جمعتنا وصية

عرس سلامه وعلي🩵💍

( قولو بعد ما أدلعكم ، انحوي وانتو تقرون البارت💕)
حمد : حصه لا تحكمين ع الموضوع بدون ما تسمعين وبعدين ماله
داعي تدخلين اهلج فالموضوع هالشي بيني وبينج
حصه : يوم بنعرس ذاك الوقت قول بيني وبينج
حمد : حصه ش فييج ترا أنا خذت هالشي بسبتج لانج هديتيني
حصه : لا والله أنا ييت وقلت لك شييش صاحي انت ولا شارب شي بعد
حمد : اووف حصه لا تستهبلين شو هالكلام بعدين اسمعي اول
حصه : قول قول ورانا درب ألف قصه
حمد : أنا فتره رابعت ربع مول مو شراتنا وشرات عاداتنا وسويت اللي يسوونه وع قولتهم الصاحب ساحب بس والله إني احاول أوقفه ومن شهر موقف والله ما اشييش الحين
حصه : الصاحب ساحب عيل هااا
وصلو بيتهم
حمد يود حصه من إيديها قبل ما تنزل
حصه بعصبيه : قلت لك لا تلمسسنييييي
حمد شل ايده ونزل من الموتر ووقف جدامها : حصه ياخي والله اسف أنا كنت غبي وقتها والله سامحيني والله ش اسوي ش تبين مني قولي لي بس مو جيه تقولين
حصه سحبت عليه وراحت لأنها كانت مقهوره منه
يوم عرس سلامه وعلي
"اليازيه وأحمد ملجو ونهيان و ميره ملجو"
فالفندق طبعا كلهم حاجزين لهم غرف فالفندق عشان يتجهزون ومنها بيباتون هناك
العصر كل البنات يتجهزون

فالغرفة عند ميره حصه
ميره : حصوه ردي ع فونج بس
حصه: ما برد تبين انتي ردي ع اخوج أنا ما عندي شي اقول له
ميره : يمكن هو عنده حليله
حصه : ميرووه لا تخليني افصل عليج لا تسوين عمرج ما تعرفين
ميره : والله برأيكم سوو اللي بتسوونه أنا بروح غرفتي
حصه : سيري شكله حبيب القلب
ميره ضحكت وراحت غرفتها اول ما دخلت ردت ع نهيان
نهيان : انتي وينج ما تردين
ميره : ش سوي حمد حشرني يقول روحي رمسي حصه عشان ترد عليه
نهيان : والله انه حاشرني أنا بعد اللا اقوول
ميره حاطه سبيكر لأنها يالسه تتمكيج: قول عيوني
نهيان : فديت عيونج بس كم رقم غرفتج
ميره : استريح ما بتشوفني لي بالليل
نهيان : افاااااا، المهم كنت أبا رقم حجرتج انتي وحصه لأنه حمد يايب أكل أحصه جان أقوله اطلب حق ميره بعد مايستوي اخلي حرمتي بدون أكل
ميره : والله هالاثنين طلعو روحنا متى بيتراضون ويفكونا
نهيان : هاي حصه بعد الله يهديها مكبره الموضوع إلا شيشه
ميره : اللا شيشيههه ترا قلنا اخوي بس ما أدافع عنه لو غلطان
نهيان : بس ترا هو ودر الشيشه من زمان
ميره : لازم نشوف لهم حل هاييل ما ينفع جيه المهم بعطيك رقم الغرف وطرش بيد حد
نهيان : بالعافيهههههه
ميره : الله يعافيييييكككك
دق باب غرفة حصه راحت فتحت شافت عامل وبيده أكل
ترمس عمرها : ما حيد أني طلبت أكل بس ياخي مو وقته أنا يوعانه بس ما باكل عشان الكرشه
جان تأخذ البيتزا وتدخل
فجت الكيس جافت رساله:
اعرف انج مو مأكله شي من الصبح عشان الفستان
ولو سمحتي كلي حتى لو زعلانه مني وتكرهيني
حصه :اف ي حمد تقهر بس باكل والله إني يوعااانه
وقت دخلة سلامه دخلت بطلتها اللي أبهرتهم كلهم رغم أنها كانت بسيطه ف لبسها إلا إن زادها فخامه
ويا دور علي يدخل ودخلو معاه كل الشباب وابوه وعمه كلهم حتى نهيان
طبعا توصورو وجيه وراحو المعازيم بس تمو الأهل اللي راح يأكل واللي يتصور
طبعا أحمد راح عند الحب
أحمد : يزووووووي يخربيتج ضعفاااانه
اليازيه أونها استحت : حق العرس
أحمد : هالجم تودرينه وتاكلين شرات قبل وينهم خدودج راحو
اليازيه : افا يعني الضعف مو حلو علي
أحمد : اللا طررر أنا جي اقول لأني أغار عليج ش اسوي بعد
" مالوم حصه يوم قالت عن اخوانها خرفان🤣🤣🤣"
نهاية البارت
تصبحون على ما تتمنون