جمعتنا وصية

بارت19

(هالمره صدق طولت بس ش اسوي دراسه وامتحانات ،المهم ماعرف إذا البارت بيعيبكم ولا لا بس انجوووووي🫶🫶)
حصه :امشي بقولج
وقالت لها السالفه
ميره شهقت:واااي كيوت ماعرفت ان اخوي جي رومنسي
حصه :شو الكيوت اقلج اني تفشلت عبالي احمدو عطيني الكوفي
وراحت حصه صوب ابوها والباقين اما ميره قبل ما تلحق حصه سمعت شي
احمد يرمس فالفون :يزوي حياتي ش فيج عاد قلنا الا سفره عائليه
اليازيه :ترا بنات عمك موجودين
احمد :طع اونج تغارين من ميروه
اليازيه :بعد مييرووووه
احمد:هههههههه يعني بالله عليج انا اودر يزوي الجمال كله واشوف ميروه
ميره يت من وراه :ليش وشو فيها الشيخه ميره
احمد هني تيبس وسكر فويه اليازيه
فبيت اليازيه
اليازيه :وبعدددد تسكر ف ويهي عشان بنت عمك ما عليه يا احمدو
حمده دخلت :شفيج ش سوا هاذا بعد
اليازية : حمدو تزهبي اقرب طياره رايحين لندن
حمده :تخبلتي شوه و بعدين كيف بنروح رواحنا تعرفين بابا ما يروم يودر الشركه وماما ما بتي بدون بابا وهزاعو دوام
اليازيه :لا ما تخبلت ولا شي بس ابا اشوف منو هاي ميروه مالته وبعدين ماعليج بحاول اقنع بابا واذا ما اقتنع هزاع فالجيب
"لحظه لحظه ادري راسكم الله يسلمكم اليازيه تكون اخت هزاع وحمده وامهم شيخه و ابوهم محمد"
نرد المطار
ميره:ليش وشو فيها الشيخه ميره
هني احمد تيبس
ميره راحت جدامه:قول جدامي شوفيني و منو هاي ملكة الجمال اللي ما تقدر تقارنها فيني
احمد ويها احمررررررر: تراها مجرد زميله وانا كان
ميره :ليش تبرر ما يحتاي لايكون عبالك من هذاك الموقف ان صار بينا شي لا مستحيييل انا كنت اعدك شرات اخوي و وايد كنت احترمك واقدرك
احمد :ميره والله انتي فاهمه غلط خلني اشرح لج
ميره:ما يحتاي تبرر بس اذا انت صدق تحبها وتباها خلي علاقتكم بالحلال لا تم ادور وتلف ويا البنت واي شي بغيت انا موجوده تراني شرات حصه
احمد :والله ي
حصه يت:انتو ايه يلا بسرعة الطياره بتطير وانتو هني حرقت فوناتكم
ميره :يلا يلا نسير
وراحو الطياره كل واحد يلس مكانه حصه وهي رايحه مكانها مرت صوب كرسي حمد
حمد يسحبها من قميصها
حصه :ها ها شو تبا فضحتنا
حمد:تعالي يلسي حذالي
حصه :احلف انت بس
حمد :والله تعالي
حصه :انت عبالك ان نحن رواحنا فالطياره اهلنا موجودين
حمد :اوففف
ويا احمد ويلس حذال حمد وحمد الصغير
حمد العود يلس عند الدريشه وحمد الصغير فالنص واخر شي احمد
وزايد وعلي ونهيان وراهم
وجاسم وخالد حذال بعض
وطبعا الثلاثي المرح راشد و عبدالله ومهره حذال بعض
محمد وساره حذال بعض
وميره وحصه ويا بعض
احمد يلعب ف فونه جاف ان واصلنه مسج بس هو ما فتحه واول ما فتح المسج
اليازيه :اللقى ف لندن عيوني
احمد :واللللل
حمد :خير ش مستوي
احمد :ها لا ماشي
حمد :اكيييد
احمد :هي هي انا بروح الحمام
احمد وهو رايح يبا ينادي ميره ومو عارف كيف
