نهاية الاستفزازية

ما تزوجين هالمسيجين

ادري غلط الي سويته قبل شويه وهي مالها ذنب بس يمكن جنت احتاج احد اشمر قهري بي او افرغ كلام بعقلي مثكل راسي من حضنتني وخلت راسي بحضنها بجيت حسيت نفسي مثل الطفل الضايع ماله احد ولكه هالاحد بجيت الدرجة حسيت فرغت كلشي داخلي والشي الي جان كاتمني حسيته طلع لاحضتها وهي حاضنتني تمسح على شعري

هالشي جان يخلي عندي شعور داخلي يأمن انو بعد اكدر اعيش واقاوم هواي ايام من وخرت عنها وردت كلشي يرجع طبيعي وحتى تروح الاهلها كالت انو تريد تكولي شي جنت قبل اكول هالبنيه تتحكم بيه حاليا اني متاكد هالبنيه مو بس تتحكم بمشاعري لا وبمزاجي هم

بحيث حسيت كلشي يصير الي عادي وميخالف ويهون وكلشي راح يصير بخير وهالشي زاد تعلقي بيها اكثر صرت اريدها اكثر من قبل الدرجه ما اريدها تروح البيتهم احس اني احتاجها اكثر منهم اني الانسان الضايع اني الي صفى وحده اني الي اريد اكمل نص ديني وياها وما اشوف نفسي ارهم الغيرها

احسها هاي العنوديه الي تحجي بدون متفهم كلماتها او حتى توزنها صريحة مرات هوايه وبنفس الوقت مرات المح خجلها مزاجها ما امعروف بحيث تصدم الواحد على كد ما يتغير تبجي بسرعه وتضح بسرعه مرات احسها فد شي نادر وجوده بريئة بيها لمحة انوثة ولطافه تسكر الواحد

شكد ما اشوفها طفله بس من احس نفسي ضايع اشوف حنيه العالم كله بحضنها بحيث تاخذ دور الامومه بشكل كارثي مشاعرها تفضحها الدرجة متكدر تجذب لا انوب تريد تصير ملازم هو اني هيج وكلبي طاير عليها اتخيلها ملازم ويه الباقين وادري بيها مخبلة اذا خلت هالشي براسها تسوي الى ان وصلتها البيتهم رجعت للبيت عقلي صافي قبل ساعه جنت احاول انوم بروحي ميفيد

افكار تاخذني وتجيبني بس خليت راسي على المخده بدون ما احس نمت وهم ايام جرت ايام وضعي احسن من قبل ومايا قدمت ورجعت الدوامات وسهى جانت تاخذ وياها سمر مرات للجامعه حتى رنا حتى تغير جو هو امي ما تنسي صعب بس تذكرت يوم الدفنه من خالي كال مثل ما نشالت من عينكم تنشال من كلبكم هي ويانه بس تعودنه هي ماكو حتى اربعينها طلعت الي اكتشفته انو الحياه تستمر شكد مالانسان يكول راح اموت وما اكدر

بس بمرور الايام تكتشف الحياه ابد متوكف ممكن نخسر جزء منه نحلنه ممكن نكبر فوك عمرنه بس ابد متوكف الحياه مشاغلها وامورها تخلي الواحد غصبا ما عليه ينجبر وهذا وضعي طول الايام الي فاتت وكفات وسام متنعد يوصل مرحله مرات يترك دوامه ويجي وياي الشغلي يحاول يطلعني يضحكني ابد ما عافني كلما جنت اشوف شي منه داخلي اتندم اني مو بقصد اخون اخوتنه وصداقتنه بس هم احبها المايا وضال بين نارين

مرات اكعد الصبح اكول هاهيه راح اعوفها وسام اهم بس اكتشف برسالة منها حتى بدون ما اشوفها الكي روحي متعلك بيها شلون اذا اشوفها ومرات اكول اكيد وسام راح يقدر مرات اوصل مرحله اغار منه والله منوراها مريد اتخير بينهم ابد اريدهم ثنينهم مريد اختار واحد منهم ثنينهم احسهم جزء مني