نهاية الاستفزازية

أغراء

ميار

لمحتها من بعيد وهي تمشي جان واضح اكو ضحكه بوجهه من شافتني كاعد ومدري شنو حجت هي ورنا وضحكن بحيث اني لا ارادي مني ابتسمت وكانو اريد احسسها انو شفتج والله شفتج ومن قربت توصل النه كمت وكفت مديت ايدي اخذتها بحضني اسلم عليها تره سلام والله سلام عادي

ميار : شون صرتي
مايا : احسن احسن لتخاف
ميار : المرض هالمره مضعف مرتي
وسام : كتلك حركات الاجانب بطلها ما توكل خبز يمه
ميار : انت ليش ما تنطم وتسكت
التفتت على رنا سلمت عليها
رنا : ميار شفت شي حلو ادري بي منك لان مال من اخويه لو هسه اموت ميجيبه
ميار : شنوه؟؟
مايا باوعت عليه وابتسمت ابتسامه خطوله وهي تحاول تتنقل بعيونها بيني وبين الكاع
رنا : الورد اريد اصوره
ميار : رنا اني تاكدت انتي اخت هالهتلي هذا وكفتي كلبي عبالي شي ثاني
رنا : ههههههههه لا لك والله اصلا من شفناكم من بعيد وشفت الوردكتلها المايا انت جايبه والله
ميار : بت خالي ما يغلى عليج لا تخافين جبتلج جبتلج بس وسام مقبل يشيلها وبقت بالسياره
وسام كام ينطنط من مكانه
وسام : وحق هذااااااا العباااااااس الي مجاوري احنه هسه جذاب كلشي ما جابلج حتى كلي يجيبلي اليه وما جاب جاب بس الهاي الحيه الي متحوله من الخضره للصفره شفت خالي ضرب وسام على راسهوامه تكله شوكت تكبر عيب
ميار : اني بعد كتلج من ترحين للسياره تشوفي وبقت يمج
رنا : شو تحمست كوم وسام اخذني للسياره

حسيت روحي فعلا تورطت شحجاني دخيل الكعبةةةةة يا كلمه ارجعي المكانج اني عادي رنا متعود حتلو متلكه شي بس خالي ومرته عيب منهم واني احجي بزودي كدامهم همزين مايا حست
مايا : ميحتاج عوفيها مو هايه موجوده وراحت شالتها تشم بيها وتبتسم وتنطيها الرنا تكللها حلوه مو عبالج انطيها الج صوري بيها ورجعيلياها

وسام : تره هي لا تشوفين روحج هاي جابها الي والج بس وحده واذا هو سبع اتحدى يكول لا

وسام يباوع عليه ويغمزلي ويحجي بصوت ناصي
وسام : اذا كلت لا والله ما اشيلها بالرجعه
ميار : ولي لك من جنه وحدنه ما شلتها هسه من صرنه كلنه ويكدرن هن يشيلنها تريد ارجعلك
علي : تعاي عمو كعدي مالج دخل بهذا المخبل والله لاكف خيط واني ما رايد شي من ابو عبدالله غير بس يصلح عقله

رفعت ايدي للدعاء واني ارفع عيني للسما
ميار : امييييييينننننن
بقينه نضحك كعدنه تعشينه كلنه جنت اباوعلها فعلا ذبلانه هن ٣ ايام بس ماخذات هوايه منها والله وره مخلصنه عشه رحنه اني وسام نزور زرنا الامام الحسين ومن رجعنه بين الحرمين حتى نزور العباس مرينه منيمهم كامت هي اجتي الي مثل الجاهله وهي تبتسم

مايا : مو تشكيني يمه
ضحكت على تفكيرها والله احبها انوب من تجيها مرات لحضات الغباء احس فعلا احبها بالزايد
ميار : ليش لازم شكيتيني يم معشوقج
مايا : ايي ودعيت عليك كومه هم
ميار : بعدد روحي اني هم اروح اشكيج يم معشوقي لو ربي وحد
مايا : ادعي تحبني بالزايد
ميار : خو ادعي انتي تحبيني بالزايدشنو ناقصني بس بعدامشي واصيح احبها