جمعتنا وصية

البارت السابع:تهديد منصور

عند حمد
حمد يوم يكون مستانس او متضايق يروح يكتب ف تويتر
فالليل الساعه تقريبا 11حمد يكتب ف تويتر
حمد: ابيك حب ما امتلك قلب انسان ..
طبعًا محد بيفهم بس منصور عرف
منصور وهو يقرا :ماعليه اصبرو انا اراويكم مو بس ما اخليكم لبعض الا بقهرك يا حمد وباخذها
قامت حصه الصبح وفي مسج واصلنها
مجهول:جوفي بطرشلج شي "حمد: ابيك حب ما امتلك قلب انسان ..تشوفين هالمسج للحين انا قريته بس لو حسيت انج تحبينه يا ويلج يا حصه ما اكون انا لو ماسويت لكم بلاوي اتوقع عرفتي انا منو وعرفتي شو ممكن اسوي
حصه :عبالك بخاف انا اقول يا منصور خلك فنفسك وايد احسن
وعطته احلى بلوك
عقبها راحت وضافت الحساب ف تويتر وردت وقرت الكلام بتمعن
حصه :معقوله يحبني معقوله معجب فيني افف كيف اعرف الحين بروح اسال ميره واللي فيها فيها
حصه اتصلت حق ميره
حصه :الوو
ميره:هلاا
حصه :اقلج ترومين اتيين بيتنا اليوم
ميره :انزين ش رايج انتي اتين بيتنا
حصه :تمام وعندي سالفه مهمه
ميره :عيل العصر
حصه :تمام
نزلت حصه تتريق مع ابوها وشيما وسعيد واحمد
حصه:صباح الخير family
كلهم :صباح النور
تريقو
حصه :احمدو نزلني الجامعه فدربك
احمد :تمام
راحو ووصلو الجامعه
حصه :بتكون فاضي جي ع الساعه 3
احمد :ما اتوقع والله،ليش
حصه :مافي حد يمرني
احمد :بشوف بشوف
حصه :تمام بس عطني خبر قبلها
وراحت وحضرت الكلاسات و جي جافت ميره واقفه كانت يايبتلها كوفي
ميره :حصوه
حصه:هلا ،هاج خذتلج كوفي
ميره:يعمريييي ،بتين العصر صح
حصه:بشوف حد اييبني
ميروه :انزين شرايج تردين ويانا لا تخافين بابا بيمر علي
حصه :تمام بعطي ابويه خبر بس
جاسم:السلام عليكم
حصه :وعليكم السلام ابويه بسالك عادي اروح بيت قوم عمي هو الحين بيي بيمر ع ميروه
جاسم :ان شاء الله بس لا تتاخرين وايد
حصه :ان شاء الله
وسكرت
ميره :ها ش قال
حصه :ش بيقول يعني اكيد وافق
ميره :حمااس
وصل خالد وراحو البيت
خالد:حي الله من يانا تو ما نور البيت
حصه :منور باهله العم
خالد ينادي البشكارة :جوانا يا جوانا حطي الغدا
يلا يلا روحو غسلو يديكم وتعالو وميروه نادي محمدوساره والعيال عشان الغدا
ساره :هلا عمي انا فالمطبخ الغدا جاهز دقيقتين وبيكون كل شي ع السفره ،ميروه بس الله يخليج نادي العيال ومحمد
ميره :تمام
ساره :ها حصه ش الاخبار ش العلوم
حصه :الحمدلله بخير والله
نزلو كلهم عالغدا
وهم يتغدون
ميره :عيل حمد وين
خالد:دوام اليوم اول يوم
ميره :هاا اشتغل ف مستشفى ...
خالد:هيه
ميره :يلا الحمدلله عاد الحين ما بنشوفه
ساره :يالله زين
وخلصو غدا وراحو ميره وحصه فوق
ميره :ش السالفه اللي كنتي تبين تقولين لي اياها
حصه :انتي وييت شوي الحين حمد اشتغل
ميره :هيه الحمدلله
حصه :يالله زين بس ابتلشنا الحين
ميره :ليش بعد
حصه :بالهديه
ميره :لا حبيبتي وفري فلوسج انتي يوم اتيبين هديه تسوين مصيبه تحيدين هديه التخرج والله بس شو ما ذلنا بالهديه
حصه:ع هالطاري عيل سمعي تخيلي انه يا بيتنا نفس يوم سالفه الهديه وانا "وقالتلهاالسالفه
ميره :حلفيي،انتو الاثنين ينخاف منكم من تحت لي تحت طلعتو
حصه تضحك
ميره :انزين ش السالفه قولييي
حصه :اول شي بسالج عشان اتاكد ها حساب حمد ف تويتر
ميره :هيه
حصه :عيل اسمعي حمد كاتب هالكلام ف تويتر
و منصور شاف
ميره :اونهههه
حصه:انتي اسمعي هني السالفه
ميره :في اكثر من جي قولي
حصه :جان يكلمني منصور اونه قال تشوفين هالمسج للحين انا قريته بس لو حسيت انج تحبينه يا ويلج يا حصه ما اكون انا لو ماسويت لكم بلاوي اتوقع عرفتي انا منو وعرفتي شو ممكن اسوي
جان اقوله عبالك بخاف انا اقول يا منصور خلك فنفسك وايد احسن وصكيته بلوك
ميره :احسن شي سويتيه
حصه :بس ترا البلوك ما يوقفه انا كذا مره عطيته بلوك وبعد يطلع رقمي ويرمسني وانا احس ان ه المره بيسوي شي قوي
ميره :ما اضن اقوى من اللي سواه قبل
حصه :حبيبتي هاذا منصوور
ميره :انزين ش بتسوين
حصه :ماعرف انا يايه عندج ابيج تعطيني حل
ميره :انا عندي حل وايد زين بس نحتاجج تكونين جريئه شوي
حصه :تم بس شو
ميره :انا من رايي ترمسين حمد وتسالينه عن موضوع التويتر واذا طلع ان ما يقصدج انا برمسه وبقوله ما ينزل مثل هالكلام مره ثانيه وحتى هو ما بيرضى اصلا ان يسبب مشاكل ل بنت عمه
حصه :اف لازم يعني
ميره :والله انا اشوف ها انسب حل وجي بتخلصون السالفه اسرع
حصه :اوكي برمسه بس مابقوله عن منصور مالي خلق مشاكل تحيدين فالعزبه شو صار
ميره :اللي يريحج
حصه :انزين متى ارمسه
ميره :دامج هني عندنا هو بيرد جي بعد ساعه ساعتين رمسيه
حصه :اففف خ ننسى الموضوع شوي خ نذاكر
ميره :انزين الجو حلو برع تبين نيلس فالحديقه ونيب شاي وجيه
حصه :خ ندرس عقب نروح برع
ميره :تمام
ودرستها ميره
حصه :افففففف اخيرا خلصنا بعد 3ساعات
ميره :اهم شي فهمتي
حصه :هيه الحمدلله والله مشكوره ما تقصرين
ميره :العفو مابينا اي شي تبين انا موجوده
حصه :انزين عيل انا بشوف حد يمر علي
ميره :وين وين بعدج ما شربتي جاي ما كلتي شي ولا تبين تشردين عشان ما تكلمين حمدد
حصه :ها ليش اشرد
ميره :شوفي والله كلميه بترتاحين وايد وتفتكين
حصه :تحسين
ميره :هيي يلا تعالي نسير الحوي اكيد هو وصل
حصه :مابا اكلمه ياخي اففففففففففف