هل يفعلها ؟!

18

🍥((هل يفعلها ؟))أقوى سلسلة للاستعداد لرمضان🌙

🎁كيف تعيش رمضان بحق..!!!!.. 🎁

🎯الحلقه 18 🎯😊

✅🌻توصيات عملية 🌻✅

/
*1️⃣ جدد نيتك قبل أي عمل ،  واحتسبه لله ، حتى نومك ، مذاكرتك ، أكلك ، شغلك .. يعني قبل ما تبدأ في أي عمل ، مرر الأسباب اللي دفعتك لفعله على قلبك .. احتساب النوايا ده كنز .. وكل ما تزود وتعدّد النوايا أكتر ، كل ما يكتر الثواب ويكون العمل أرجى للإخلاص بإذن الله ..*

*2️⃣ لازم تكون مجهز الـ To Do List بتاعتك .. ركّز على أهدافك واكتبها كل يوم الصبح مع مهام شغلك .. اكتب على الموبايل في أي برنامج، وأرشحلك برنامج Any do ، تطبيق مفيد هيساعدك في تنظيم مهامك المختلفه و ترتيبها وعمل منبهات لها ، وتفصيل كل مهمه لمهام فرعية ولكن بدون تعقيد و بمنتهى البساطة ..*

*📚اكتب حتى في نوت عادية إيه الحاجات اللي عاوز تعملها إنهارده .. ويا حبذا لو تكتبها في ورقه وتعلقها في مكان واضح بتشوفه كل يوم علشان متنساش .. مهم أوي تذكّر نفسك علشان متنساش ، لأن انشغالك هينسيك مع الوقت ، وممكن تفوّت حاجات كتير وإنت مش واخد بالك .. و لو فيه فرصة إنك تعمل الحاجات البسيطة من جدولك وإنت في المواصلات أو وإنتي في المطبخ، هتحس بالانجاز جدًا.*

*👈وحاول تكون مَرِن في تغيير خططك اليومية لو حصلّك طارئ أو أي ظروف مفاجأة .. زي لا قدّر الله مرض أو شغل أو زيارة أو سفر أو غيره ..*

*3️⃣ كل مواعيد نومك لازم تكون مظبط لها منبهااااااااات ، مش منبه واحد !!* 
*👈مفيش حاجة اسمها هنام وهعرف اصحى من غير منبه !! متضحكش على نفسك !!!*
*👈وفيه برامج منبهات للموبايل مبتتقفلش غير لما تقوم من على السرير وتصوّر الثلاجة مثلاً ، وفيه مبيقفلش غير لما بتحل مسأله حسابية أو لعبة بصرية محتاجه تركيز أو غيره من الحاجات اللي هتخليك تصحصح ..*

*📚عندك برامج كتير منها Sleep If U Can أو Puzzle Alarm Clock أو Sleep as Android أو Alarm Clock for Heavy Sleepers  .. حمّل أي حاجة من البرامج دي علشان مش كل شوية تكتم الموبايل وتروح عليك نومة ويضيع منك كل اللي إنت مخطط له !*

*4️⃣ الحاجات المهمة في جدول أعمالك ، حاول تبدأ بيها وتعملها الصبح بدري وتكون هي الأهم أو الأصعب .. هترتاح جداً باقي اليوم و مش هتحس إنك وراك حاجات كتير .. إبدأ يومك بأهم حاجتين أو تلات حاجات مهمة وخد استراحة قصيرة بينهم.. باقي اليوم هيبقى أبسط مما تتخيل..*

*5️⃣ جلسة الشروق اللي هي بعد الفجر مُخصصة للأذكار مش جلسة حكاوي وحواديت مع أصحابك .. كان شيخ الإسلام ابن تيميه إذا قضَى صلاة الصبح، أقبلَ بوجهه إلى الحائط في مِحرابه حتى الضحى، ولا يلتفت ..*
*👈 فإذا جلست في المسجد بعد صلاة الفجر، فممنوع الانشغال بشيء غير الأذكار، لا تَلتفت، وَجِّهْ وجْهك إلى الحائط ، وردّد الأذكار، واقرأَ وِرْدك من القرآن..*

*6️⃣ حافظ على صلاة الضحى ..  و وقتها من بعد شروق الشمس بربع ساعة إلى قبيل صلاة الظهر بعشر دقائق .. وممكن تصليها 2 أو 4 أو 6 أو 8 ركعات ..*