راح صوبهم جاف ان حصه نايمه وميره واعيه جان يشوف الصوب الثاني الكراسي فاضيه جان ييلس
احمد بصوت خفيف:ميره
ميره كانت حاطه سماعه ف اذونها وتسمع اغاني ف ما كانت تسمعه
احمد :اوهو هاي الحين كيف ارمسها جان يشوف دبة ماي فاضيه فرها صوب ريلها عشان ما تتعور بس تشوفه
ميره انتبهت و شلت السماعه :هاه خير
احمد :اقلج تخيلي شو
ميره :شوه
احمد :سوتها
ميره :منو وشو سوت
احمد :بتي لندن
ميره هني فهمت :هههههههههههه احلف والله انها هب صاحيه
احمد :الحين ش اسوي عطيني حل
ميره :كيف تباني اعطيك حل حاول تمنعها
احمد :اقلج كاتبتلي خلي اللقى ف لندن
ميره:عاد انا ماعرف شو اقلك بس انت تعرف ابوي وعمي واخوانك ماظني بيرضون ب هالشي
احمد :انا عارف انهم ما يرضون انا روحي هب راضي عيل كيف هم
ميره :ماعرف والله ماعندي حل
احمد :اف خلاص راسي عورني بروح اكل شي وارقد دربنا طويل
ميره :الله يعينك 😂
نهيان يشوفهم من بعيد
نهيان يرمس عمره:هاييل ليكون يحبون بعض اف والله ما يستوي ياخي الحين انا كيف بعرف
علي قاطع حبل افكاره :نـهـيــان تبًا اكل ولا
نهيان :هاه
زايد:همبه وين رحت انته وصلت لندن
نهيان :لا تسولفون ش تبون
علي :تبا اكل ولا
نهيان: حاليا لا
نروح عند الثلاثي المرح  عبدالله وراشد ومهره
مهره :اففف ملل تعبت
راشد :ش تبينا نسوي يعني
مهره:ماعرف اي شي نطرش اير دروب مثلا نسولف معا الناس
عبدالله :هي والله ملل
راشد :انا اقول ايلسو مكانكم واذا ملانين نامو ولا لعبو ف فوناتكم لاني اخر مره طعت شوركم وانا اللي كليتها
عبدالله:اقلج مهروه خ نلعب ه اللعبه اللي انتي تحطين سماعه وانا اقول كلمه ولازم تعرفينها
مهره:يلا
ومرت الساعات ووصلو مدينة الضباب "لندن "
طلعو من المطار وتوجهو ل فلة جاسم وفلة خالد
راحو ب 3سيايير
السياره الاولى سيارة زايد الرنج السودا  "هو عنده موتر بحكم ان ساكن هني يدرس ركبو فيها:
زايد يسوق
نهيان معيون
احمد وعلي وحمد ورا
الموتر الثاني موتر نهيان بورش كشف ركبو فيها :
محمد  يسوق
ساره حذاله
عبدالله وراشد ورا
و البنات وحمد الصغير وخالد وجاسم اجرو سياره لين ما سيايير الاولاد يوصلون لانهم شاحنين مواترهم
وصلو الفله نزلو ونزلو الشنط
نهيان ركب موتره
زايد :ها وين وين
نهيان :بروح الشقه خلهم يريحون
زايد : عيل انا بشوفهم اذا يبون شي مني مناك وبلحقك
نهيان :ترتيب
وقت صلاة العشا طبعا الفلتين هدوء كل حد نايم
فله جاسم
حصه قامت تصلي ووعت ابوها واخوانها حق الصلاه
بعد ما صلو نزلو تحت
احمد :الله ع ريحة طبخ امينه
"امينه : تشتغل طباخه حق العايلتين يوم ايون ف اجازة الصيف "
امينه:يلا الاكل جاهز
حصه :تسلمين امينه
امينه :وهذا اكل العم خالد اروح اوصله
جاسم :لا خلهم ايون ،احمد قوم روح نادي عمك و عيال عمك
احمد :انا واحد يوعان وعيالك هاييل بيخلصون علي الاكل
جاسم :علي
علي :لا كلام على الطعام
حصه :يقولون لا سلام على الطعام خلك عنهم ابويه انا اروح اناديهم
