جمعتنا وصية

بارت15

(هلوووووووووووو ،شخباركم ش علومكم ها سافرتو سفرة الصيف ولا ،ادري اني طولت بس ش سوي بعد ،انجوووووووووووي💕💕💕)
فالمستشفى تحديدا ف غرفه حصة
احمد وهو يمسح دموعه:الغاليه فيج شي قوليلي الجلب هاذا سوا فيج شي
وكلهم حرفيا كلهم كانو خايفين عليها وكانو كلهم موجودين تقولون عندهم مولود يديد كلهم كانو من الصغير الكبير وهذا الشي فرح الثلاثي المرح عشان ينسون سالفتهم
فجاه رن فون جاسم
علي :ابووي حصه شو فيها لا تقصون علي
جاسم لف فونه ع وبه حصه وهو يقول :هاذي ام كشه مافيها شي بخير
حصه : بابا شو ام كشه شوف شعري حتى وانا تعبانه شعري حلو
احمد وهو لاوي عليها :هي اختي شيخة البنات محد يقولها شي
هني حصه دفنت راسها ف حضن اخوها من المستحى بحكم ان ولد عمها العود كان موجود
ميره وهي متجهه عند شبرية حصه من الصوب الثاني :هيييي بنت عمي هااي وتمط خدودها
نروح صوب حمد
بعد ما ظهر من المستشفى احتار شو يسوي
حمد :اهدى يا حمد فكر عدل لا تتسرع
حمد فالموتر وبعده ف باركنات المستشفى
بعييييييد عن هالاجواء نروح ل لندن والمطر والاجواء اللي تفتح النفس كان يتمشى ف ال hyde park
علي :اوفففففف انا داق ف راسي كوفي خلني ادش هالكوفي
ودش سالهم ان اذا في مكان فاضي ولا
رد عليه الموظف :في طاوله بس محجوزه وصاحبها بيي بعد نص ساعه
علي :ماعليه انا بيلس ويوم بي بروح
الموظف: تمام شو طلبك
علي:عطني جيز كيك و v60
"تراهم كانو يسولفون بالانقليزي ""
راح وقعد ع الطاوله و وصلت طلبيته وكيف الاخ وياكل وحرفيا كان مروووق
وطبعا يعني مرت نص ساعه واكثر بعد ووصل اللي كان حاجز الطاوله
الموظف اول ما شافه ساله عن اسمه وجي وعرف ان هو اللي حاجز الطاوله وقاله ان في حد يلس وقال ان بيروح بسرعه بس ماراح ومن هالكلام
اللي حاجز الطاوله وهو معصب :ومنو يكون هذا عشان ياخذ مكاني
وراح باتجاه الطاوله وصاحبنا من ما كثر ما هو مروق كان يغني بصوت مو وايد عالي بس مسموع "ترا صوته مو حلو 🤭
علي: تضيق وأمد النظر للسماء فوق
وأهيم بين أفلاكها يمكن ألقـاك
بس للاسف لقى شي ثاني قاطعه الشخص اللي كان حاجز الطاوله
وهو واقف ورا ظهره وعرف ان مواطن :بامر منو تاخذ طاولتي
علي وهو يلم اغراضه و حط نظارته ع شعره :ريلاكس هاه قمنا
واول ما صد شهق:زيووووووووووووووووود
الشخص اللي حاجز الطاوله:علييييييييييييييي
طبعا منو زيووود "زايد" زايد اخو جاسم وخالد الصغير يوم تضاربو الاخوان هو كان مع الاثنين وكان وااااايد ويا عيال اخوانه بس قبل 3سنين قرر ان يسافر برع ويكمل جامعته هناك "الدراسه
نهيان يشوفهم ويضحك "منو نهيان نهيان ربيع زايد مو ربيعه توأمه وايد وايد ويا بعض حتى ساكنين ف نفس الفيلا
زايد:نهيان ها علي ولد اخوي جاسم علي هاذا نهيان ربيعي
نهيان :والنعم
وتخاشمو ويلسو
زايد يكلم علي:وانت بعد منو زيود عمك انا
علي :ويعني ترا مابينا وايد انت اكبر مني بسنه
نهيان :ما اتخيل حد يقولك عمي 🤣🤣🤣🤣
زايد :انتو اييييه مقزرينها علي اشوفكم
علي :لالا لك الحشيمه😂
زايد :شخبار ابوك وخالد والعيال
علي:والله كلهم بخير الحمدلله
زايد :صح تعال ش اسوي انت هني
علي :الدوام
زايد :و متى راد
علي:باجرالصبح طيارتي
زايد :ليش انت من متى هني
علي:تحقيق شو
زايد :نعم اخوي
علي :بسير وبرد حصيص تعبانه فالمستشفى
زايد :ش فيها عسى ما شر
علي: اتصلت قالو انها بخير ماعليها شر بس تعرف ولد اخوك ما يرتاح لين ما يشوف بعينه بعدين هاي حصيص
زايد :عيل اييك شور انا برد وياك بعدين اشتقت لهم
علي:بس هم قالو بيون ف اجازه الصيف وما باقيلها شي الاجازه
نهيان :انا بعد برد وياكم تولهت ع دار زايد
علي :عيل بشوفلكم التذاكر بس الحين انا بترخص عندي كم شغله اشوفكم باجر
زايد :ويين باجر عشاك عندنا فالفيلا وبتبات عندنا وبنسير كلنا رباعه المطار
علي:بس تم
وراح علي المول ياخذ صوغه حق اخوانه وعيال عمه
دخل Cartier وتم يدور شي بس يحس عمره ضايع يبا حد يستشيره مافي حد كل الموظفين مشغولين شاف بنت يبين عليها مواطنه
