『Unicode』
ယမန်နေ့ညက ကျန်းလျိုရှန်းဟာ စန္ဒယားအား တစ်စုံတစ်ယောက်က လာပို့မည်ဟုပြောခဲ့သော်လည်း ရှရှီးအိုက်မှာ ဤမျှမြန်နေမည်ဟု ထင်မထားမိပေ။သူ မနက်ခင်းစောစော၌ နိုးလာသောအခါ သူ့ခေါင်းအုံးဘေးမှာ မည်သူမှ မရှိတော့ပေ။ သူအိပ်ချင်မူးတူးမျက်လုံးတွေဖြင့် အိပ်ရာမှထွက်၍ တိုက်ခန်တခွင် လျှောက်ပတ်ကြည့်လိုက်ရာ တစ်ဖက်လူကို အခန်းလွတ်တစ်ခုမှာ တွေ့လိုက်ရသည်။
ကျန်းလျိုရှန်းက ကော်ဖီတစ်ခွက်ကိုင်လျက် အသစ်ကျပ်ချွတ်ရွှေ့ပြောင်းထားသော စန္ဒယားကို မှီရင်း အသံစစ်ကြည့်နေ၏။ သူက အိမ်နေရင်းအဝတ်အစားတွေကို ကြယ်သီးတချို့ဖြုတ်လျက်ဝတ်ဆင်ထားပြီး ဆံပင်စတိုင်မှာလည်းပွရောင်းရောင်းရှိနေသည်။ တခြားသူများအတွက်မူ ဖိုသီဖတ်သီနိုင်မည်ဖြစ်သည့်တိုင် သူ့အတွက်ကတော့ ပျင်းရိပျင်းတွဲနှင့် စိတ်ဆန္ဒပါသောလေသံပင်။
" နိူးပြီလား ? လာ တီးကြည့်။ " ကျန်းလျိုရှန်းက သူ့ကို နှုတ်ခွန်းဆက်လာ၏။
ရှရှီးအိုက်က ကျယ်ဝန်းလှသော အခန်းလွတ်ကြီးကို ခေါင်းရှုပ်စွာ လှည့်ပတ်ကြည့်လိုက်သည် : " ဒါက ဘာအတွက် သုံးတာလဲ ? " ကျန်းလျိုရှန်း၏ တိုက်ခန်းမှာ ဤမျှလွတ်နေသည့် အခန်းကြီးရှိမှန်း သူ မသိခဲ့ရိုးအမှန်။
" ကိုယ့်gymပါ။ ပစ္စည်းကိရိယာတွေအကုန် လူခေါ်ရွှေ့ခိုင်းပြီး မင်းအတွက် စန္ဒယားဆင်ပေးဖို့ အခန်းလုပ်လိုက်တာ။ "
" ဒါဆို....ခင်ဗျား ပစ္စည်းတွေကရော ? "
ကျန်းလျိုရှန်းက အလေးအနက်မယူပါ : " အောက်ထပ်ထားလိုက်တယ်။ "
"...... အောက်ထပ် ? "
" ဟုတ်တယ်။ အောက်ထပ်ကလဲ ကိုယ့်တိုက်ခန်းပဲ။ ကိုယ်မင်းကို ပြောမပြခဲ့ဘူးလား ? "
ရှရှီးအိုက်မှာ သူ အိပ်ပျော်ထားမိ၍ အကြားအာရုံ ထင်ယောင်ထင်မှားဖြစ်နေသည်ဟု သင်္ကာမကင်းဖြစ်မိ၏။
ကျန်းလျိုရှန်း၏ နေအိမ်တည်ရှိရာ အဆောက်အအုံအကွက် A သည် ၆၀၀စတုရန်းမီတာ သာရှိပြီး၊ တစ်စတုရန်းမီတာလျှင် ယွမ် ၂၅၀,၀၀၀ ဖြစ်သည်။တစ်ခန်း ဝယ်ရုံဖြင့်ပင် သူ့ကို ပြောစရာပျောက်အောင်လုပ်ဖို့လုံလောက်နေပြီဖြစ်သော်လည်း ယခု ကျန်းလျိုရှန်းက ယွမ်ငွေ သန်း ၁၀၀ကျော်တန်ဖိုးရှိသော အိမ်နှစ်အိမ်ရှိကြောင်း ပြောခဲ့လေသည် ?
VOUS LISEZ
သီးသန့်အချစ် || ဘာသာပြန် ||『 Completed』
Roman d'amour" ကိုယ့်မိသားစုက ကိုယ့်ကို အဲ့လိုအကြိမ်ပေါင်းများစွာ ပြောခဲ့ပေမယ့် ကိုယ်က အပြစ်ရှိစိတ်နဲ့နောင်တတွေကို ခံစားရတုန်းပဲ။ အဲ့ဒါက--- မင်းနဲ့ မတွေ့ခင်အထိ "