*👈 اشتري سواك من دلوقتي وخليه دايماً في جيبك أو شنطتك .. وتذكر إن الشئ الصغير ده اللي كتير من الناس بيغفل عن فضله ، سبب في إن ربنا * يرضى عنك كما أخبر النبي  صلى الله عليه وسلم : » السواك مرضاة للرب « رواه البخاري ..*

 *7️⃣ *وإنت في المواصلات أو في الشغل هتلاقي ناس بتتكلم عن المسلسلات وناس مشغلة أغاني وناس بتقرا الأخبار*
👈 *سيبك من الناس كلها وركّز في شغلك.. ولو كنت فاضي أثناء الشغل اشغل وقتك بالقرآن أو الذكر*

*8️⃣ السنن الرواتب وهي السنن المؤكدة اللي مرتبطة بالصلوات المفروضة ، وكان النبي  دايماً بيحافظ عليها .. وهي : 2 قبل الفجر .. 4 قبل الظهر و2 بعده .. 2 بعد المغرب.. و2 بعد العشاء .. ودول لو حافظت عليهم لك ثواب قصر في الجنة كل يوم ! تخيّل ؟ .. ويُفضّل إنك تصلّي السّنن البعدية في البيت لحديث النبي صلى الله عليه وسلم :*
*( صلاة الرجل تطوعا حيث لا يراه الناس تعدل صلاته على أعين الناس خمسا وعشرين) صححه الألباني .. ولو مش هتعرف أو هتنسى ، يبقى تصلّيها في الجامع ..*

*9️⃣ السنن غير الرواتب تشمل 4 بعد الظهر بدل 2 .. و 4 قبل العصر .. و2 قبل المغرب .. و2 قبل العشاء .. حاول تدرّب نفسك على إنك تصلّيهم وتاخد ثوابهم ..*

*🔟 لو قدرت تغتسل بين المغرب والعشاء ، هيفوّقك ويخلّيك رايح تصلّي بنشاط وحيوية .. وحاول تجدد وضوءك كل شوية هتحس بانتعاش وراحة ، ده غير ثواب الوضوء العظيم جداً اللي هتاخده كل مرة ..*

*1️⃣1️⃣ خلّيك فاكر إنك رايح المسجد تصلي التراويح مش رايح تقعد على القهوة !  يعني تركّز في صلاتك وتحترم آداب المسجد ، وبلاش الاستراحة بين الركعات تقضيها دردشة مع أصحابك !!!*
*👈وبلاش تخرج من خشوع الصلاة كل شوية و تقضيها مشاريب بين كل ركعتين شوية شاي وشوية قهوة وعصير وتمر هندي ، إلا لو محتاجها فعلاً علشان تنشط !!*

⤵️⤵️
  *2️⃣1⃣ بعد ما تخلص تراويح متلتفتش لحد ، تاخد بعضك وعلى البيت جري ، بلاش كلام أو وقفات مع حد لأنه هيعطلك جامد ، وبلاش سهر علشان تعرف تنام كويس وتعرف تقوم الليل وتصلّي الفجر وإنت فايق ..*

*3️⃣1⃣ لو مش لك نفس تتسحر ، اتسحر ولو على شربة ميه .. متفوتش ثواب السحور العظيم.. قال النبي صلى الله عليه وسلم : ( السحور أكله بركة، فلا تدعوه، ولو أن يجرع أحدكم جرعة من ماء، فإن الله عزّ وجلّ وملائكته يصلون على المتسحرين ) صححه الألباني..* 

*4️⃣ 1⃣الإحسان للناس له طعمٌ تاني في شهر رمضان ، فدوّر على الفقراء، وابحث عن الأرامل، والمساكين، واليتامى، وحاول تسعى في سد حاجتهم، واعانتهم طول الشهر ..*

*5️⃣ 1⃣لو إنت من هواة التليفزيون ومش هتقدر تمنعه تماماً في رمضان .. فالأفضل إنك تعمل خطة إنك تتفرج على حاجة مفيدة في وقت محدد .. وعلشان الإعلانات هتاكل من وقتك ، ممكن تفكّر في بدايل تانيه زي إنك تنزل الحلقات من على الانترنت أو تتفرج عليها على اليوتيوب..*

نكمل  الحلقة القادمة بإذن الله..
🌟🌟🌟🌟🌟
#هل_يفعلها
#حياتي_دعوة