخوي
علي وسلامه ف نفس الوقت :تشرفنا
علي :يلا عيل انا اترخص وانتو ادخلو داخل بعد الدنيا حرر
حصه وسلامه دخلو داخل جان حصه تحظن سلامه :وينج عنا بالجلبه حد يتم برع هالكثر
سلامه :ش اسوي دراسه
حصه :علينا المهم تعالي افصخي عباتج ويلسي
نروح بيت خالد طبعا ميره متاخر وبعد وقت حظرتها تلبست وتبخرت وكانت مستعيله وخذت التيراميسو ويالسه تركض الاخت وهي لابسه كعب وبوووم دعمت فحد بس ما تعرف منو
ميره وهي تشوف التيراميسو اللي طاح وخلاص تعبها راح :انته شووو ما تشوووف
نهيان بتوتر:السموحه اختي بس انتي يالسه تراكضين وما تشوفين جدامج
ميره :بعددد انا الغلطانه الحين
ورفعت راسها ويوم شافت ان ريال غريب ما تعرفه وهي جي يالسه تزاعج ويهها استوا طمااااط
ميره :السموحه اخوي والله عبالي حمد ولا عيال عمي ونادت الخدامه تنظف وراحت ركبت موترها وهي تركب سمعت حمد اخوها ينادي :نهيان يالله تعال بسرعه ترا بنبدا اللعب
ركبت موترها :هاذا نهياااااان محلاااااااااااه ي ويلي بعدين انا خبله داعمه الريال و هازبتنه والله اني حماره اف
وصلت بيت عمها دخلت وسلمت ع سلامه
حصه :ميره وين التيراميسو
ميره :الارض كلتها
حصه :بلا بياخه روحي ايبيه من الموتر
ميره :والله وانا ظاهره من البيت دعمت نهيان وطاح السويت
حصه :حلفييييييي😭😭😂😂
سلامه :حسااافه عاد كان ف خاطري التيراميسو
حصه :خلج من التيراميسو شفتي نهيان كيف شكله
ميره :اووووف يجننننننننن
حصه :حسافه ما شفته
ميره :بتشوفينه تراه يالس ف بيتكم
حصه :بس اليوم بيروح دبي سمعت زيود يقول
ميره :حصوه ش هالكلام ترا بخبر عليج حمد
سلامه تشوفهم :حمممد وهو شو يخصه ف حصه
وهني قالولهم سالفة حصه وحمد وهزاع وكل شي طاف سلامه يوم كانت برع
فجاه يدق الجرس
حصه تنادي الخدامه تفتح الباب
دخلت الخدامه :ميره هاذا مال انتي
حصه :ميره ش طالبتلنا
ميره :انا ماطلبت شي
سلامه :في كرت
خذته سلامه وقرته :السموحه ع اللي صار واتمنى تتقبلين الاعتذار من نهيان
حصه وسلامه :اوب اوب اوب
ميره :يالفشله
حصه :ليششش
ميره :يوم شفت ان التيراميسو طاح عصبت عليه
حصه :والله انج غبيه ،بس تعالو هالكوفي التيراميسو عندهم طر
سلامه :يلا ناكل
ميره :لا دقيقه بصور اول شي