جمعتنا وصية

البارت التاسع:فضيحة

قامت حصه الصبح ع صراخ ابوها
جاسم :قومي فشلتينا وسودتي ويهنا عند العرب قومي ياللي ما تستحين
حصه :خير خير ابويه ش مستوي
جاسم :ش مستوييي هاا
وعطاها طراق
قبل ساعتين في بيت قوم جاسم
منصور دخل البيت وراح الميلس وبعدين جاسم يا عنده
منصور:هلا عمي شحالك عساك بخير
جاسم:بخير الحمدلله انت شحالك
منصور:بخير ،الصراحه عمي انا ييت وعندي موضوع
جاسم :تفضل قول
منصور :الصراحه عمي انا ما حبيت ارمس عن هالموضوع الا ويكون عندي دليل وتفضل شوف روحك"عطاه فونه وكان مركب صورة حصه جنها طالعه مع اولاد ومن هالسوالف يعني
جاسم :منو هاي مستحيل هاي بنتي لالا
منصور:والله عمي شوفة عينك
جاسم:ش اسوي وين اودي ويهي عن الناس يربي البنت مو سنعه ولا كيف
منصور :عمي بنات هالجيل يبالهم اللي يربيهم وهم ما يتربون بالكلام عطيها طراقين وما عليك لا تخاف انا بتزوجها وبعدين لو شو ما يكون هاي بنت خالتي الله يرحمها عطيني اياها وانا اربيها
جاسم :يزاك الله خير يا ولدي و من باجر اتون تخطبونها
منصور:انزين خذ رايها🐍🐍
جاسم :خلاص قلتلك البنت حرمتك
منصور :بس تم باجر الظهر نحن عندك
نرد وين ما كنا
جاسم يراوي حصه الصور:جوفي شوها ،احمدي ربج ان منصور ولد خالتج رضا ياخذج ولا جان ابتلشنا فيج و ف كلام الناس
حصه :وانتو بس هاللي يهمكم كلام الناس ،ابوي والله السالفه هب جي اسمعني
جاسم :مابا اسمع ولا شييي وبعدين باجر الظهر منصور بيي يخطبج
حصه :هااااااا شنو يعني منصور باحر بيخطبج انا مو موافقه
جاسم :محد انتظر موافقتج انا خبرتج بس ما سالتج موافقه ولا
وطلع
حصه هني انهااااااارت صيااااااح و خذت فونها عشان تدق حق ميره
عند ميره طالعين هي و حمد "حمد عازمنها ع الريوق بمناسبة ان داوم
ميره :خطيبتك تتصل
حمد :اهخخخ وبعدين ليش ما تتصل فيني انا داقلها البارحه
ميره :والله وليش داقلها بتقول عنك خفيف اثقل شويي
حمد:اوهووو ردي انتي بتسكر
ميره :هلا والله ب
حصه تصيييييييح
ميره :حصووووووه ش فيج ليش تصيحين ش السالفه بنت اييي حصيص ش فيج ليش جي تصيحين لا تخوفيني عمي فيه شي اخوانج صار بهم شي
حمد :تصييييح،ميروه شفيها حصه
حصه شوي تتكلم وشوي تصيح
حمد :عطيني الفون ،الو حصه هدي ش فيج قولي تكلمي لا تروعيني يلا قوليلي شفيج
حصه وهي تشاهج:حمد حمد الحقني يبون يبونن وصاحت
حمد :شووو حصههههههههه
ميره :لا تصارخ عالبنت
حصه :حمد والله انا ما سويت شي والله ان مو صدق كل شي جذب
حمد :حصه حصه ردي علي يالس اكلمج
حصه:هاا
حمد :انا الحين ياي بيتكم و بتفهميني ش اللي صاير وهدي عمرج لين ما ايي عشان نعرف نرمس
وسكر وصاروووخ ع بيتهم
ميره :حمد شوي شوي
حمد:ترا اعرف اسوق
ووصلو البيت
حمد:سيري ناديها
ميره :انزين
راحت فوق تشوفها
دخلت وشافت حصه هدت شوييي
ميره :حصوه شفيج روعتينا
حصه :مابا مابا اتزوجهه انا اكرهه
ميره استغربت عبالها حمد :حصوه هدي هدي مافي حد بيجبرج ع شي ما تبينه بس انتي وافقتي ع حمد وشو اللي استوا ف يوم وليله انج جي غيرتي رايج
حصه :مو حمد منـ منصور
ميره :منصور !!!!!!!!
حصه :هيه تخيلي ان شاف الرد الي رديته ع حمد وراح وركب صوري وعدلها جني طالعه ويا شباب وجي وراواها ابويي تخيلي خلي كل ها قال حق بابا اونه لا تخاف انا بتزوجها وبستر عليها وتخلي بابا عطاني طراق وقال باجر بيخطبج
ميره:هاااااا منو يكون هاذا عشان يسوي جي انتي ارمسي قولي شي ،وصح تعالي عدلي عمرج والبسي وقايتج وتعالي تحت حمد يباج اكييد عنده حل
حصه :حمد لااااا انا وين بودي ويهي لو عرف ما بيصدقني والله ما بيصدقني بيكرهني مابا اشوفه دخيلج مابا
ميره :انزين انتي هدي هدي ورمسي احمد انا بسير ويا حمد الحين وبنشوف شو بنسوي بس لا تنسين رمسي احمددد
حصه :انزين
ميره :يلا فحفظ الرحمن
ونزلت تحت
حمد :وينها وينها لا يكون فيها شيي
ميره :مارضت تنزل حاولت فيها بس ما رضت تعال نسير البيت وبقولك ش السالفه فالسياره
ركبو السياره وميره قالتله كل شي حصه قالته بالحرف الواحد
حمد :خير خير خير انا لو ما دفنته وهو حي ما اكون انا حمد وليش ما قالتلي السالفه
ميره :تقول انك ما بتصدقها و بتكرهها ومن هالكلام
حمد:والله انا مصدقنها وترى انا سمعتكم يوم ترمسون فالعزبه بس ما قلت شي عشان ما تتحسس حصه بس والله ثم والله لا اراويه هالجلب
ووصلو البيت
حمد :يلا نزلي
ميره :وانت وين بتروح ما تروح عنده حمد انته بتذبح الريال اوعدني ما اسير عنده
حمد :ما بسير
ميره :احلف
حمد :والله ما اسير
نزلت
حمد يحوط بالموتر و يفكر لحل لين ما لقى عمره جدام بيت عمه واقف برع جي ما يعرف ش يسوي جاف موتر عمه وقرر انه يدخل يكلمه عل وعسى يقتنع
دش البيت
حمد :هود هود
وعلى صوته عشان حصه تسمع
جاسم :هدا اقرب ابويه ما في حد غريب
حمد :هلا عمي السلام عليكم
طبعا حصه اول ماسمعت صوت حمد ربعت صوب الدري عشان تسمعهم
جاسم :وعليكم السلام وينك ابوي لا سلام ولا كلام مختفي
حمد :والله عمي تعرف الشغل بعد فالعياده
جاسم :يعطيك العافية هي جي اباك ترفع راسنا
حمد :ان شاء الله عمي اااا عمي انا الصراحه بغيتك ف موضوع و مستحي منك
جاسم :افا والله منقود انا تستحي مني قول قول ولا تستحي يا ولدي وبعدين انا عمك وبحسبة ابوك
حمد :عمي الصراحه انا ابا اخطب بنتك حصه لي
جاسم:نحن ما عندنا بنات للزواج وحصه باجر ولد خالتها بيي يخطبها
حمد :بس يا العم طلبتك انا ابي بنتك والله اني بحطها ف عيوني الثنتين وبصونها والله وترى انا احب بنتك يالعم طلبتك وانا ولد اخوك ما هقيتك تردني ييتك وانا متاكد انك ما بتردني طلبتك لا تفرق بين قلبين يالعم
جاسم عصب:قلتلك البنت مخطوبه ما تفهم انت شو وما ابا هالموضوع ينفتح مره ثانيه لان بيستوي شي ما يعيبك
صد ويهه حمد واتوجه للباب ودمعته ع خده وهو رايح صادف حصه عالدرب تشوفه بنظره النجده تشوفه وعيونها ترمس بدالها عيونها تطلب العون
حمد فداخله وعيونه كلها دموع :سامحيني يا حصه والله ما بيدي شي
ويت ويت اخليكم تعيشون الجو وياهم شوي

