جمعتنا وصية

بارت يدييد

عند علي
تم يدور المتهمين وقالهم يسكرون كل المخارج لين ما لمحهم رايحين السطح وركض وراهم وهم يركضون
علي : Stop where you are or I will shoot
المتهمين يركضون لين ما وصلو
فالسطح علي روحه وهم 3
المتهم: We are three and you are one person. What will you do?
علي : what I will do , هااا القمو
طلق ع ريولاتهم
فالمستشفى
حمد ما يودر حصه ولا ثانيه
زايد يرمس نهيان : نهيان قوم شله برع خ يهدي شوي هو مش حاس بعمره
نهيان يود حمد من جتفه وحمد يحاول يشل أيد نهيان
نهيان : حمد تعال شوي نطلع برع
حمد : مابطلع لين ما يقولولي حصه شفيها
زايد سحب حمد برع
زايد بصوت عالي شوي : حمدددد انته ترا مو حاس بعمرك شو يالس تسوي
حمد : شو تبا زايد
زايد : شو أباً هاه حمد تراك شليت بنت عمك ف حضنك اوك تحبها تخاف عليها بس مايصير لو محد منا موجود بقول بس أنا وأخوانها وأبوها موجودين ما يصير انت مش محرم لها
حمد : وأنت تباني أشوفكم مصدومين وحد فيكم يتحرك وأتم واقف وإذا البنت صار فيها شي
زايد : المهم حمد ما بيك تسوي شي غلط لين ما تستوي حلالك بعدين لا تنسى ترا هاي بنت عمك
حمد : ترا ماعرف انت شو تتحسبني ترا شرات ما اخاف ع ميره وما ارضى عليها اكيد ما يرضى ع بنت عمي
وراح يبا يدخل العياده
زايد يود ايده : حمد كثر ما تقدر حاسب ع عمرك
حمد : ان شاءالله
ودخلو كلهم واقفين
حمد : شوو صار عليها وينها
أحمد : دخلوها العمليات
حمد : هاااه عمليات ليش شفيها
نهيان يلس حمد : حمد ترا لازم يظهرون الرصاصه وعشان يظهرونها لازم عمليه
بعد مرور 6 شهور
يوم خطبة اليازيه وأحمد
فلاش باك سرييييع
( بعد ما حصه سوت العمليه كانت تحتاج علاج طبيعي عشان ترد شرات قبل ف قرر حمد ان يأجل الخطبه وميره ما رضت ان نهيان يخطبها وحصه ف الحاله اماً بعد 6 شهور أحمد كان واعد حبيبه قلبه ودام ان حصه تشافت قررو إنهم يروحون يخطبونها )