حصه اوردي كانت متلبسه ع اساس انهم بيظهرون هي و ميره يتمشون ف البقعه كانت لابسه هاينك بيبي بنك مع جنز ابيض و كانت بتلبس فوقهم جاكيت المطر بس نسته فوق ف قالت حاليا بتلبس البالطو اللي معلق عند الباب لانها بس بتروح فله عمها
فلة عمها ماكانت بعيده وايد كانت بعدهم ب فلتين
كانت تتمشى الاخت وتغني:
لندن وانا وياك صارت تجنن
ذكرى أماكننا ولهفة وصـــالك
دخلت فلة عمها بس ما انتبة ان في حد فالحديقه
يا حد من وراها وكمل الاغنيه :
غنى الضباب بحب ولجلك تفنن
شبت به أنوار الوله يوم جا لك
حصه فزت:زيووود مادرينا ان صوتك حلو
زايد :سكتي فضحتينا عند العرب بعدين ترا محد يعرف ان صوتي حلو الا انتي ف سدي بوزج
حصه :بسس تم سرك ف بير
زايد :ش يايه تسوين
حصه :اوف نسيتني انته بعد ييت اناديهم ياكلون امينه سوت العشا عاد اكل امينو ما يتطوف
هني ميره يت :الله والله اني يوعانه
زايد :اوف يت ف وقتها ،عيل نحن بنتجدم
ميره ما تعرف منو ويا زايد :ايييه بتتخلصون الاكل تراني يوعانه لا تخلصون الدولما
حصه :بسرعه لبسي
ميره :انزين تعالي داخل
دخلو
خالد:ها الاكل جاهز
حصه :هي عمي ييت اناديكم
يو محمد وساره وعبدالله وراشد ومهره
خالد :يلا عيل نروح
حصه :هيه عمي انتو تجدمو انا بتريا ميره وبني
حمد نزل
حمد :هلا حصه شحالج
حصه :بخير الحمدلله
حمد :انا سمعت اكل
حصه :هيه جهز الاكل وحاطين السفره والكل راح الا الشيخه ميره بعدها تتلبس مادري جنها رايحه عرس
حمد :اي هااا اذا بتتريين ميروه كلنا خلصنا وهي بعدها
حصه :ماعليه انته روح عشان تلحق ع الاكل
حمد :يلا عيل
طبعا الاخت ميره خذت نص ساعه لي ما تجهز حصه كانت تترياها فالحديقه ع الكرسي ونامت المسكينه
نزلت ميره :هاي وينها لايكون راحت عني صدق انها ما تستحي
وطلعت ميره بسرعه وراحت فلة عمها
دخلت جان تشوف الرياييل يالسين ف الصاله سلمت وراحت صوب المطبخ عند ساره ومهره
ميره:لاتقولين خلصتو الاكل
ساره :صباح الليل في شوية باستا وفي بحري
ميره :افا الدولما خلصت
عند الرياييل
جاسم :نهيان ليش ماكلت وانا عمك فيك شي
نهيان :هاه لا كلت عمي
احمد :شكله يستحي
زايد :لا انا اعرف يباني ااكله طياره طياره
نهيان :زيود شو ها بعد تراني هب ياهل
خالد :عيل صحنك ها خلصه
نهيان :كل اللي ف صحته واخر شي بسرعه حط شوية دولما ف صحنه وشل صحنه يبا يروح
خالد:هي هالاولاد السنعين يوم يخلصون يودون صحنهم مو انتو
نهيان ضحك راح صوب المطبخ
شاف ساره شوي بعيد حط الصحن صوب ميره
نهيان :سمعت في ناس ف خاطرهم دولما
وراح
هني ميره طارت من الوناسه
ميره :الا اقول ساره حصو هاي وينها
ساره :كيف يعني وينها ما يت وياج
ميره :لا انا نزلت من فوق ما شفت حد قلت اكيد يت بدوني
ساره :لا هي راحت ولا ردت
ميره :ش نسوي الحين انا لازم اروح اجوفها يمكن هي ف فلتنا
ساره :روحي بسرعه
وراحت ميره طيران
