هل يفعلها ؟!

12

🍥((هل يفعلها ؟))أقوى سلسلة للاستعداد لرمضان🌙

💎🎁كيف تعيش رمضان بحق..!!!!.. 🎁

🎯الحلقه 12 🎯😊

📰المحرّك الرئيسي !

*🔅 لكن وإحنا بنستعد يا شباب، لازم نتيقن إن الاستعداد الحقيقي مستحيل هيكون بدون إرادة ، لأن الإرادة هي المُحرِّك الرئيسي للقيام بأي عمل.. وعلى قدر قوة الإرادة هتكون قوة الاستعداد ... و قوة الإرادة بتكون على قدر معرفتك بأهية وقيمة الشئ اللي إنت تريد الحصول عليه !*
• فمثلاً اللي بيستعد لامتحانات أولى ثانوي ، غير اللي بيستعد لتالتة ثانوي ،
غير اللي بيستعد لامتحانات دكتوراه !!
# واللي بيستعد لمباراة ودّية ، غير اللي بيستعد لنهائي بطولة !

*🌻ولو تأملنا ، هنلاقي فعلاً إن أكتر حاجة بتخلّي الإنسان زاهد في الشئ اللي معاه ، هي :عدم معرفة قيمة الشئ وعدم إدراك أهميته !*

*🌻 يعني لو واحد لقى جنيه دهب على الأرض ، ولكنه مش عارف يعني إيه دهب ، هيسيبه ويمشي ولا هيبص له !! إنما اللي عارف يعني إيه دهب بجد ، هيجري عليه بكل قوته علشان يلحقه قبل أي حد تاني ! ولذلك قالوا :*
*👌" من عرف قدر الجزاء ، صبر على طول العناء "*
*👌" ومن عرف حلاوة الأجر ، هان عليه مرارة الصبر"*
*👌"ومن عرف قيمة ما يطلب ، هان عليه جميع ما يبذل"*
*👈وعلشان كده الناس لما عرفت قيمة العربيات والعمارات والشاليهات ، هان عليها التعب والشغل 24 ساعة والصبر على جمع الفلوس من أجل الحصول عليها !!*

*👈 وإنت كمان لازم تقرأ وتسمع عن فضل رمضان وثوابه ومكاسبه وأرابحه وجوايزه اللي محدش يتخيلها ، علشان تعرف قيمته وأهميته ..*

📚 حمّل واسمع مقاطع تشوّقك لرمضان ..عايزين قلوبنا تلتهب من حرارة الشوق لرمضان ..

*📚 اقرأ واسمع دروس ومقاطع عن فضائل رمضان وصيامه وقيامه، فضائل قراءة القرآن، فضائل الليالي العشر الأخيرة ، فضائل ليلة القدر، وتدبّر ما ورد فيها من الآيات والأحاديث .. معرفة الفضائل دي هتديلك حافز رهييييييب على اغتنام الفضل ده وعدم تضييع شيء منه..*

*👈مش معقول واحد صايم وميعرفش حديث واحد عن فضل الصيام !!! ولو سألته يقولك الصيام ده حاجة حلوة وربنا أمرنا بها !! لازم تقرأ وتسمع وتعرف الفضائل علشان تستحضرها في نيّتك .. ده إنت لو عرفت الأحاديث اللي في فضل الصيام مش هتبطل صيام ! هتبقي مُستمتع بالجوع والعطش وإنت صايم !!!*

👌* اقرأ واسمع عن رمضان علشان تقوّي الإرادة جواك، وبالتالي يقوى استعدادك وتعلو همّتك بإذن الله ..

👌* الإرادة يا شباب من أهم عوامل التغيير والنجاح .. الإرادة يعني تكون من جواك عايز بجد .. لأن فيه فرق كبييير بين واحد عايز يتغير بجد ، وواحد عايز يتغير بس مش عايز !!
👈* إزااااااااااااااي ده ؟؟!
👈* ما هو لما تقول بلسانك أنا عايز أتغيّر ، بس فعلياً لسه قاعد في مكانك ومفيش خطوة واحدة أخدتها علشان تتغير، يبقى إنت كده بتضحك على نفسك ومش عايز تتغير و لا حاجة !!

