نهاية الاستفزازية

شافتنا امه

ضحكت عليها وهي تكول ميهمني حسيت نفسي اني الطرف الجبان وهي القويه الي دائما تاخذ المبادرة بكلشي مع العلم الواقع جان انو اخاف عليها ما اريدها تتاذه لهالسبب احاول دائما انبهه ويمكن هم اخاف على نفسي الي اعرفه عن مايتي متهتم بالكلام وميهمها الحجي الكلام الي يعجبها تسمعه والي ميحجبها تركعه عرض الحايط وهالشي جان مناقض الشخصيتي تماما اني من الناس الي كلش اهتم الرئي المقابل واتاثر بي فتره كلش طويله على حساب صحتي ونفسي ومكدر امرر هالشي بسهوله عموما والله حتى نسيت ابوها دزني على المسدس ضحكت واني اهمس

ميار : تدرين بنفسج خبلة مو
حضنتني اقوى وهي تهز براسها بمعنى ايي
ميار : انهزم منج تجيني برجليج ما صايره تره
رفعت راسها من صدري وهي تبتسم تكول
مايا : على فكرة تره بعدك شايف نفسك
باوعت الوجهاا وابتسمت هم
ميار : هاي اذا انتي هيج ساحلتني سحل وشايف نفسي لعد لو ماشايف نفسي شلون
مايا : ميار حبني
وبقت تباوع بعيوني بكل جرئة

باوعت على الجهه اليمنه واني اضحك من كل كلبي وفلتت اديه الي جنت حاضنها بي بس هي بقت مجلبه بيه

ميار : اسف ما اكدر احب الزعاطيط
وهي محاوطه اديها داير مدايري كرصتني من ضهري كلش قوي ورافعه حاجبها بعصبيه
مايا : متعجبك الزعاطيط بس تعجبك رنااا مووو
ضحكت على تفكيرها

ميار : انتي عقلج يضل صغيرر
مايا : مو صغيرر بس سالفتكم مبينه سوالفكم وفستانج حلو وكذا شنو معناها
ميار : معناها فستانها حلو
مايا : لعد واني

توني داريد اجاوبها وسمعت صوت امي وهي تصيح باسمي بعصبيه اني وياها ثنينه باوعنه على مصدر الصوت هي راستا فلتت اديها مني امي تقربت وهي تحجي بعصبيه وكالت المايا
رانيا : امشي انزلي جوه

راحت مايا واني اباوعلها بحذائها الاعلى من راسها شبه تركض باوعت امي عليه والقهر محجت شي ياريتها لو تحجي على الاقل اهون الي بقت تباوع

رانيا : حسابي وياك بعدين امشي انزل خالك يريدك
اني ححسيت بخجل مو من الموقف الي شافته امي وانما من امي لان محجت وهالشي بحد ذاته يخليني استزغر نفسي واخجل من نفسي اني
ميار : يمه تره احبها والله

امي حجت بعصبيه اول مره اشوفها هيج
رانيا : ميار لا تحلم ابد انجوم السمه اقربلك من بنات محمد ما اخذ ولا وحده الك لو هسه محمد يجي يتوسل بيه

مجنت افتهم كلامها بس الي اعرفه انو اني فعلا عد كلامها من تحجي شي
ميار : يمه احبها
رانيا : حبتك كرادة كون ان شاء الله جان استحي على نفسك تتختل بالظلام والغرف خلي عندك حيه شويه ابوها وعمامها كلها جوه وانت كاعد تتمضحك امشي انزل محمد يريدك وحسابنه مخلص بس خلي بالك لو تنطبك السمه على الكاع بنات محمد ما اخذ اي وحده منهن