Our Miracle (Completed)

Chapter - 6

(Unicode)

လက်ရှိသုံးနေတဲ့ဖုန်းကို ပြန်ရသွားပြီးကတည်းက ဂျောင်ကုလည်း သူ့ရဲ့အခြေအနေကို ပြန်လက်ခံနိုင်သွားခဲ့လေပြီ...။ ဖုန်းထဲက အကြောင်းအရာတွေက သူ့မေ့လျော့နေတဲ့မှတ်ဉာဏ်တွေရဲ့ တစ်စိတ်တစ်ပိုင်းပင်...။

အခုဆိုရင် သူလက်ရှိသုံးနေတဲ့ IG acc ဖြင့် အွန်ဝူးကိုရော ဂျီမင်းကိုရော friend request ပို့ပစ်လိုက်တယ်...။ သူတို့ကလည်း ချက်ချင်းလက်ခံပေးတာကြောင့် ဂျောင်ကုရဲ့လက်ရှိပုံစံကို အများကြီးသိရှိသွားကြလေပြီ...။ အွန်ဝူးဆိုရင် ဂျောင်ကုလက်ထပ်ပွဲတုန်းက ဓာတ်ပုံတွေကိုကြည့်ပြီး အားရကျေနပ်နေခဲ့တာလေ...။

ထိုဓာတ်ပုံတွေထဲမှာ ဂျောင်ကုက အရမ်းကိုပျော်နေတာသိသာတယ်လေ...။ pre wedding ဓာတ်ပုံတွေဆိုလည်း outfit အမျိုးမျိုးနဲ့ တင်ထားခဲ့တာ...။ မဂ်လာဆောင်ဓာတ်ပုံတွေမှာဆိုလည်း ၂ယောက်လုံးက အပြုံးတွေကိုယ်စီနဲ့...။ ဒါတင်မကသေး ဟန်းနီးမွန်းထွက်တဲ့ပုံရိပ်တွေမှာလည်း ဆော့ဂျင်ကိုဘယ်လောက်ချစ်ကြောင်း ကြူးထားလိုက်တာများ ကိုယ့်ကိုကိုယ်တောင် အံ့ဩရတယ်...။

မှတ်ဉာဏ်တွေပြန်ရဖို့အတွက် အမြန်လုပ်ယူလို့မရတာကြောင့် ဂျောင်ကုမှာလည်း ဓာတ်ပုံတွေကိုသာ ဒီတိုင်းကြည့်နေရတယ်...။ အများကြီးစဉ်းစားနေရင် ခေါင်းကိုက်မှာစိုးတာကြောင့် ဆော့ဂျင်ကလည်း အရင်ကအကြောင်းတွေကို များများစားစားပြောမပြပေ...။

j.m : မင်းရဲ့ယောက်ျားက အရမ်းချောတာပဲ

thv : ကိုယ့်လောက်ချောလို့လားကွာ

ရှေ့ဆင့်နောက်ဆင့်ရောက်လာတဲ့ ဂျီမင်းနဲ့ထယ်ယောင်းရဲ့ ကွန်မန့်တွေကြောင့် ဂျောင်ကုအသံထွက်ကာ ရယ်မောမိတယ်...။ ထယ်ယောင်းက ဘယ်တော့မဆို ဂျီမင်းကိုအလွတ်မပေးတတ်ကြောင်း ဂျီမင်းပြောပြလို့ သိထားပြီးသားပါ...။ တော်သေးတာက ဂျောင်ကုလည်းအရင်က ဂျီမင်းကိုသဘောကျဖူးကြောင်း သူ,မသိသေးတာပင်...။ ထယ်ယောင်းလက်သံပြောင်တာကို တစ်ခါခံဖူးလို့ ဂျောင်ကုသိပြီးသားပင်...။

jk97 : @thv မင်းချောတာ ငါ့ယောက်ျားကိုမမှီပါဘူးကွာ။ အမှန်တရားကိုလက်ခံလိုက်။