حمد شافها تركض :ها ها وين رايحه
ميره :بروح ادور حصه ماعرف وينها
حمد :كيف يعني ماتعرفين وينها
ميره :اوه حمد مو وقتك
وراحت وحمد وراها
دخلت ميره داخل ما حصلت حد وراحت برع وشافتها نايمه ع الكرسي جان تحط الشيله ه راس حصه
ميره :حصوه قومي ليش نايمه هنيه
حمد :هاي من متى نايمه هنيه ف هالبرد
ماعرف انا يوم ييت عبالي هي مودرتني
حمد :حلفي انتي بس اكيد البنت مرضت وعيها
قامت حصه
حصه :اوف ميروه احس عظامي متكسر ماروم وايد برد
دخلو داخل الفله
حصه ماسكه ميره ويالسه ترتقل
حمد شغل الدفايه وسكر كل البيبان والدرايش
وسوا شاي
ميره عطيها تشرب
حصه :ااااووووفففففف بمممموووووت 🥶🥶🥶🤧🤧
شربت حصه الجاي بعد ربع الى نص ساعه حست انها ردت لوعيها شوي
حمد :ها نوديج العياده
حصه :لللااا مما يحتاي بس بروح الفله وان شاء الله مافي شي
حمد :اكيد
حصه :اكيد
حمد:كله من ميره هاي
ميره :وانا ش يخصني
طلعو من فلة خالد وحصه عليها جاكيتها وجاكيت حمد
وصلو فلتهم ودخلو اخوانها اول ما شافو حصه جيه ع طول راحو صوبها
احمد :حصيص فديتج ش فيج شالسالفه
ميره :كانت تترياني وغفت برع فالحديقه وانا ع بالي ردت والظاهر انها استبردت
علي :افا والله تعالي اختي حبيبتي نحن ما ننسى اختنا شرات بعض الناس احمد يحظنها من صوب وعلي من صوب
جاسم:اوه بس قومو عن بنتي امينه سوي شوربه
خالد:ميروه كيف تنسين بنت عمج فالبرد
ميره خلاص هي روحها متلومه وحمد كان معصب وهي خافت جان تصيح وتروح
حصه قامت معنه مول مافيها حيل :زين جي صيحتوها وانا ما فيني شي
وراحت حصه عندها
حصه :ميروه لا تزعلين ما عليج منهم هاييل
ميره :والله اسفه حصوه ما كان قصدي اني اخليج فالبرد ولا شي
حصه :اوه ما عليج من كلامهم هم يقولون كلام ولا يحسون به تعالي بس
جان يحضنون بعض
ميره :وييي حصوه جسمج ناار
حصه :ماعليج بنام و باجر ما بيكون فيني شي ان شاء الله
ميره :اكيد
حصه :هي اكيد
خالد :يلا ميره نروح الوقت تاخر
حصه :عمي ميروه بتم عندي اليوم
خالد :برايكم بس مو تسهرون باجر ورانا نشه
حصه :من عيوني
خالد:يلا عيل انا بترخص
وردو خالد وساره ومحمد وعيالهم ومهره الفله
الاولاد فالغرفه الزجاجيه اللي ف حديقة قوم جاسم
نهيان :اقول شباب ش رايكم نروح شقتنا انا و زيود عشان ما نزعج اهل البيت
زايد :هي والله زين
احمد :يلا فوقه
حمد يرمس ميره ع سناب
حمد:ها ميره ش صار ع حصه شي يعورها
ميره :والله تبا الصدق ولا اخوه
حمد :افا يعني تعبانه عيل انا ما بروح مع الشباب يمكن تحتاجون شي ومحد فالبيت
ميره :ليش وين بتروحون
حمد :بنروح شقه زيود ونهيان
ميره :حصوووه
حصه تلعب ففونها:هاه
ميره :الاولاد بيروحون يسسس
حصه :وين
ميره :شقة زيود
حصه :الحمدلله
ميره  ردت ترمس :حمد روح انته حصوه مافيها شي
حمد:اكيد
ميره :اكيدين
ف الشقه عند الشباب اللي يلعب ورقه واللي يلعب ففونه واللي يسولف مع الثاني
أحمد كان يسولف مع نهيان
