"Morning ကလေး"
ဘုံနန်းကအိပ်ရာထဲမှထ၍မိုးညကိုဖက်တွယ်ထားရင်းစကားဆိုသည်။
"မနက်အစောကြီးနိုးနေတာလား မ.."
"ကလေးအတွက်မနက်စာပြင်ပေးချင်လို့"
"မ..ကအရမ်းချစ်ဖို့ကောင်းတာပဲ"
"ကိုယ့်ရဲ့ဇနီးလေးကိုယုယပေးတာလေ။အဲ့ဒါထူးဆန်းလို့လားကလေးရဲ့"
"ဟင့်အင်း....မထူးဆန်းပါဘူး။လုံးဝမထူးဆန်းဘူး"
"ကိုယ့်ကလေးလေးကိုဖက်ထားရတာသဘောကျစရာကောင်းလိုက်တာ"
"အာ....ဘုံနန်းချိန်းထားတာရှိသေးတာပဲ။ရေချိုးတော့မယ်။ဖယ်ပေးတော့"
"မဖယ်ပေးပါဘူး။အာဘွားတွေပေးရဦးမှာကို....."
မိုးညက အကျင့်ပုတ်၍ဘုံနန်းကိုတင်းကျပ်နေအောင်ပွေ့ဖက်ထားခဲ့သည်။ဘုံနန်းက ရယ်မောရင်း မိုးည၏ရင်ခွင်ထဲမှာမရုန်းတော့ပဲ ငြိမ်ငြိမ်လေးနေပေးလိုက်သည်။ထိုအခါ မိုးညကကျေနပ်သွားဟန်ဖြင့် ဘုံနန်းကိုအကြင်နာအနမ်းလေးများခြွေရင်းရှိနေခဲ့သည်။
***************************
ဘုံနန်းရဲ့ဆိုင်မှာဧည့်သည်များနေသဖြင့် ဆိုင်ပိတ်ချိန်နောက်ကျသွားခဲ့ရသည်။
"အပြင်မှာဟိုတစ်ယောက်စောင့်နေတယ် မမ"
"အင်း....အင်း....နွယ်လေး။ပြန်နှင့်တော့နော်"
"အဆင်ပြေလို့လား မမ"
"အင်း....အဆင်ပြေပါတယ်။ပြန်နှင့်နော်"
"ဟုတ်ကဲ့။ဂရုစိုက်ဦးနော် မမ"
ဘုံနန်း ခေါင်းအသာညိတ်ပြလိုက်တော့ နွယ်လေးထွက်သွားခဲ့သည်။ဘုံနန်းက သက်ပြင်းသဲ့သဲ့ချလိုက်ရင်း ဆိုင်ရှေ့သို့ထွက်ခဲ့လိုက်သည်။
"မင်းကငါ့ကိုစိတ်အနှောင့်အယှက်သိပ်ပေးတာပဲ ဘုံနန်းထိုက်တန်"
"ဘုံနန်း တောင်းပန်ပါတယ်"
"မင်းကအမြဲတမ်းဘာလို့ ချိုသာနူးညံ့နေရတာလဲ။မင်းကငါ့ကိုရန်တွေ့နေသင့်တာမဟုတ်ဘူးလား"
"ဘုံနန်း ဘယ်သူနဲ့မှရန်မဖြစ်ချင်ဘူး။ပြီးတော့ ရှင်ကဘုံနန်းရဲ့ရန်သူမှမဟုတ်ပဲ"
YOU ARE READING
Dark...Rainy Night💛
Romanceမ..ရဲ့ချစ်ခြင်းကမိုးစက်တွေအဖြစ်ရွာသွန်းရင်း ကလေးရဲ့နှလုံးသားကြမ်းပြင်မှာ သမုဒ္ဒရာတစ်စင်းဖြစ်တည်လာခဲ့မယ်ဆိုရင် အဲ့ဒီရေပြင်ကျယ်ထဲမှာနစ်မြုပ်နေချင်တဲ့သူပါ။ အဲ့ဒီရေပြင်ထဲက ကယ်တင်မယ့် တစ်ယောက်ယောက်ရဲ့လက်တစ်စုံမလိုချင်ဘူး။အဲ့ဒီရေပြင်ထဲမှာအဆုံးအထိ ကလေးရဲ့ခ...
