"ဘယ်သွားနေတာလဲ မ..ရယ်။မ..ကိုဘုံနန်းလိုက်ရှာနေမိတာ။ဖုန်းဆက်လို့လည်းမရတော့......"
အိမ်ထဲကိုဝင်လိုက်တာနဲ့ မိုးညကိုပြေးဖက်ပြီး ဘုံနန်းကငိုကြွေးရင်းစကားဆိုပါ၏။ဘုံနန်းကိုကြည့်ရင်းစိတ်ပူပန်မှုများဖြင့် မိုးညမှာချော့မော့နှစ်သိမ့်ရတော့သည်။
"ကိစ္စတစ်ခုရှိလို့အပြင်ထွက်သွားတာပါ ကလေးရယ်။မငိုရဘူးလေကွာ"
"မ..ကိုစိတ်ပူနေတာ"
"ကိုယ်ဘာမှမဖြစ်ပါဘူး ကလေးရဲ့။လာပါကွာ။မငိုနဲ့တော့။ကလေးလေးကိုဖတ်ပြဖို့ စာအုပ်လေးတစ်အုပ်ဝယ်လာတယ်"
"ဟာ....အဲ့ဒါကိုဘုံနန်းသဘောကျတယ်။အခုဖတ်ပြတော့"
"ဟိတ်...ကလေးလေး....မင်းလေးဘာမှမစားရသေးဘူးမဟုတ်လား။အစားတစ်ခုခုအရင်စားကြရအောင်။ပြီးမှစာအုပ်ဖတ်ပြမယ်လေနော်"
"အွန်းပါ။မ..သဘော"
"ဟုတ်ပြီ။လိမ္မာတဲ့ကလေးအတွက်ဘာလေးတွေစီစဥ်ပေးရင်ကောင်းမလဲ"
မိုးညကဘုံနန်းအတွက်ညနေစာပြင်ဆင်ပေးနေချိန်၌ ဘုံနန်းကငြိမ်ငြိမ်လေးထိုင်ကြည့်နေခဲ့၏။ထိုအချိန်တွင် စားပွဲပေါ်ရှိမိုးည၏ဖုန်းက မက်ဆေ့ကြောင့်ပွင့်လာခဲ့သည်။ဘုံနန်းက အမှတ်မထင်လှမ်းကြည့်မိသောအခါ
"ညီနဲ့စကားပြောနေတာလား မ.."
"အဲ့ဒါက...."
"ဘာကိစ္စဖြစ်လို့လဲဟင်။ညီနဲ့အဆင်ပြေရဲ့လား။တစ်ခုခု....."
"ကိုယ်အဆင်ပြေပါတယ် ကလေးရယ်။ညီနဲ့လည်းပြဿနာမဖြစ်တော့ပါဘူး"
"အဲ့ဒါဆို ညီကလာတွေ့ဖို့ပြောနေတာ ဘာ့ကြောင့်လဲဟင်"
"ကိုယ်....ကိုယ်တို့....."
"ဘုံနန်းစိတ်ပူလာပြီ မ..ရယ်။ဘာဖြစ်နေတာလဲပြောပြစမ်းပါ"
မိုးညကသက်ပြင်းချရင်းဘုံနန်းအနီးသို့လာ၍ဘုံနန်းရဲ့နဖူးလေးကိုကြင်နာစွာတစ်ချက်နမ်းလိုက်ပါသည်။
"ကိုယ်ပြောတာကိုသေချာနားထောင်ကလေး။မင်းလေးရဲ့နှလုံးကိုအစားထိုးကုသဖို့လိုအပ်နေတယ်လို့ ညီ ပြောတယ်။သူမှာလှူမယ့်သူရှိတယ်တဲ့။အဲ့ဒီကိစ္စကိုကိုယ်တို့ဆွေးနွေးနေကြတာပါ။စိတ်ပူစရာမလိုပါဘူး ကလေးရယ်"
YOU ARE READING
Dark...Rainy Night💛
Romanceမ..ရဲ့ချစ်ခြင်းကမိုးစက်တွေအဖြစ်ရွာသွန်းရင်း ကလေးရဲ့နှလုံးသားကြမ်းပြင်မှာ သမုဒ္ဒရာတစ်စင်းဖြစ်တည်လာခဲ့မယ်ဆိုရင် အဲ့ဒီရေပြင်ကျယ်ထဲမှာနစ်မြုပ်နေချင်တဲ့သူပါ။ အဲ့ဒီရေပြင်ထဲက ကယ်တင်မယ့် တစ်ယောက်ယောက်ရဲ့လက်တစ်စုံမလိုချင်ဘူး။အဲ့ဒီရေပြင်ထဲမှာအဆုံးအထိ ကလေးရဲ့ခ...
