جمعتنا وصية

بارت يديد

فبيت جاسم
حصه عند أحمد
حصه : احمدوووو والله انك هرم كيف كنت تحب وما تخبرني وأنا عبالي انت تحب ميروه
أحمد : بقولج شي بس مو تزعلين
حصه : شوه
احمد : ترا ميره كانت تعرف عن اليازيه و لولا ميره ما كنت اليوم رايح اخطبها
حصه : خيييير ان شالله وليش ميره تعرف وأنا ماعرف من متى
احمد : جكتنا مره ولازم كنت أقولها ، المهم كييف الغتره
حصه : معرس معرس
علي درعم : يلاااا بسرعه
( صحححححح نسيت أخبركم ترا سلامه وعلي ملجو وعرسهم بعد شهرين )
حصه : شفيييك ش فيييك يالمعرس انت بعد قول انك مستعيل تشوف حبيبه القلب تراها بتي ويا نهيان
علي : حلفيييي وليش ما قالت لي يمكن أنا ما أوافق
حصه : وليش ما توافق
علي : اخاف يخطبونها  اغااار
حصه : زوول لا وبعدين كيف يخطبونها تراك ملجت عليها
علي : تراها حلوه وأنا اخاف عليها وعلى مستقبلي
حصه : والله وطلعتو خرفان ي عيال جاسم وشردت
علي : هرمه والله ، اقوول احمدو شكلي اوكي
وفجاه يسمعون الهرن
وصلو بيت اليازيه
اليازيه فوق فحجرتها وحمده اختها وياها
اليازيه : حمدوووووه يوتر يماااااا
حمده : يزوي ش فيج مو هاذا اللي ميته كنتي تبينه وماعرف شو ليش متوتره
اليازيه:اوهو متى بيون تاخرو
حمده : ها سمعت صوت سيايير اكيد يو
وراحت حمده الصاله
ام هزاع "شيخه":حمدوه فتحي الباب اكيد يو
حمده تتويج من الدريشة وشافت زايد : منو ها
شيخه : شدراني وبعدين عن اللقافه ويلا قومي نستقبلهم
دخلو الصاله : حصه وميره وشيما وساره
طبعا ساره وشيما قامو بالواجب بحكم ان ام احمد متوفيه
شيخه تكلم ساره وشيما : ماشاء الله انتو ش تقربون للمعرس
شيما : أنا أكون مرت اخوه وبحسبة اخته العوده وساره تكون حرمه ولد عمه  وهاي اخته حصه واللي حذالها ميره بنت عمه
شيخه: ماشاءالله الله يحفظكم
هني نزلت روضه تسلم عليهم
شيخه : عاد هاي شيخه البنات روضه مرت ولدي هزاع
سلمو عليها
هني وصلت سلامه
حصه : عاد هاي مرت اخونا علي
شيخه : ماشاءالله اخوج علي معرس
حصه : بس ملجو وعرسهم بعد شهرين
شيخه وهي تسلم عليها : ماشاءالله عليج الله يحفظج و يابخت علي والله
هني سلامه خلاص بتموت من المستحى  راحت ويلست حذال حصه وميره
حصه : انتي اييه
سلامه : عندي أسم ترا
حصه : ترا علي معصب عليج
سلامه : وليش ان شاءالله
حصه : اونه ليش يايه بدون ما تخبرني
سلامه : نسيت انزين ويعني لو ييت
حصه : ي بقره اونه يغار عليج عن يخطبونج
سلامه : وأي فديت ريلي اللي يغار
حصه : تفديه انتي الحين بس تحملي الهزاب
سلامه : اوه عادي عادي إلا منو هاي المزيونه خ نخطبها حق نهيان
ميره دقتها يالقوو
سلامه : ايييي ي الجلبه اسولف ش فييج
حصه : هاي مرت هزاع ولدهم
سلامه : شوفي تراها معرسه ليش عصبتي 😂😂
هنيه يت اليازيه وكلهم انبهرو من جمالها كانت طر حرفيا
حصه وهي تسلم عليها : يازين ما اختار احمد والله
اليازيه عطتها ابتسامه خفيفه وكملت تسلم عليهم
وخذو وعطو وطلعت ع جو قوم حصه ف ارتاحت لهم بسرعه
احمد يرمس حصه : الووو
حصه قامت عنهم
حصه : والله انك تعرف تختار ي احمدو
احمد : ش رايج بسسس كيف طالعه امانه حلوه ولا
حصه : طررررر
احمد : فديتها والله
حصه : انته ايييه يوم بتستوي حرمتك تفداها يمكن ما توافق البنت
احمد : ع كيفها هو المهم يلا بدخل
حصه : اسال هزاع أنا ش خصني
احمد : هزااااع؟!!!!! وأنتي من متى تعرفينه
حصه : هاااه ترا هو اللي ساعد حمد وجيه يوم سالفه منصور
احمد : هيييه
سكر احمد عنها
احمد يرمس هزاع
احمد : هزاع شوف الدرب عشان ادخل
هزاع : هااا ما اسمع ليش تدخل
احمد :  ارقص ش بسوي يعني بشوف أختك
هزاع : بسألهم دقايق
دخلو هزاع وأحمد عقب وراحو كلهم بس هزاع تم يالس