أحمد :أقلك شوف فتحو كوفي سادل هني ف لندن
نهيان :احلفففف
أحمد :والله
نهيان :خلاص باجر أنا عازمنكم
أحمد :آف ما اقدر
نهيان :لييش
أحمد :اختي اللي مطرشتلي ان فاتحينه وقلت لها تم بوديج
حمد من سمع طاري حصه هد اللعب ونط عندهم :ها ش السالفه كوفي منو بيروح
نهيان ضحك لان عرف ليش حمد يا :ماشي كوفي سادل فتحوه هني ف لندن ف قلنا بنروح أنا وأحمد والبنات
حمد :بس تم انا عازمنكم
نهيان غمز حق أحمد ان بيلعوزونه شوي :لا ما شي بس أنا وأحمد بنروح
أحمد :هي بس نحن
حمد :كيفكم بي روحي عادييي
نهيان :اسولف وياك يا ريال كلنا بنروح بس تقومون
هني أحمد وصله أشعار ف سناب فتح سناب وشاف ان من اليازيه
قام من عندهم وراح البلكونه
اليازيه مصوره شارع وكاتبه :لندن نورت بوجودي صح 😊
هني أحمد اختبص ماعرف شو يسوي
كتب لها
أحمد :تستهبلين صح
اليازيه :والله ما استهبل حتى شوف اللوكيشن مال السناب
أحمد :انزين وبعدين ييتي هني ش بتستفيدين
اليازيه :ييت أشوف ست الحسن والدلال مييره
أحمد :والله انج هب صاحيه أنتي تعرفين ان بحركتج هاي بتسويلي وأيد مشاكل
اليازيه :واااي شو مشاكل بعد حسستني بعدين أنا يايه ويا اهلي ما سويت شي غلط
أحمد :ما اعرف شو أقول عنج بس
اليازيه :لا بس ولا خرابيط أنا وأختي ف الكوفي هو جريب من اللوكيشن مالك تعال
أحمد :تخيلتي أنتي صح صاحيه أنتي آخر عمري اطلع ويا بنات هب محرم علي
اليازيه انصدمت توقعت ان أحمد من الشباب الصايعين اماً توقعت ان محترم :برأيك بس إذا غيرت رأيك أنا فالكوفي
هني نهيان يا صوب أحمد وشاف ويه أحمد مجلوب يعني جنه صافعينه كف
نهيان سكر البلكونه :بسم الله أحمد فيك شي
أحمد ساكت
نهيان :حد من الأهل فيه شي أحمد تكلم
أحمد هنيه ما رام يستحمل :شوف نهيان أنا بقولك بس هو صح اللي أنا سويته غلط بس عطني حل لا تتفلسف علي أنا أبا حلل
نهيان :تم إنت قول الحين
نهيان مد الكرسي ل أحمد عشان ييلس
أحمد:شوف أنا قبل كنت ارمس كذا بنت وذاك الوقت كنت غبي ما افهم المهم عقب قررت إني خلاص أودر ه الاشيا ووالله ودرت كل البنات بس هاي ما رمت اودرها حاولت والله بس هالبنت شعورها كان صادق اتجاهي وأنا مع الوقت صرت احبها رغم إني ما شفت شكلها بس حبيتها المهم ما عليك من هاذا كله يوم كنا ف المطار كنت اكلمها وجيه عقب سألتني منو وياك وماعرف شوه عقب عرفت ان ميره بنت عميه ويانا وأنا الصراحه ميره شرات أختيه ف قلت لها ان تستهبلين تغارين من ميره ومن هالكلام عقب ميره سمعتني وتكلمت وأنا توترت وسكرت ف وييه اليازيه بعدين انجبرت إني أقول كل شي ل ميره عشان ما تفهمني غلط وقالت لي إذا أنت تحبها ان روح أخطبها وأنا قلت بعد هالسفره بكلم أبوي فالموضوع بس صار شي مو فالحسبان
أحمد'
نهيان :شو صار
أحمد :اليازيه أونه غارت من ميره ويت لندن تخيل تعرف لو اهلي عرفو شو بيكون موقفي وأنا مول ما أبا هالشي يصير والأخت اونه تعال الكوفي الحين خير صاحيه هااي
