🍥((هل يفعلها ؟)) 🍥✴️أقوى سلسلة للاستعداد لرمضان ✴️
🌼 الحلقة الثالثة 🌼
👌 طوق نجاة!
🍃 * شوفت قبل كده منظر أرض جافة، عطشانة، متشقّقة ، قاحلة ، أرض ميّته ؟؟
👈 * أهو ده بالظبط حال قلبك بعد سنين من البعد عن الله والانغماس في الفتن والشهوات !
🍃 * وشهر رمضان بالنسبة لنا هو :
موسم أمطار الرحمات والبركات والفيوضات
الأمطار اللي لازم تنزل على قلبك وترويه ، لازم تتعرض لها وتنهل منها ومحدش يشغلك عنها لأنها هي اللي هتعيد الحياة لقلبك وهتعالج روحك !
🍃 * إنت عارف رمضان فرصة يعني إيه ؟؟
* فرصة يعني يا تلحق يا متلحقش !!
* يعني الشيطان عدوك اللدود - عليه لعنة الله - هيحاول بكل جهده إنك متنتبهش لها من الأصل !
ولو انتبهت لها ، هيحاول بكل قوته وامكانياته ومن غير كلل أو مَلل إنه يلهيك ويعطلك ويشغلك عنها علشان متلحقهاش ومتستفيدش منها بأي شكل ، فخلّيك واعي لخططه ومكره وتحركاته ..
👈* أقف مع نفسك وقولّها :
الحياة فرص ..!
والفرصة اللي بتروح .. ممكن مترجعش تاني!
👈* كل حد يقول لنفسه :
أنا ضيّعت رمضانات كتير قبل كده .. وربنا أعطاني فرصة جديدة مِنحة وفضل وكرم منه سبحانه ، وممكن تكون دي الفرصة الأخيرة !! ممكن يكون ده فعلاً آخر رمضان في حياتي !!
* أقف مع نفسك واسألها :
🌻* لو مش هتتغير في رمضان .. هتتغير إمتى بعد كده ؟؟؟
🌻* لو حالك مش هينصلح في رمضان .. هينصلح إمتى ؟؟
🌻* لو مش هتقرب من ربك حبيبك في رمضان، هتقرّب إمتى ؟؟
🌻* لو ذنوبك مش هتتغفر في رمضان هتتغفر إمتى بعد كده ؟؟
🌻* لو عينك مش هتبكي وقلبك يرق وينكسر لله في رمضان ، هيكون إمتى ؟؟
🌻* لو قلبك مصحيش من غفلته في رمضان ، هيفوق إمتى ؟؟
🌻* لو موسم الأرباح عدى عليك من غير ما تكسب ، هتكسب إمتى بعد كده ؟؟!
🌻* لو مش هتُعتق من النار في رمضان، هتُعتق إمتى بعد كده ؟؟؟
🌻* لو مش هتفوز بالفردوس الأعلى في رمضان هتفوز إمتى ؟؟؟
🌻* لو مش هتفرح في رمضان ، هتفرح إمتى بعد كده ؟؟؟؟
🌟* يقول أحد الصالحين :
" يا من طالت غيبته عنا، قد قربت أيام المُصالحة ..
يا من دامت خسارته ، قد أقبلت أيام التجارة الرابحة ..
من لم يربح في هذا الشهر ففي أي وقت يربح ؟؟
ومن لم يقرب من مولاه وينال رضاه ، فقل لي بربك متى يُفلِح ؟؟؟ "
🍥* مش نفسك يا حبيب قلبي تعيش الحياة الطيبة ؟؟
مش نفسك يا أختي تبعدي عن حياة الهم والقلق والخوف ؟؟
🍥* رمضان عناية مركّزة علشان ينقذ قلوبنا
وياخد بإيدينا لطريق السعادة والراحة النفسية والطمأنينة في الدنيا والآخرة
🍥* رمضان هو طوق النجاة الربانى لنا كلنا بعد ما غرقنا
في بحور الدنيا وما فيها من المعاصي طول السنة !!
🌟* يا شباب ..
بقالنا كتير جداً تايهين ومُشتتين ومش عارفين نخرج من دوّامة الهمّ والاكتئاب !!
تعب و شقاء و بهدلة و ذنوب و معاصي كل يوم ، بل كل ساعة !!!
بعد كــل ده ييجي رمضان رحمة من المولى * بنا
علشان يغسل قلوبنا ويطهر نفوسنا ويغيّر حياتنا للأفضل ..
🔅* قدامك فرص بالجملة كل يوم وليلة ..
🔅* لازم تستغلها صح بقى ..
🔅لازم تنهي المأساة والغفلة اللي إنت عايش فيها طول السنة..!
🔅* احسبها صح ! .. إلحق الفرص .. رمضان مجموعة فرص مش فرصة واحدة .. فرص لكل ما تتمناه .. إلحق نفسك بسرعة .. كما قال أحد الصالحين :
" إذا فُتِح لأحدكم بابُ خير؛ فليُسرع إليه ، فإنه لا يدري متى يُغلَق عنه ؛ فاغتنم "
🔆*رمضان فرصة عمرك لمغفرة كل ذنوب السنين اللي فاتت من حياتك .. سنيييييييييييين من عمرنا عشناها في غفلة وانتهكنا الحرمات ، واتجرأنا فيها على ربنا بالمعاصي ، وأخدنا فيها كمية ذنوب تدخلنا جهنم حدف لولا رحمة الله !!
شهر واحد بس ، لك فيها أكتر من فرصة مهولة علشان تمحي ذنوبك دي كلها ، بل وكمان تبدّلها كلها حسنات ..
🍥* لما تسمع حبيبك النبي * بيقول :
» من صام رمضان إيماناً وإحتساباً ، غُفِر له ما تقدَّم من ذنبه « متفق عليه
🌟*يعني الصيام لوحده بس في رمضان هيخلّي كل البلاوي السودا اللي عملتها في حياتك تتغفر وتتشال أوزارها من عليك .. يعني فرصة إنك تبدأ صفحة جديدة بيضااااااااء نقية تماماً مع الله ..
🍥* لما تسمع الكلام ده تكبّر دماغك ؟؟؟؟!!
👈ولا تنتهز الفرصة العظيمة دي علشان يتغفرلك؟!
🌟🌟🌟🌟🌟
#هل_يفعلها
#حياتي_دعوة
أنت تقرأ
هل يفعلها ؟!
Spiritual* يا ترى يا شباب لو كل واحد فينا حاول يرجع بالذاكرة شويتين ويتأمل في حياته ويشوف كام فرصة كبيرة وسهلة قابلته .. وكانت فرصة واحدة منها كفيلة إنها تغير مسار حياته كلها و تنقله نقلة نوعية للأفضل ، ولكن للأسف الشديد ضيّعها من إيديه بكل كسل واستهتار ولا...