👈* ولو تأملنا هنلاقي إن القرآن الكريم أبرز نقطة الإرادة دي بشكل واضح وصريح، وهو بيخبرنا عن المنافقين اللي تخلَّفوا عن غزوة تبوك، وفَضح نواياهم، حيث قال الله تعالى : *﴿وَلَو أَرادُوا الخُروجَ لَأَعَدّوا لَهُ عُدَّةً وَلكِن كَرِهَ اللَّهُ انبِعاثَهُم فَثَبَّطَهُم وَقيلَ اقعُدوا مَعَ القاعِدينَ﴾.. [التوبة: ٤٦]..

👈* فالمشكلة مع المنافقين كانت مشكلة داخليّة في نفوسهم ، كان عندهم كل الامكانيات ، ولكن كان يَنْقصهم أهم شيءٌ اللي هو الإرادة ، كانوا من جواهم مش عايزين !! فعوقبوا بحرمانهم من الخروج مع النبي * في الغزو وهو أَعظم حرمان !

👌*وفي الجانب الآخَر كان فيه صحابة هيموتوا ونفسهم يخرجوا مع النبي صلى الله عليه وسلم ولكن مكانش عندهم مُؤنة الخروج ، وراحوا للنبي صلى الله عليه وسلم يقولوا له: (احْمِلنا) ، يعني شوفلنا أي حاجة نركبها ونبقى معاك ، فقال النبي صلى الله عليه وسلم : (والله لا أجِدُ ما أحمِلُكم عليه)..
فانصرفوا وهم بيبكوا بحرقة زي ما ربنا وصفهم وقال :
{وَلا عَلَى الَّذِينَ إِذَا مَا أَتَوْكَ لِتَحْمِلَهُمْ قُلْتَ لا أَجِدُ مَا أَحْمِلُكُمْ عَلَيْهِ تَوَلَّوْا وَأَعْيُنُهُمْ تَفِيضُ مِنَ الدَّمْعِ حَزَنًا أَلا يَجِدُوا مَا يُنْفِقُونَ} °[التوبة: 92]

🌻* ولما ربنا * علِمَ منهم صِدْق إرادتهم، وحقيقة عزمهم، كان أجرهم وثوابهم مُساوي لأجر مَن خرج وغَزا وتحمَّل كل التعب والمشقة ، و النبي * قال في حقّهم: (لقد تركتم في المدينة أقوامًا، ما أنفقتم من نفقة، ولا قطعتم واديًا، ولا نِلْتم من عدوٍّ نيلاً إلاَّ وقد شاركوكم في الأجر)، قال الصحابة: (وهم بالمدينة؟!)  قال النبي * : (نعَم، حبَسَهم العُذْر) !

🌻* شوفتوا يا شباب ؟؟؟؟
الواحد لا يجد تعبير أبلغ من إنه يقول: صدَقوا الله فصدَقَهم الله..

⤵️ يتبع ⤵️
👌فعايزين إرادة من حديد يا جماعة .. عايزين نستعد بكل قوتنا من دلوقتي     علشان ربنا يرى في قلوبنا الخير .. يرى إننا مشتاقين بجد للطاعة والعبادة والقرب منه سبحانه .. فيهدي قلوبنا وينورها بنور الإيمان ، ويحبب إلينا الطاعة ، حتى لو صعبة علينا وفيها مشقة .. ويكره إلينا المعصية ، حتى لو بنحبها وقلوبنا متعلقة بيها ..

🔅* قال الله تعالى : إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخِذَ مِنكُمْ وَيَغْفِرْ لَكُمْ
  الأنفال:70

🔅* ومن أهم فوائد الاستعداد لرمضان اللي لازم ناخد بالنا منها ، هي العبادة في شهر شعبان ، شهر شعبان اللي النبي * أخبر إنه فيه رفع الأعمال بتاع السنة اللي فاتت كلها إلى الله ..

🔅* فرصة بقى تتوب علشان يترفع عنك فيه تقرير مشرف منوّر بالتوبة والأعمال الصالحة ..

🌻* تخيّل بقى لو اجتهدت في شعبان وربنا لما يطلع علي صحيفتك يجدها مليئة بالبكاء والدعاء والخشوع والصلاة والصيام والذكر والاعمال الصالحة، فيحبك ويقرّبك وينظر إليك نظرة رضا تصلح بعدها دنيتك وآخرتك ..

نكمل  الحلقة القادمة بإذن الله..
🌟🌟🌟🌟🌟
#هل_يفعلها
#حياتي_دعوة