نهاية الاستفزازية

ميارج مو ميارها

متنا ضحك وحتى عمو علي احس هاللمة تغنيني الف مره عن الحب ما انكر انو الي عشته حلو ومحلو بس احس انو اكثر شي احتاجه او مفتقدته الامان وهذا الامان لو لاكيته من زمان يمكن ما احب ميار ابد امي جابت النه كيك وجاي بعدها نكلبت المواضيع من ضحك على واحد من كرايبنه منتحر شكد تحسست من الموضوع يعني مو انتقاص بس يعني ماكو شي يدفع الانسان يموت ويهدر الحياة الي انطاها اله ربه لو مهما چانت الظروف واعتقد هذا رئينه كلنه بس ميار جان اله رئي عكسنا

ميار : خالي مدام هو انتظر امه تروح وفرغ البيت هذا اساسا جان مأيس يمكن احسن له
علي : لا خالي شنو الي احسن له رايحة خطية امه منتهيه

هو الولد الله يرحمه الي افتهمتا انو مشتغل ولام فلوس وراها مشتري قطعة ارض وفترة وبايعها جايب سيارة باقيه السيارو تعطل كل فترة والولد توفى ابو فزايد الضغط من اخوانه المتزوجين وراها شايف احد وعلى اساس يعينه بالجيش بس رايد منه مبلغ رايح وبايع سيارته ومنطيهن الهذا الواحد الي مقشمره وماخذ الفلوس ومهزوم باقي بالبيت فترة ما طالع وراها بفترة شايف امه رايحة تقيس سكرها و الضغط يم الصيدلية مستغل البيت فارغ فضارب راسه بطلقة بحيث امه من جايه لاكية بس الدم وبطاله المي ماليه الغرفه

امه من الصدمه عبالك صاير بيها زهايمر بحيث من تسئل يكلولها راح للجيش وبعده ما نازل ما منطي اجازه لو مرات تكلهم شفته مساعه راح يعني شبه الزهايمر الله يرحمه الروح عزيزة وخاصة اذا نهدرت بهالطريقة تخلي الانسان يقشعر بدنه ميار اله رئي ثاني وجان واضح من نقاشه ويه بيبي وعمو الله اعلم بشنو ديفكر ما حبيت هيج مواضيع وحتى وسام الي جان مسوي جو سكت محجى ردت اكوم اشرلي ميار بعيونه وكلي

ميار : اكعدي وين شاردة
هو لو غبي لو يستغبي اصلا كدام الكل كالها والكل انتبه وهو يدري انتبهو بس مهتم اني يمكن اخر فترة صايرة غبيه مدري لان ما اختلط بيهم وكلشي يخص ميار اتحسس منه رغم عادي كلشي ويه وسام رجعت كعدت
ميار : خلصتي امتحانات مو
تفاجئت شو ديحجي وياي كدام الكل احسني ثوليت واحس الدم صعد الوجهي بحيث احس نار وكابه بيه
مايا : ايي اليوم اخر امتحان
ميار :ترحين باجر ويانه مو

مايا :مدري والله بس على الاكثر لا
علي :ليش عمو روحي ويه اخياتج غيري جو والله مدام هيج حتى اني اروح وياكم
ميار : غير تستقر المتوحده تره ملاحكه على غرفتج
سهى : مو هيج الحجي ميار
باوع السهى هو

ميار : حاجي شي جذب شنو عاجبج حالتها
وسام : والله لو شايفها البارحه لك اني كاعد بالمطبخ واسمع صوت دبج دبج وصوت ذبانه تزننننننننن
ميار : هههههه وسام بربك لا تكعد تصفط جذبك ما اصدكه
مايا : من جذبتك اصلا وين مدبجة اني بحال هالسوالف