نهاية الاستفزازية

اراء الشخصيات

[ميار ]

مر تقريبا اسبوع على عرس خالي فكري جان كلش محدود بخصوص مايا لان بكل بساطه مهتميت الشي ومردت اتعب نفسي بالتفكير بشي الشي الوحيد الي جان بعقلي

خلاص صارت الي وما افكر باي احد ثاني يمكن جانت بداية جانب الانانيةة بحياتي بس رغم هذا تقبلت هالجانب وحسيت اتمسك بيها اكثر كلما تمسكت هي بيه اكثر تعلقت اني اكثر بيها مهمني امي او خالي او وسام او اي احد بالدنيا كل الي اعرفه كلبي يريدها ومو من حق اي احد ياخذها مني

وصلت مرحلة اكول النفسي اذا منطوها اخذها واشرد بيها وطبهم مرض نارهم تاكل حطبهم امي طول هلاسبوع وكلما تشوفني اضحك او احجي ويه سمر او تشوفني مرتاحه تنغص عليه بحجايةة بس هم عادي مهتميت

رجعت مثل قبل اروح البيت جدي صح مو مثل قبل علاقتنه بس اروح بس حتى المحها من بعيد لاحظت بهاي الايام نضرات سهى النه اكثر يمكن داتشك بالوضع هم عادي جنت مفعل وضعيه العادي بعقلي بدون ما احسب حساب الاي شي

[مايا ]

كلشي جنت اتخيل بس انو ميار بيوم يحبني ابد مجنت اتخيل جانت افكاري افكار مراهقات تضن نفسها تحب واحد مداري عنها شي تالي طلع يمكن يحبني اكثر مما احبه طول هلاسبوع ابتسامتي مجانت تختفي واحلامي الورديه وياه جانت غير حتى من بلش يجي البيتنه والمحه

جانت ابتسامتي متفاركني وعبالك امتلكت شي مو اي احد يمتلكه احس كانو هالشخص يتحكم بيه عن بعد بحيث شنو الي يكوله اسوي رغم ما ابينله اسوي واحاول شكد ما اكدر اغيضه احس هو يتلذذ بعنادي واني اتلذذ بغيرته وعصبيته

اسلوبنه كلش مختلف متناقضين اني وهو بشكل هو يمتلك صفه افتقدها اني واني امتلك شي يفتقده هو وكانو اطراف مغناطيسية تنجذب البعضها اكثر كلما قربناهم كلما جان يجينه وره ميروح تصير مشكله اني وسهى

اني احسه الي ما احب احد يحجي عليه كدامي وسهى كل ضنها ديجي علمودها واحلامها الورديه اضرب من احلامي وهالشي بحد ذاته يستفزني ويدفعني اخلق اي مشكله حتى اتعارك وياها والضحيه جانت رنا

[رنا ]

اسوء فتره مرت عليه هالفترةة صح ما اخفي ال٣ سنوات الي فاتت تندمت هوايه لان حجيت ويه ميار لان كل تجمع عائلي يصير وكلنا نجتمع وهو ماكو

صرت اكرهه نفسي والومها هوايه لان صرت اعرف تفكيره جنت اخابره ومرات واحاول احجي وياه وافهمه بس مع الاسف هو جان دائما يكول انو دينهزم مو من غربته ينهزم ميريد يضعف لان يحبها

مرات اتندم واكول شعليه اني ليش ما نلصمت بذاك اليوم بس هالفتره من داشوف المشاكل بين مايا وسهى اكول حرامات تندمت لان حجيت لان توقعت هالنتيجة