علي :احمم السلام عليكم الشيخه
سلامه وكل علامات الاستغراب بويهها:وعليكم السلام خير اخوي في شي
عليه وهو قافط ومتوهق:الشيخه لو ماعليج امر ابي اخذ هديه لاختي و ماعرف ش اختار 😅
سلامه وهي تشوف الاكسسوارات:امممم عاد انا ماعرف ش ذوقها بس هالسويرهترند الحين وهابيين فيها
علي:انزين انا باخذ ثنين اي لون اخذ
سلامه :خذ اسود احلى شي
علي :خلاص مشكوره الشيخه و ما قصرتي والله ماعرف ش كنت بسوي لو ما كنتي موجوده
سلامه :ولو العفو
وخذ علي ربطتين من Cartier حق ميره وحصه شرات بعض وخذ حق ساره وشيما عطر Gris Dior وحق مهره هودي
و لحمد واحمد اقلام منCartier وكتب اساميهم عليه بس حمد كتب ع قلمهDoctor Hamad وراشد و عبدالله وحمد خذلهم ثياب من زارا وخالد وجاسم خذلهم من الاشيا المشهوره ف لندن ومحمد وسعيد وايد احتار ش ياخذ لهم لين ما قرر ان ياخذ لهم عطر sauvage من ديور وطبعا لكل شخص شوكلت من المحل المشهور ف لندن harrods
خلص مشاويره وكان ميييييت يوع وتعبااااااان خذ فونه
علي بصوت تعبان :الووو
زايد:يالله ويقلده الووو تكلم عدل ش فيك
علي:ش عشاكم
زايد:اووووه عشانا الله يسلمك نهيان يالس يسوي مجبوس ع كيف كيفك تعرف كيف الريحه شاله المكان
علي:اوففففففففف يلا يلا ياينكم طيرااااااااااان
وطلع زايد من المول وطيران راح شل شنطه من الشقه وسيده بيت زايد
دخل
علي:الللللله ع الريحه ويضرب ع جتف نهيان كفو والله
زايد:شوي شوي ع جتف ربيعي بتكسره بابا ولدنا ضعيف
نهيان :يلا حطو السفره جهز الاكل
حطو السفره
نهيان :زيود ايب الكولا والروب وياك
حطو وكلو
علي:اهخخخخخخخخخ ع المجبوس تسلم ايييدك ي نهيان الحين تجي احلى نومه
نهيان :هههههه بتحصل النوم بس بعد ما تنظفون المكان انت وزيود وتغسلون المواعين لاني انا طبخت وتعبت وانتو نظفو الحين
علي:خير ان شاءالله والخدم وين
زايد وهو يحك راسه:انا طرشتهم كلهم نصهم فلتكم وفله خالد عشان ينظفون لان خدمكم ماخذين اجازه و مابيردن الا اليوم اللي بيون فيه ابوك وعمك
علي :والحين نحن اللي بناكلها
زايد:تقدر تقول
علي:قوم قوم عشان نخلص لان انا بموت من النوم والتعب
نظفو وخلصو وسارو رقدو
الفجر نهيان يزاعق:انتو بتقومون ولا كيف صلاااااه وورانا طياره انا اراويكم
راح خذ كوب وعباه ماي بارد سار عند زايد اول شي وصب نص الكوب
زايد نقز من عالسرير :خبله انت شو
علي قام من الصريخ ويوم شافهم نقع من الظحك
زايد :هي انت اضحك بس وشل الكوب من نهيان وصب الباقي ع علي
نهيان ميت من الضحك
صلو ولملمو اغراضهم وطلعووراحو المطار
نرجع لدار زايد
بنرد شوي ورا عند حمد اول ما ظهر من المستشفى
كان فالموتر
حمد يرمس عمره وفجاه :لقيتها ودق هرن من الحماس
"صح نسيت اقولكم ترا حمد ما رمس ابو حصه بس كان ناوي يرمسه وماصارت له فرصه بس هو حب ان يطمن حصه المهم "
قرر حمد ان يروح يرمس هزاع بكل احترام ويفهمه كل شي
راح حمد المركز بس ما لقاه جان يدقله
حمد:هلا
هزاع:اهلين حمد عسى ماشر
حمد :الشر ما اييك بس ييت مكتبك كنت اباك بموضوع بس ما لقيتك
هزاع :والله انا فالبيت اقرب حياك بنسولف وبنتقهوى
حمد:بس تمام طرشيلي اللوكيشن لو ما عليك امر
هزاع:تمام
وصل حمد البيت و اتصل لهزاع
حمد :انا وصلت
هزاع :اقرب داخل
حمد دخل من الصاله بدال ما يدخل من الميلس وهو يالس يمشي يت اخت هزاع وهي حليلها ما تعرف ان في حد بس كانت طالعه وهي مستعيله وكانت  تركض وشو ما تدعم حمد
اخت هزاع اسمها حمده عمرها24حلوه وكشييييييخه تحب الكشخه والدلع وهالاشياء المهم نرد للموقف
حمده مفتشلههه وقالت بدلع:اوه سوريي
حمد خاطره يضحك ان منو هالخبله نزل راسه وهو يمشي :السموحه اختي شكلي دخلت الصاله بدال الميلس
نهاية البارت
ش توقعاتكم
حمده ش بيكون دورها بتخرب بين حمد وحصه وبتحب حمد ولا بتسحب عليه ؟
هزاع ش بتكون رده فعله يوم بيعرف ان حصه خبرت حمد كل شي ؟
حمد بيرمس عمه ولا بيسحب عالموضوع ؟
وشو متحمسين ل سفرة لندن ؟
شرايكم بالشخصيات اليديده؟