نهاية الاستفزازية

اطلع برااا

اكتشف انو معدنه ماكو منه واحبه اكثر فقررت اكوله عادي نزوج واتفقنه هلاسبوع نزوج فقررنه نروح نعقد عقد محكمه عقدنه وخلصنه واخذني رحنه ناكل وره مخلصنه رجعنه البيتنه ومقرره من باجر ابلش اجهز العرسي رجعت البيت فارغ حتى سهى ماكو كلت يجوز راحت البيت جدو صارت ب١ ومحد لا سهى ولا ميار عاده ميار يجي ب١٢ للبيت خابرته فتح الخط وهو يحجي بخنكه وجع كبير وهو يكول سمر سهى وخالي محمد توفو عبالي يشاقه بس صوت اخويه مو مال شقه كتله انت وين كالي اسم المستشفى خابرت على رنا كتلها واخذت تكسي ورحت للمستشفى احس ممصدكه ابد اكول داخلي خاف مقلب وصلت للمستشفى دخلت افتر بين الممرات واشوف مره خالي محمد تشيل بروحها وتركعها بالكاع شفت وسام وميار وخالي رضا وبيبي ومره خالو الوضع يخوف معقوله كلام ميار صدك رحت اركض المره خالو ومره خالو تصرخ بكل علو حسه وهي تكول

ولكم صغيره بعمر الورد شافت حاجوني شافت اعاتبمن كلولي اتعازه بيمن بنتي لو رجلي

جان الوضع يقهر كلش بيبي وخالو وحتى ميار وسام مدري بحيث احس دموعي متوكف شنو يعني معقوله حسيت كانو لحضات الي مريت بيها قبل داتنعاد عليهم احاول اهدي بمره خالو لو بيبي لو بمنو بقيت محتاره راح ميار ينطي المعلومات اباوع الاخويه مكسور تره مو سهى حتلو محبها بس تبقى مرته سنه هم سويه ما شاف منها اذيه يمكن يحس بذنب اكثر لان اذاها هو ما ادري ما ادري احس كلشي يمشي بالعكس نفس اللحضات تنعاد من جديد بس هالمره مو امي هالمره خالي ومره اخويه حتلو علاقتي مو قويه وياهم يبقون من اهلي صعبه كلش واساسا الي يشوف الباقين اتحدى يكدر يتماسك راح خالي وره ميار خلصو اجراءات المستشفى هم خالي صاح على وسام كله اخذ مره عمك وبيبيتك للبيت وسام اخذنه للبيت وصلنه للبيت البيت جانت ضحكته مطفية نسوان تلكن مره خالو وبيبي يبجن ويلطمن وينعن لا شفت رنا ولا مايا شفت وساام ما اهتم للنسوان الجوه وفات جوه فاني رحت وراه اريد اشوف البنات شفته صعد اني هم صعدت فوك اشوف شفت رنا كاعده مرتجيه على باب غرفه مايا تبجي سمعت وسام

وسام : وين هالساق.. هايه

كامت رنا مصدوم وحتى اني وكفت يمها شبي هذا
كام يدك بالباب بكل قوه وهو يضغط على سنونه

وسام : افتحي الباب لا اكسره ومحمد

سمر : شبيك وسام هي بيا حال

وسام : صوتج انتي ما اريد اسمعه مو زين ساكت لحد الان ومطاردج

تعجبت شبي هذا
رنا : وسام شنو هالحجي عوفها

كام يدك بالباب فتحت مايا الباب جانت مثل الجثه الي بدون روح الدموع مغطيه وجها ونضره اليأس على وجهه
جيت وسام بسرعه ولزمها من شعرها وبكل عصبيه يكول