جمعتنا وصية

( طلبتك ي الغلا قل تم )

حمد يدور حصه لأنها فجاه اختفت
حصه طلعت من القاعه وراحت تبا تصعد جان ميره تطلع ف ويهها
ميره: حصوه
حصه : هاه
ميره: حصه تعالي شوي أبوي يباج
حصه : وينه عميه
ميره : يالس فاللوبي
راحت حصه وسلمت على عمها
خالد : هلا ببنتي حصه
حصه: أهلين عمي ش الأخبار ش العلوم عساك طيب
خالد : والله علومي طيبه إلا انتي وينج ما أتيين عنا ولا تسلمين ما تقولين عندي عم
حصه : عميي تعرف جامعه وجيه بس ان شاءالله من عيوني
خالد : ولا في شي ما تبين تقولينه
حصه : شي مثل شوه عميه
خالد: لأيكون حمد مزعلنج ولا مسوي شي يضايقج
حصه شكت فالموضوع: لااا عميي ما في شي
خالد: هاذو حمد " على صوته " حمد تعال هنيه
حمد راح صوبهم : هلا أبويه
خالد : لايكون انته مزعل بنتي حصيص
حمد يشوف حصه
حصه : اا عميه قلت لك مافي شي أنا استأذن بروح أريح تعبانه
قامت حصه وقام حمد يبا يلحقها
أبوه مسكه من ايده قبل لا يروح
خالد: حمد والله لو عرفت انك مسوي شي ي ويلك ان شاءالله انك ما تسود ويهي
حمد : ماعليك انته أبويه
وراح حمد يبا يلحق حصه
لمحها تركب المصعد وبسرعه راح ولحق قبل ما يروح المصعد وركب وياها يت بتنزل من المصعد بس حمد مسكها
مهره وميره واقفين " بس اذكركم يمكن نسيتو ترا مهره أخت ميره وحمد و محمد أختهم الصغيره "
المهم ميره و مهره كأنو يشوفونهم جان مهره تقول
مهره : الله كيوت جنه مسلسل تركي يارب يعلق المصعد و بيكتمل المشهد
ميره : خبله انتي شوه
فالمصعد
حصه : كم مره لازم أعيد لا تلمسنيييييي
حمد بصوت حاد : حصه بس عاد سمعيني
هنيه فتح المصعد وحصه طلعت عشان تروح غرفتها وحمد يلحقها حصه دخلت وين بتسد  الباب بس حمد ما خلاها دخل الغرفه وبند  الباب
حصه : حمد والله مالي خلق أتناقش فالموضوع
حمد طاحت عينه ع بوكس البيتزا وشاف ان فاضي ف عرف أنها كلت
حمد : بالعااافيه على قلبج ي عيوني زين انج كلتي
حصه : والله كلت لأني يوعانه مو عشان اي شي ثاني
حمد يلس ويلس حصه حذاله ع الشبريه
حمد : حصه احلفلج والله إني ودرت هالسم من فتره واللي شفتيه فالموتر أصلا كان مخلص يمكن صار لي شهرين مودر والله إني اسف والله حصه حقج علي بس انتي تعرفين الحال
حصه قامت من ع الشبريه ويلست ع الكرسي
حصه : يوم انك رابعت هالاشكال وسويت اللي يسوونه الله يستر شو مهبب بعد غير انك تشييش
حمد : حصه عاد لا تستهبلين لا تسوين عمرج ما تعرفيني
حصه : والله حمد اللي اعرفه ما يقول ان الصاحب ساحب
حمد : وحصه اللي اعرفها عمرها ما قالت حمد لا تلمسني أو بعدت مني خوفا أو أنها تحسني واحد وصخ ولا مش متقبلتني
حصه : والله يوم بتكون حمد اللي اعرفه بكون لك حصه اللي تعرفها
حمد تقرب منها : واللي يقول لج ان حمد مستعد يسوي اللي تبينه عشانج
ووووووو كتتتتتتتتتتتتت
نهاية البارت
( والله ادري ان البارت قصير واني البارحه كنت لازم انزل بارت وسحبت بس السموووحه ، عطونا توقعاتكم شو تحسون بيستوي أو ش اللي تبونه يستوي اي شخصيه حبيتوها اكثر؟ )