ဘုံနန်းထိုက်တန်၏ကံကြမ္မာသည် မိုးညနက်နက်ဟူသောကောင်မလေးတစ်ယောက်အပေါ်မှီတည်နေခြင်းအားတစ်ခုသောမိုးဦးရာသီ၌ရှာဖွေတွေ့ရှိခဲ့ခြင်းဖြစ်သည်။
အဲ့ဒီနေ့က ဘုံနန်းရဲ့သူငယ်ချင်းဖြစ်သူ အက္ခရာ၏ကော်ဖီဆိုင်သို့ ဘုံနန်းအလည်လာခဲ့မိသည်။ထိုအခိုက်အတန့်လေးမှာပဲ မိုးညနက်နက်ဆိုတဲ့ကောင်မလေးတစ်ယောက်ကဘုံနန်းရဲ့ရဲ့နှလုံးသားထဲကို မုန်တိုင်းပြင်းပြင်းတွေနဲ့မိုးရာသီတစ်ခုဆောင်ယူလာခဲ့တာ....။
"ဒီမှာခဏထိုင်လို့ရမလား"
"ဟုတ်...ရပါတယ်"
"ကိုယ့်ကိုထိုင်ခွင့်ပေးတာကျေးဇူးနော်"
"ကိစ္စမရှိပါဘူး"
"ကိုယ်တစ်ယောက်ထဲဖြစ်နေတာမို့လို့မင်းနဲ့အတူ ကိုယ့်ကိုကော်ဖီသောက်ခွင့်ပြုစေချင်တယ်"
"ရပါတယ်။ဘုံနန်းလည်းတစ်ယောက်ထဲဆိုတော့အဆင်ပြေပါတယ်"
"မင်းရဲ့နာမည်က ဘုံနန်းဆိုပါတော့"
"နာမည်အပြည့်အစုံက ဘုံနန်းထိုက်တန်ပါ။ရှင်ကရော......"
"မိုးညနက်နက်...."
"နာမည်လေးကသိပ်လှတယ်"
"ကျေးဇူးပါ ကလေး"
"ဘယ်လို...."
"မင်းက ကလေးလေးနဲ့တူလို့ အဲ့လိုခေါ်မိသွားတာ"
"ဒါနဲ့ မိုးညကတစ်ယောက်ယောက်နဲ့ချိန်းထားတာလား"
"အင်း....ကိုယ့်ချစ်သူနဲ့တွေ့ဖို့ချိန်းထားတာ"
"ဪ....."
ထို့နောက်တွင်တစ်ယောက်ကိုတစ်ယောက်စကားဆက်မပြောဖြစ်တော့ပဲ ကော်ဖီသောက်ရင်းငြိမ်သက်သွားခဲ့ကြသည်။အချိန်တစ်ချို့ကြာပြီးသောအခါ သူမကပဲစတင်၍စကားဆိုသည်။
"ဒီနေ့သူ မလာတော့ဘူးထင်ပါရဲ့။ကိုယ်သွားတော့မယ် ကလေး"
ဘုံနန်း ခေါင်းအသာညိတ်ပြလိုက်မိသည်။သူမကထိုင်ခုံမှထလိုက်ရင်း ထွက်သွားဖို့ဟန်ပြင်ပြီးမှပြန်လှည့်လာ၍စကားဆိုသည်။
"နောက်တစ်ခါတွေ့ရင် ကိုယ်မင်းကိုနှုတ်ဆက်လို့ရတယ်မဟုတ်လား ကလေး"
YOU ARE READING
Dark...Rainy Night💛
Romanceမ..ရဲ့ချစ်ခြင်းကမိုးစက်တွေအဖြစ်ရွာသွန်းရင်း ကလေးရဲ့နှလုံးသားကြမ်းပြင်မှာ သမုဒ္ဒရာတစ်စင်းဖြစ်တည်လာခဲ့မယ်ဆိုရင် အဲ့ဒီရေပြင်ကျယ်ထဲမှာနစ်မြုပ်နေချင်တဲ့သူပါ။ အဲ့ဒီရေပြင်ထဲက ကယ်တင်မယ့် တစ်ယောက်ယောက်ရဲ့လက်တစ်စုံမလိုချင်ဘူး။အဲ့ဒီရေပြင်ထဲမှာအဆုံးအထိ ကလေးရဲ့ခ...