نهيان :شوف صح ان ه الشي غلط
أحمد :والله إني عارف ان اللي سويته غلط بس
نهيان :اصبر اسمعني أكمل كلامي شوف بس ترا أذا أنت صدق ناوي تخطبها
أحمد :انا أبيها والله واشوفها حرمتي ان شاءالله ف المستقبل بس بعدني مش مستعد اوكي صح إني توظفت بس توني من فتره يعني توني بديت أكون نفسي يعني بعد جئ سنه أو قول 6شهور أفكر ف الزواج يعني إذا استعيلت
نهيان :انزين شو رأيك الحين تروح عندها الكوفي وتفهمها هالكلام وإذا ما بغت الله وياها
أحمد :بس كيف ي نهيان كيييف أشوفها احس ما اقدر منظرنا أوف وإذا حد شافنا لالا
نهيان :والله ما عرفت انك جيه محترم
أحمد :والله
نهيان :ماعليك ما بيصير شي ان شاءالله أنا بي وياك إذا تبا
أحمد :شو اسوي بعد مالي إلا هالحل
نهيان :يلا
طلعو من البلكونه واتجهو صوب الباب
زايد :هااا بدينا خيانات
نهيان :أي خيانات أي خرابيط بنروح السوبر ماركت حد يبا شي
حمد بدون ما يحس :two red bull ازرق
نهيان :وليش اثنين واحد ما يسدك
حمد .وانت ش لك بطني ولا بطنك
نهيان :خيبه كليتنا انزين انزين ،حد يبا شي
زايد :نهيان خذ خرابيط حق الشقه
نهيان :تمام
طلعو وراحو صوب الكوفي
أحمد كتب حق اليازيه :أنا قريب الكوفي إنتي وين
اليازيه هني شوي وبتطير من الوناسه وبنفس الوقت خايفه إنها اول مره بتيلس ويا ريال غريب مو انه غريب فهمتو علي انتو
اليازيه :أنا يالسه ع الطاوله رقم 11 ثواني بس الحين اختي بتروح
نهيان :ها رمستها
أحمد :هي قالت اختها الحين بتروح
نهيان :عيل أنا بروح السوبر ماركت بآخذ الاشيا لين ما تخلص وقول كل اللي في خاطرك أحمد
أحمد :أوف الله يغربلها من حاله روح أنت الحين وأنا بخلص وبييك
هني اليازيه طرشت :راحت اختي
أحمد كان يمشي ب خطوات ثقيييله
وصل عند اليازيه واثنينهم مصدومييين
اليازيه ذابت من شكل أحمد طبعا أحمد فيه من جمال حصه اسمر شويي ضعيف طويل شعره ناعم مو طويل ولا قصير عادي رافعنه ع فوق وخشمه طويل وضعيف ولحيته متوسطه لا خفيفه ولا كثيفه ولابس هاينك اسود وبنطلون جنز وجاكيت المطر وع الكاب مال الحاكيت في فرو
اليازيه هي مليانه شوي بس ه اللي محلنها بيضا بس مو ذاك البياض اللي اوفر وغمازاتها اللي تظهر من بس تحرك حلجها وطولها عادي يعني كانت لابسه قميص غليظ بني و بنطلون جلد اسود وفوقهم بالطو
أحمد سحب الكرسي ويلس طبعا اليازيه صمتتت
أحمد نزل رأسه وقالها :شوفي اليازيه أنا بقولج كل شي واتمنى انج تفهميني أنا يوم هديتج فتره قلت لج السبب عقب رديتلج مو عشان شي لأني تعلقت فيج واايد ولاني حبيتج بين كل البنات وتعرفين هاي ميره اللي تغارين منها يوم بندت ف ويهج ادري انج زعلتي وحقج علي بس تعرفين يوم سكرت ف ويهج قلت حق ميره عنا وقلت لها ش كثر أنا احبج رغم إني ما شفتج ولا مره بس سامع صوتج وتعرفين هي ش قالت لي قالت ان دام انك صدق تحبها روح اخطبها