هل يفعلها ؟!

10

🍥((هل يفعلها ؟)) 🍥✴️أقوى سلسلة للاستعداد لرمضان ✴️

💎🎁كيف تعيش رمضان بحق..!!!!.. 🎁

🌟🎯الحلقه 11 🎯😊

😔شد عضلي !.. Cramp !

💪* أي لاعب بيبقى خايف جداً من إصابات الملاعب ، وده لأنها ممكن تبعده عن الماتش وتتسبب في خسارة فريقه ، وخسارته هو كمان لمستواه.. والإصابة يا شباب لما تكون في أي ماتش عادي مش هتبقى مشكلة كبيرة ، إنما لما تكون في مباراة مهمة ومصيرية زي نهائي بطولة بتبقى كارثة !! لأن ده أكتر وقت هتكون فيه محتاج تبقى في أعلى مستوى و لياقة بدنية ..!

👈وأشهر إصابة بتييجي للناس كلها في شهر رمضان ومفيش حد فينا تقريبا مش بيشتكي منها في كل رمضان ، هي "الشد العضلي في رمضان" !!!!
وده سببه الرئيسي طبعاً اللي كلنا عارفينه وحافظينه هو :
* عدم التسخين والإحماء الجيد قبل رمضان !!!

👌* يعني إيه؟ يعني لازم تستعد كويس أوي من قبل الماتش ، لازم تدريب كويس أوي .. تدريب متواصل .. لازم تمارين يومياً في مواعيد محددة .. وقبل ما تنزل الملعب لازم تجري كام لفة حوالين التراك .. لازم تمشّي الكورة مع زمايلك .. وإلا هيجيلك شد عضلي مليون % !!!

👌* محتاجين نسخّن ونستعد قبل رمضان كويس أوي

👈* ده إحنا لو أي حد فينا عايز يعمل مشروع تجاري ، لازم يجهّز ويعدّ العدّة ، ويعمل دراسة جدوى وموازنة تفصيلية ، ويحسب كل صغيرة وكبيرة بالورقة والقلم ، ويسأل ويستشير 100 واحد متخصص ، ويقرأ ويدرس علشان يجهز صح ويبدأ صح ، وبالتالي ينجح في مشروعه ويجني الربح والمكسب من وراه .. وكل ده ممكن ياخد منه شهور بل سنين .. بس علشان هو عنده إرادة بجد فلا يَكلّ ولا يَملّ .. علشان هو حاطط الأرباح والمكاسب قصاد عينيه بيركّز ويوجّه كل طاقته لتحقيق أهدافه ..

👈* فهل رمضان بالنسبة لنا أقل من أصغر مشروع تجاري علشان نقصّر في الاستعداد له بالشكل اللي كلنا شايفينه؟

🔅• ده مفيش طالب عنده إمتحان ، إلا وبيقعد على الكتاب من قبلها بشهر واتنين ، بل الناس بتستعد وبتاخد دروس وكورسات وتشتري الملازم وكتب المراجعة النهائية من شهر 7 !! من قبلها بسنة !! كل ده ليه ؟؟ لأن كل واحد عايز يتفوق ، كل واحد عايز يكون من الأوائل ، كل واحد عايز يدخل الكلية اللي بيحلم بيها !!!!

🔅* أما اللي بيذاكر ليلة الامتحان فده واحد مش فارقه معاه أصلاً !! ولا يعرف يعني إيه امتحان ؟!! أو واحد عايز ينجح بالعافية وممكن ميعرفش حتى ينجح !!!

💪* فعايزين زي ما بنستعد لكل حاجة في الدنيا ..
نستعد برده للآخرة .. نهتم شوية بقى بآخرتنا ..

🌟* رمضان يا شباب 30 يوم مش 30 دقيقة !!
يعني محتاج واحد يكون متدرّب كويس أوي علشان يقدر يواصل و يكمّل الـ 30 يوم بنفس المستوى !

🌟* رمضان في وقتنا ده الليل فيه قصير والنهار طويل ، يعني عايز لياقة إيمانية عالية جداً,علشان تقدر تستثمر الليل مع قلة نومك وتستثمر النهار مع طول الصيام

💪* فلازم على الأقل بداية من شهر رجب نبدأ نجهز نفسنا ونرتب أمورنا ونظبط جدول ونظام للطاعة والعبادة نمشي عليه ونزود فيه مرة ورا مرة لحد ما نوصل للمستوى اللي بنحلم بيه في رمضان ..
لحد ما نوصل للّلياقة البدينة المثالية اللي تخلينا بفضل الله وحده نكمل رمضان بنفس الهمة والنشاط في العبادة ..

👌* لحد ما توصل للكفاءة القلبية والشحن الإيماني اللي يخلّيك تعيش مع حلاوة ولذة الطاعة في كل ثانية في رمضان ، وميخلّيش قلبك يفصل في أول ركعة في التراويح أو بعد يا دوب 5 دقايق بتقراهم في المصحف .

👌* نبدأ من دلوقتي علشان نتعود على العبادة ومحدش فينا يُفاجأ إنه ومن أول ليلة كل تركيزه راح في تعب رجليه ، فيضيع الخشوع ، فيندم ساعتها ويقول:
(يا ريتنى اتعودت على القيام قبل رمضان) !!

🌟* فـ متقولش هتغيّر في رمضان وهتوب في رمضان وهصلّي التراويح والقيام وهكسّر الدنيا !! صدّقني مش هتعرّف تعمل أي حاجة طول ما إنت قبل رمضان زي ما إنت !!
👈مش هتلاقى نفسك في رمضان طاير فى الهوا ورايح على المسجد فى كل صلاة وتلاقى نفسك بتصلّى !!! مش هتلاقى حاجة تقف قدامك عينك وتمنعك من إنك تنظرة حرام ! مش هتلاقى حد قبل المعصية أو الغلط بيشدّك ويفضل يبعدك عنها !

🌟اللي مش قادر يقرأ دلوقتي نص ساعة قرآن ، إزاي هيقدر يقرأ قرآن 30 يوم **
* يا جماعة لازم نفوق ..خلينا صادقين مع أنفسنا ولو مرة واحدة !!

👈* رمضان مش مصباح علاء الدين .. ماتفتكرش إنك أول ما يدخل رمضان هتقضيها صيام وقيام وعينك هتنهمر من الدموع .. ده وهم في خيالك .. لازم إنت اللي من دلوقتي تبدأ تتوب وتتغير وتصلّح قلبك وتحافظ على الصلاة وتبعد عن المعاصي وتصوم وتقوم وتفتح المصحف .. لازم تستعد وتسعى وتجتهد وتستعين بالله.

👈* اللي مش هيستعد لرمضان هيندم في كل يوم في رمضان ، بل مع كل طاعة بيعملها !! هيندم لما يلاقي قلبه حجر وهو عمال يعصر فيه وبرده مفيش أي حاجة بتأثر فيه ، ويلاقي نفسه مش قادر يمسك المصحف ولا عارف ينزل دمعة واحدة في الصلاة ولا حاسس بطعم أي حاجة في رمضان !
🌟🌟🌟
#هل_يفعلها