هل يفعلها ؟!

17

🍥((هل يفعلها ؟))أقوى سلسلة للاستعداد لرمضان🌙

🎁كيف تعيش رمضان بحق..!!!!.. 🎁

🎯الحلقه 17 🎯😊

💪الخطة 4/4/2.. اعظم خطة لاستغلال شهر رمضان 💪

👌#  ثبت بالتجربة إن اللعب العشوائي نادراً ما بيجيب اجوان ! والكرات الطويلة غالباً من نصيب المدافعين .. وعلشان كده الأندية بتجيب مدربين أجانب وتدفع لهم فلوس قد كده ، علشان يعملوا خطة لعب صح ، يقدر الفريق من خلالها يعمل هجمة منظمة ويجيب أجوان ، وفي نفس الوقت يعرف يدافع صح ويحمي مرماه فيتحقق الفوز ... وإلا من غير خطة هيبقى الماتش كله فوضى وتهريج ..

🔅وإحنا بإذن الله لازم نكون مجهزين خطة صح لرمضان، لأن اللي هينزل رمضان من غير خطة هيلاقي نفسه تايه ! وهيعدّي عليه نص رمضان وهو لسّه بيقول أعمل إيه ..؟؟!

🔅وإن شاء الله في رمضان هنحاول نفذ خطة 4/4/2 ، والهدف منها إنها تساعدك في تنظيم اليوم وتسهيل تحضير جدول أعمال يومي والحفاظ على الوقت من الضياع ..

🔅إحنا عندنا اليوم 24 ساعة، هناخد منهم 6 ساعات نوم، لأن النوم أكتر من كده في رمضان يبقى خسارة ..
🔅وبجانب ساعات النوم هناخد 5 ساعات شغل للموظفين ، لأن مواعيد الشغل في رمضان بتبدأ من الساعة 9 ، وهنقول ساعتين كمان مواصلات ، ساعة رايح وساعة جاي .. ونص ساعة فطار ، ونص ساعة سحور .. يبقى كده استهلكنا من اليوم 14 ساعة تقريباً .. ويتبقى عندنا 10 ساعات ..

⏰العشر ساعات دول هنقسمهم : 4/4/2 ..
👈 4 ساعات بعد الفجر .. و4 ساعات بعد العصر .. وساعتين بعد العشاء ..

👈ومفيش أي حد هيقدر يقدم جدول تفصيلي ويفرضه على أي حد تاني ، لأن كل واحد مننا له ظروفه الشخصية والأسرية والاجتماعية اللي بتختلف عن التاني ، ولكن ممكن نقدم نظام استرشادي علشان نستغل به الوقت المُتاح بتاعنا ..

🌻أولاً : { 4 ساعات بعد الفجر "3ص:7ص"}

🕒"3ص:5.30ص"
🔅لو قولنا إن الفجر بيأذن حوالي الساعة 3 صباحاً ، فإنت المفروض تكون صاحي من قبلها طبعاً وتكون مجهز نفسك وتنزل قبل الأذان علشان تلحق غنيمة كل صلاة ..
🔅- بعد صلاة الفجر هتفضل قاعد في المسجد تقول أذكار الصباح وتذكر ربنا عموماً أو تقرأ ورد القرآن لحد الشروق وبعد شروق الشمس بربع ساعة أو 20 دقيقة ، هتصلّي ركعتين بنية ثواب حجة وعمرة تامة.

🕟🌤️"5.30ص:7ص"
وقت راحة ، حاول تاخد فيه قسط من النوم علشان تعرف تروح شغلك نشيط وتواصل يومك بعد كده ..

🕡"7ص:2ظ"
ده وقت مفتوح تروح فيه كليتك أو شغلك أو تذاكر .. كل واحد حسب ظروف حياته ..

🕑"2ظ:3.30ظ"
ده وقت راحة بعد ما ترجع من شغلك ، أو بعد ما تخلص مذاكرتك ، هتحاول تاخد فيه برده قسط من النوم وقت القيلولة .. وده هيفرق معاك بعد كده جامد ..