جمعتنا وصية

بارت 27

وصلو عند كفتيريا الاجازه
حصه : احلف بس
حمد : شوه
حصه : كل هالكشخه حق كفتيريا الاجازه
حمد : ترا مافي مكان مفتوح
حصه : عيل ليش تتفلسف وتظرب خط وتقول انك حاجز مطعم
حمد : كان فخاطري امسك خط واسمع أغاني قلت آخذج وياي
مط خدودها : ولا ما تبين اتين
حصه ضحكت
حمد : يلا ش تبين
حصه : ياي هني وتسال ش تبين معروفه طلبيه كفتيريا الاجازه حسن مطر وبنات عيمان
خذو أكلهم وراحو صوب البحر وحمد مبركن موتره عكس وفاتح الدبه ويالسين فالدبه
وهم ياكلون
حمد: حصه
حصه تتأمل البحر وهي تأكل : همم
حمد : ليش ما رمستيني طول هالفتره عطيني سبب مقنع
حصه : لأني كنت متوقعه انك ما بترضى فيني بعد العمليه
حمد : حصه هالجذبه تمشي ع كل حد بس مو علي انتي وإنا عارفين إني راضي فيج لو فيج عيوب الدنيا كلها قوليلي الصدق
حمد : كيف يعني
حصه : اللي سمعته
حصه : حمد يلا نرد بوظبي
حمد : أنا مو متحرك من هني إلا وأنتي قايلتلي شو السبب
حصه : حمد والله ما اجذب عليك بس أنا كنت توني طالعه من العمليه وما كنت اعرف إني برد شرات قبل وكنت اقول إني ما استاهلك وإنك تستأهل وحده كامله ومافيها عيوب ف قلت أنا ابتعد احسن من ما انته عقب تتعب مني وتشفق علي وما تعرف كيف تصارحني
حمد : معقوووله كيف فكرتي إني بيوم من الأيام ممكن إني أمل منج أنا لو تبين عيوني اعطيج اياهم عشان تشوفين فيهم حصه انتي ما تتخيلين ه الست شهور ش صار فيني أنا قلت انتي شكلج حبيتي حد ثاني وتبين تصرفيني ومو عارفه كيف
حصه : تستهبل حمد تعرف إني ما حبيت ف حياتي غيرك، وبعدين اليوم ملجتنا ونرمس عن هالمواضيع
حمد : عطيني الكلينكس
حصه : يود
حمد ربعي ريلج أبا انسدح شوي
حصه : حمد بيتاخر الوقت
حمد : بعده بعده ماعليج
طبعا حمد غفى ع ريل حصه حصه كانت تدور فونها بس حصلت شي جي شرات القلم شلته وحصلت فونها فتحت فلاش عشان تشوف شو ها الشي وهني انصدمت
حصه بصوت شوي عالي : حمدددددد
حمد فز من النوم: لبيييه
حصه:ما توقعتها منك ها شوووو
حمد شاف اللي بيدها " شيشه الكترونيه " : حصه
حصه : مالتك ولا
حمد: مالتي😔
حصه : ردني بيتنا بسرعه
حمد : حصه اسمعيني انزين
حصه : ش اسمع تعرف أني ما أداني هالشي وكنت اقول لك من قبل غير ان مضر يلوع جبدي والشخص اللي يستعمله أحسه وصخ
حمد مسكها من جتفها
حصه: لا تلمسني اركب جدام ووصلني بيتنا وخل أبوي واخواني يتفاهمون وياك