هل يفعلها ؟!

20

💎🎁كيف تعيش رمضان بحق..!!!!.. 🎁

🎯الحلقه 20  🎯😊

⛔كارت أحمر !.. Red Card !( الجزء الأول )⛔

👈كارت أحمر = طرد ! يعني أشد عقوبة في المباراة ! يعني فيه جريمة شنيعة إنت ارتكبتها عمداً.. ومستحيل الجريمة دي تعدي بدون عقوبة رادعة علشان تكون عبرة للغير ..!!!

👈وفي شهر رمضان بقينا نشوف مصايب وكوارث وجرايم للأسف الشديد بقت منتشرة بين الناس ولازم ياخدو عليها كروت حمرا ! جرائم رمضان عقوبتها صعبة أوووي في الآخرة ، وده لأنها متعمدة مع سبق الاصرار والترصد !!!

📢ومن بعض أشكال الجرائم دي :
🚫الجريمة الأولى : الإفطار عمداً في نهار رمضان !!

ودي أخطر مصيبة وأكبر جريمة ترتكب في رمضان !!

👈تلاقي الشباب ماشي بالسيجارة في الشارع في عِزّ نهار رمضان وفرحان، ويقولك أصلي ضعيف قدام السيجارة !!!!
👈وشباب تاني قاعد على الكافيتريا في نهار رمضان بياكل أو بيشرب حاجة ساقعة ويقولك أصل الجو حرّ أوي !!!!!!

👈 أحد الشباب كان بيحكي وبيقول إن زميله في الشغل بيقوله إنه صام 8 أيام بس من رمضان والباقي فطرهم !!!

👈 وشاب تاني بيقول أنا مش هصوم السنة دي علشان الامتحانات !!!!!
إيه ده ؟!! معقول ؟! معقول وصلنا للمجاهرة بالشكل ده ؟! دي حاجة كارثة بجد !!! إنا لله وإنا إليه راجعون !!

👈 يا شباب ياللي بستهينوا بالموضوع ده وفاكرينه عادي ومكبّرين دماغكم ..
👈إنت عارف يعني إيه تفطر في نهار رمضان ؟!!
يعني إنت كده بتهدم ركن من الأركان الخمسة بتوع الاسلام !!!
👈 إنت كده بتدّمر جزء من دينك !!
👈 وعلشان إيه ؟؟!!! إيه اللي يستاهل في الدنيا دي كلها إنك تضيع خُمس دينك وتغضب ربك وتفرّط في ثواب الصيام اللي إنت أحوج ما يكون إليه ؟؟؟!

🌻الموضوع مش هيّن أبداً، الموضوع خطير بجد !

🌻 تعالوا نشوف الوعيد والعذاب اللي ربنا أعدّه للي بيفطر عمداً في نهار رمضان !
  -  عن أبي امامة * قال: سعمت رسول الله * يقول :
[ بَيْنَما أَنَا نَائِمٌ إِذْ أَتَانِي رَجُلانِ، فَأَخَذَا بِضَبْعَيَّ، فَأَتَيَا بِي جَبَلا وَعْرًا، فَقَالا: اصْعَدْ ، فَقُلْتُ: إِنِّي لا أُطِيقُهُ ، فَقَالا: إِنَّا سَنُسَهِّلُهُ لَكَ ، فَصَعِدْتُ حَتَّى إِذَا كُنْتُ فِي سَوَاءِ الْجَبَلِ إِذَا بِأَصْوَاتٍ شَدِيدَةٍ،قُلْتُ: مَا هَذِهِ الأَصْوَاتُ؟ قَالُوا: هَذَا عُوَاءُ أَهْلِ النَّارِ ثُمَّ انْطَلَقَا بِي، فَإِذَا أَنَا بِقَوْمٍ مُعَلَّقِينَ بِعَرَاقِيبِهِمْ، مُشَقَّقَةٍ أَشْدَاقُهُمْ، تَسِيلُ أَشْدَاقُهُمْ دَمًا، قُلْتُ: مَنْ هَؤُلاءِ؟ ، قَالَ: هَؤُلاءِ الَّذِينَ يُفْطِرُونَ قَبْلَ تَحِلَّةِ صَوْمِهِم ]
صححه الألباني

👈"قبل تحلة صومهم" : أي يُفطرون قبل وقت الإفطار.
📑 الحديث ده دليل على عظم ذنب من أفطر في نهار رمضان عمداً من غير عذر ، 👈 ربنا سبحانه وتعالى جعل النبي صلى الله عليه وسلم يرى عذاب المُفطرين بدون عذر قبل وقت إفطارهم ، فرآهم النبي * في صورة من أقبح الصور وهيئة من أبشع الهيئات !!

🔅 النبي صلى الله عليه وسلم شافهم معلقين بعراقيبهم كما يُعلق الجزار ذبيحته في نار جهنم ، رجليهم لفوق وراسهم لتحت !! وقد شُقـَّت أشداقهم ، والدم عمّال ينزف منها ..!!!

👈 دي عقوبة اللي صام بس أفطر قبل معاد الافطار!
ما بالكم بعقوبة اللي مش بيصوم أصلاً ؟؟؟!!!

👈يا شباب ويا بنات .. لازم تعرفوا إن الفطر في رمضان من غير عذر هو :
كبيرة من كبائر الذنوب وذنب عظيم جداً !

▫️ قال الإمام الذهبي رحمة الله في كتابه الكبائر :
[ الكبيرة العاشرة : إفطار رمضان بلا عذر ولا رُخصة  ]

▫️وقال أيضاً :
[ وعند المؤمنين مُقرر أن من ترك صوم رمضان من غير عذر ، أنه شرّ من الزاني ومدمن الخمر ، بل يَشُكّون في إسلامه، ويظنّون به الزندقة والانحلال !! ]

👈الواحد بيستعجب والله لما يلاقي الناس اللي عمرهم 70 و80 سنة وعندهم الكبد والكلى والسرطان ، ورغم كل ده بيصوموا .. وشبابنا اللي زي الورد وصحّتهم ما شاء الله زي الفل بيفطروا !!! الواحد مش عارف يقول إيه والله !!!!!!

🔊شاب هيقول :
طيب أنا بجد مكنتش أعرف إن الموضوع خطير كده !!   أعمل إيه دلوقتي؟ وأكفَّر عن ذنبي ده إزاااااي ؟؟؟!

📢هقولك :
أولاً : تتوب توبة نصوح لله تعالى ، وتندم على اللي إنت عملته ده ندم شديد من قلبك ، ندم بجد .. وتنوي إنك بإذن الله مش هتعمل كده تاني أبداً .. وتكثر من الأعمال الصالحة والاستغفار على قد ما تقدر ..

ثانياً : بعد انتهاء رمضان ، عليك بقضاء صيام الأيام اللي أفطرتها كلها ..وربنا يعفو عنا وعنك ويهدينا جميعاً لما يحبه ويرضاه ..

نكمل الحلقة القادمة بإذن الله تعالى..
🔅🔅🔅🔅🔅🔅
#هل_يفعلها
#حياتي_دعوة