نهاية الاستفزازية

راح اموت اذا متقبل بية

ميار باوعلي كال شو تعاي هاي شغله متصرف شالني حسيت بانتصار بوقتها وخاصه من اباوع على ملامح مايا واني تعمدت احضنه واجلب بي حتى هو بقى متفاجى باوع المايا

ميار : مايا السويج وين

مجاوبته وندارت وعافته سوت نفسها داتشرب مي سمر صاحت عندي عندي

طلعنا صعدني بالسيارة وسمر صعدت يمي ورحنه للبيت من وصلنا هم سندني واني شمرت نفسي اصلا عليه سندني هو وسمر ودخلنه جوه

ميار : سهى تردين طبيب شي شجاج فجاة هيج
سهى : لا هسه انام شويه وارتاح
سمر : خاف لان مماكلة حسوي اكل

ميار : لتسوين روحي ارتاحي هسه اطلب اكل شتردون
سهى : اذا متاكل ما اكل
ميار : ليش ما اكل اصلا ميت جووع

طلب النا اكل وصل فتحه كدامي وصاح على سمر حتى تنزل

نزلت سمر كعدنا ناكل اجذب اذا كلت اكل والله يمكن عباله احنه زعاطيط وديقشمرنا

بيت عمتي عدهم سالفه انو حتلو متاكل تكعد على الاكل تسوي واهس للمقابل حتى تاكلون سوه بس هذا ماكو ما اعرف ليش اذا ديعاقب نفسه على شي او فعلا هو ميشتهي اكل او لاسامح الله مريض بشي

قررت بيت اهلي ما اروح اله ولا اخلي يروح واحاول وياه بالكي ينساها

ميار : العصر نروح البيت جدي

حسيت انصدمت توني جنت افكر شييي وهو حجى هيج رجع باوعلي وكال

ميار :العصر اخذج للطبيب ومناك روحي اشتري الاختج  هديه شي

سهى : ما اروح ميستوحب طبيب احسني احسن يمكن وكعت لان جنت مماكله شي

ميار : متاكدة

سمر : ايي ميار احسن مداتشوفها

ميار : تمام لعد
سمر : ميار اني هم جنت افكر بهدية المايا وسئلتها هم
سهى : هاي شنو سمر شو اني صدك جذب متذكرتيني

سمر : ههههههه مو جابلج ميار البارحة طلابه خوما طلابه وبعدين هاي طالعة اولى لو شايفتها شون فرحت احسها زعطوطة والله خطية

سهى :شكايله اني قابل تستاهل بس شنجيب
سمر : ههههههه احزري هاي الطماعة شتريد

ميار : شتريد

سمر : خلوها مفاجئ من اجيبها الها تعرفوها عود

ميار : بالليل ناخذ كيكة الهم ونروح فد مره نختفل هم بمايا ورنا هم خطية نجحت حتى انتي سهى حتى خاف تكولين ربي وحد