نهاية الاستفزازية

عَمتي

ادرك ان حياتي فوضوية
فالعيش بشخصيتين يجعلني لا اعرف من اكون
تاراً اكون طفلةً تنخدع من الكل

وتاراً اكون لبوة تحاول تمزيق من حولها حتى من يمد لها يد العون
انا ادرك حقاً انه لا احد يبقى بقربي ليس بسببي بل جميعها اخطاء اخترتهم كي لا اظل وحيده
ادرك جيدا ان ذات يوم ساتركهم وكانهم محطه من حياتي توقفت وانزلت ركابها جميعا

لست حزينه ولست سعيدة فانا اعرف كيف اعيش يومي اشعر اني بدات ادعي كل اشكال الوجه كي اعيش مع الاخرين يظن الجميع اني حزينة بسبب الوحده ولا يعلمون اني اكثر بؤسا بوجودهم حولي

فعالم الوحده جميل وهادئ جدا يخلو من كذبهم
لا اعلم كيف هي حياتي من منظورهم لكن
لا يهمني اشعر ان جزء مني حقق الكثير جزء بعيد عني
وجزي الذي انه فيه يكتفي بالمشاهده فقط وكانني انتظر الthe end

... نورهان كريم
_________________

كعدت من النوم على خبصه

واشوف بيبي تحجي وتكول كعديهم حتى نهم نفسنه ونحضر غدانه خاف يوصلون من وقت

اني اساسا اكعدت مطايقه روحي بحيث احتاج نص ساعه صفنه يلا اصحصح

امي كامت تزن عليه حتى اكوم اغسل واجي اتريك

عموما كمت اجرجر بنفسي غسلت واني اكل صافنه على امي ومره عمو وبيبيتي شلون يرحن منا ويجن منا ويركضن منا عاد باوعت الاختي كتلها هو شكو منو راح يجينه وبيبي كايمه علينه من الصبح

اختي كالت راح تجي اليوم عمتي رانيا هي وعايلتها كلهم شلع قلع

بقيت صافنه واني اكول واوو اخيرا راح تشرف الاميرة رانيا اهلها

بقيت اضحك اني واختي وهي تكول خلي نخلص اكل ونكوم نظف بسرعه لا والقران بيبيتي تكسر العوده على راسنه بدال جناينها

بقينه نضحك وتالي صدك بيبي اجتي هدت علينه وهي تغلط وتصيح للضهاري نايمات مابيجن خير كمنه نركض حتى لكمتنه بحلكنه

انطتنه ست الحبايب اوامر اداريه شنو الي نظفه ونسوي همزين عطله جان هسه كعدت اغلط على الاميرة رانيا وجهالها

هنا تذكرت اني اخر مره شفتها يمكن جنت صف اول ضحكت واني اتذكر ابن عمتي مره اشتره وما انطاني ولزمته موته كتل واخذت منه الجبس مالته وراح يشكي الامه النازوكي لحضه نسيت اعرفكم على نفسي

اسمي مايا ادري اسمي غريب بس احبه مع الاسف عمري ١٦ هالسنه رابع اعدادي وااااخيرا راح ادخل الهلاعداديه الكشره