ولا تلعب ف شعور البنت ومن هالكلام وأنا كنت مقرر إني أفاتحج ب هالموضوع بعد هالسفره بس يوم سويتي هالحركه واايد تضايقت الصراحه ي اليازيه وإذا أنتي صدق تبيني شرات ما أنا اباج ترئي علي شوي مب سنه بس 6شهور ارتب أموري وبي أخطبج بس لو أنتي مو مستعده انج تتريين وهذا من حقج روحي الله وياج بس أنا قلت اللي عندي أتمنى تفهميني وأنا ما أبا اهلي يسمعون أو يعرفون بالموضوع قبل ما أنا اكلمهم و فحفظ الرحمن
قام أحمد وراح
اليازيه من الصدمه ساااااكته فيها شعور فرح ع توتر فرحانه ان أحمد صدق يبيها ومتوتره إنها لازم تتخذ قرار وترد عليه قامت وراحت الفندق وهي تفكر باللي قاله أحمد
أحمد بعد كان متوتر بس ارتاح يوم قالها عن الي ف خاطره
راح أحمد السوبر ماركت دخل شاف واحد حس ان يعرفه بس مش متاكد تم يطالعه لين ما الريال انتبه
هزاع :احمدددد
أحمد :والله إني كنت حاس انك هزاع
نهيان يا عندهم
وسلمو ع بعض
هزاع :علومك علوم الآهل ويين ش هالقطعه
أحمد :والله بخير ف نعمه أنت ش حالك الوالد علومه عساه بخير
هزاع :والله كلهم طيبين ما يشكون باس ،اللا انتو ش تسوي هني
أحمد :ماشي سفرة الصيف ويا الأهل
هزاع :زين والله أنا بعد ييت ويا اهلي اللا منو الريال ما عرفنا اسمك سامحنا عاد خذتنا السوالف
نهيان :مسموح مسموح الغالي معاك نهيان
أحمد :ربيع زيود
هزاع :زيود وياكم
أحمد :هي حياك اقرب كلنا يالسين ف شقة زيود ونهيان
هزاع :لا وين فشله مره ثانيه
أحمد :لا فشله ولا شي بعدين كلنا شباب
هزاع :إذا جيه تمام بس بتتريوني شوي بعطي هالأغراض حق اختي هي هني قريب
أحمد :خذ راحتك الحبيب
هزاع اتصل حق اخته :الو يزوي
أحمد :شاف نهيان يزوووي لالا مستحيييل
نهيان :اسكت بنعرف بعد شوي
ويت اليازيه ووقفت شوي بعيد وراح هزاع عندها خذت عنه الأغرض ويوم شافت ان اخوها راح ويا أحمد انصدمتتتت
وأحمد نفس الصدمه
بس نهيان يحاول يخلي كل شي طبيعي عشان هزاع ما يشك بس ماهي إلا دقايق ورد أحمد طبيعي
وصلو الشقه ودخلو
أحمد :شوفو منو شفنا ف السوبر ماركت
هزاع:السلام عليكم
حمد انصعق بس قال يمكن عقل ف سكت وماقال شي بس رد السلام
هزاع حس ان حمد بعده شال ف قلبه عليه فراح و يلس عنده
هزاع :علومك حمد عساك بخير
حمد وهو يلعب ففونه :بخير الحمدلله
هزاع :وأنا بعد بخير ع العموم عندي لك خبر متاكد ان بيفرحك
حمد بعدم مبالاه:شو
هزاع :ترا أنا ملجت وعرسي قريب
حمد فر فونه :احلففففف مبرووووووووك وتم يسلم عليه
أحمد :ش فيكم ش السالفه
حمد :هزاع ملج وعرسه قريب
كلهم :اوب اوب وباركوله
اليوم الثاني الصبح صوب فلة الإخوان كلهم جاهزين عشان يطلعون إلا ميره وحصه حضرتهم ما نامو إلا بعد صلاة الفير
هنيه سعيد و شيما نزلو
جاسم :انتو متى وصلتو
سعيد وهو يسلم على أبوه 4الفير
جاسم :يلا زين اهم شي ريحتو عدل
شيما :هي عمي
تريقو وخلصو
سعيد :عيل وينهم الباقين
(نهاية البارت)