مهو معقول ولا مقبول
أعيش الفكرة ذي يا عم
بعد بنتك أنا أحلف لك
عليّ تحرم بنات آدم
ولو دنياي حكاية ناي
بغنيها بجروح وهم
وهذا القلب يا عمي صعب
حلف بعشقها وأقسم
بقولك شي ما دامي حي
أموت وغيرها يحرم

طلع وركب موتره واتجه صوب البحر لان ماكان يقدر يروح مكان ثاني راح صوب الصخر وراح ع آخر وصارخ باعلى ما عنده لين ما انهار ويلس مكانه جان ايي حد من وراه
منصور:قلتلك ما بتجتمعون قلتلك انا باخذها تستاهل ما ياك
حمد :انت مينووووووون تباني اذبحك هني الحين ولا شو تباني اسوي فيك ها
وضربه ف بطنه ضربتين و بوكسين ع ويهه ودزه عالصخر
حمد :تفو عليك و ع اشكالك وحصه محد بياخذها غيري تفهم
منصور وهو طايح :ههههه بتجتمعون فالاحلام ان شاء الله
وصوت الشرطه
الشرطه :سلم نفسك
حمد :اي يالخسيس هاي رجولتك ها انا اراويك يالكلب
الشرطه :يلا جدامي ع المركز
وسارو
طبعا منصور كان متعمد ان يسير عشان حمد يضربه ويزخونه الشرطه
وراح المستشفى و ماكان فيه شي الا يرح صغير ف راسه