🍥((هل يفعلها ؟)) أقوى سلسلة للاستعداد لرمضان 🔊
🎯 الحلقه الخامسه 🎯😊
*✅*رمضان فرصة عُمرك لجمع أكبر عدد من الحسنات..*
🌀* العلماء قالوا إن الحسنات بتُضاعف في رمضان .. الحسنات بتُضاعف بسبب شرف الزمان وفضله ، مُضاعفة بـ "الكَّم والكَيْف" ،😊 بـ الكَّم يعني بالعدد ، يعني العمل بيُضاعف أضعاف لا يعلمها إلا الله .. وبـ الكَيْف يعني ثواب العمل يبقى أعظم وأكبر عند الله عز وجل .
*🌻 رمضان فرصة عُمرك.. علشان ترتقي في درجات الجنة ..*
🌸 فرصة يرتفع مقامك ومنزلتك وتبقى من أهل الفردوس الأعلى بجوار حبيبك النبي ..
كما ورد في الحديث الصحيح إن اتنين من الصحابة أسلموا مع بعض ، واحد فيهم مات شهيد ، والتاني مات بعده موتة عادية ، فرُؤي في المنام إن التاني دخل الجنة قبل الشهيد ، فالصحابة اتعجبوا وسألوا النبي * عن الموضوع ده ..!!
*🍃 فالنبي قال لهم : من أي ذك تعجبون ؟؟!!!! أليس قد مكث هذا بعده سنة ؟؟ قالوا بلى ، قال : وأدرك رمضان فصام وصلّى كذا وكذا من سجدة في السنة ؟؟ قالوا بلى ، فقال رسول الله: "فما بينهما أبعد مما بين السماء والأرض"*
✅ سبحان الله !! الفرق ما بين منزلتهم في الجنة أبعد مما بين السماء والأرض !!
🍃 * عارف يعني إيه سما وأرض ؟؟!!!
مع إن الرجل التاني لا حارب ولا استشهد زي صاحبه !!
ولكن النبي صلى الله عليه وسلم قال: إنه أدرك رمضان واجتهد فيه !!
*🌻رمضان مش فرصة للفوز في الآخرة وبس .. رمضان فرصة عظيمة لعلاج كتير من مشاكل حياتك ..*
*🌻رمضان فرصة لتغيير روتين حياتك.*
🔆 فرصة للايجابية وترك الكسل والنوم نص اليوم .. 🔆فرصة تظبط وزنك ونظام أكلك ..
🔆 فرصة تبطل عادات سيئة في حياتك زي التدخين أو العصبية أو تضييع الوقت على النت .. وغيرها ..
*✅ احسبها صح بقى من دلوقتي ..*
علشان تعرف إنت هتربح قد إيه لو استغليت الفرص دي ،وهتخسر قد إيه لو راحت عليك !!
*🌻رمضان تذكرة قوية .. بتذكّرك وتقولّك : كفاااااااية بقى !!*
👈* كفاية ظلم لنفسك !!
نفسك مش جسد وبس !!
فيه حاجات تانية في حياتك غير الأكل والشرب والترفيه !! فيه روح محتاجة ترتوي وتاخد زادها بالقرب من الله !
*👈* رمضان بيعرّفك إن الطاعة مش مجرد عادة أو فريضة ؛ بل هي غذاء الروح اللي مش ممكن تعيش بدونه !
*👈رمضان يا شباب يعني شهر التغيير ..*
🔖 يعني الجنة أبوابها كلها متفتحة ..
🔖 يعني النار أبوابها كلها متقفلة ..
🔖يعني الشياطين مُقيّدة ..
🔖الملائكة في كل مكان ومالية أرجاء الدنيا ..
🌸المُنادي بينادي يا باغي الخير أقبل .. ويا باغي الشر أقصر ..
🌸في كل يوم وليلة عتقاء من النار ..
🌸 أبواب السماء مفتوحة والدعاء مستجاب ..
🌸أبواب الرحمة مفتوحة والمغفرة موجودة ودموع الندم قريبة والتوبة مقبولة بإذن الله ..
👈 👆عايز إيه أكتر من كده تاني ؟؟؟
*🌻رمضان يعني الجو كله طاعة حواليك..*
🔆 المساجد مليانة ، القرآن في إيد الكل ، موائد الافطار في كل مكان ، شنط رمضان والصدقات وعمل الخير مبيتوقفش .. !
*👌علشان كده تحس إن نهار رمضان نهار تاني مش زي أي نهار .. ليل رمضان ليل تاني ..هوا رمضان هوا تاني .. المساجد في رمضان حاجة تانية .. الكون كله في رمضان حاجة تانية ... رمضان إحساس تاني .. معنى تاني .. عيشة تانية .. حياة تانية خالص ...*
🌸🌸🌸🌸🌸
#هل_يغعلها
أنت تقرأ
هل يفعلها ؟!
Spiritual* يا ترى يا شباب لو كل واحد فينا حاول يرجع بالذاكرة شويتين ويتأمل في حياته ويشوف كام فرصة كبيرة وسهلة قابلته .. وكانت فرصة واحدة منها كفيلة إنها تغير مسار حياته كلها و تنقله نقلة نوعية للأفضل ، ولكن للأسف الشديد ضيّعها من إيديه بكل كسل واستهتار ولا...
