نهاية الاستفزازية

بالكفن

[وسام ]

بيتنه نهز هز بهالخبر عمتي رانيا مو اي عمه مستحيل اكو عمه بحنيته مرات اشوف الناس الكل يكرهه عمته بس اني عمتي جانت غير صعب الموضوع حيل وضع سمر فد مره وما ادري عن ميار اخابر وماكو الموضوع مو سهل من خابر على سمر وسمعنه بجيه وعبراته وهو يحجي احس نفسي ضعت حيييلللل ضعت مدري شلون اواسي او احجي اريد اروحله ابويه اخذ التلفون من سمر وهو يحجي وياها بنبره تاديب لان سمر متعرف وضع اخوها طلع ابويه بالشارع ورحت لحكته

علي : ميار تسمعني
ميار : خالي امي راحت
علي : خالي بس اسمعني يوجعك شي تعورت حاجيني لا تشلع كلبي

ميار : خالي كلبي يوجعني شلون ارجع امي فدوه حاجيها بالكت تسمعك
باوعت لابويه شفت دموع بعيونه

علي : والله يا خالي تحبك هي وتسمعك اكثر حتى مني ميار حبيبي دير بالك على روحك دزيت ناس الك والله تندمت على الجواز بعد خالك شد نفسك وصير قوي الخاطر اختك تره محد ضللها عكب عينك

هو مجان يحجي بس نسمع صوت بجيه وهو يسمع يبجي كلت الابويه انطينياه كاله هاك هذا وسام يحجي وياك اخذت التلفون وخرت عن ابويه
وسام : الو

هو بس كلت الو راستا حجه وكانو يتمسك بامل وهمي ويريد احد بس يكله انت تحلم هسه تكعد من حلمك
ميار : وسام والله الموضوع مو سهل كلبي محترك ضايع تاييه مدري شسوي اذا تكدر تعال محتاجك اخوك يحتاجك وسام

جان الموضوع ابد مو سهل واني الجلب صوجي ممطلع جواز حتى اذا واسطات وانطينه فلوس ورحت اسوي يراد فد يومين ٣

وسام : انتظرني والله جايك بس لا تبجي خوش
ميار : منتظرك
وسام : من اخابرك جاوبني فتهمت
ميار : وسام عينكم على اختي امانه الله وامي عينكم عليها لا تخلوها وحدها وسام لا تخلون شي يصيرلها اختي اذا صارلها شي والله اموت

وسام : ميار كالت ام علي انو ايدك مكسوره يوجعك شي غير ايدك
ميار : مدري احس وجع كلبي اكثر من جسمي
وسام : خلي يفحصوك عليك العباس يجيكوك هسه لان بحروره مصابك ما تحس بشي بعدين كله يطلع عليك
ميار : لا تخاف ما عليه شي حاول تجي بسرعه يلا اني اسده وانت خابرني خاف ارمشلك خاف رصيدي يخلص مابيه اطلع اشتري
وسام : هسه احولك رصيد

سد الخط هو رجعت طبيت جوه حال سمر يقهر مو شويه مصيبتهم يعينهم الله رحت الابويه وعمامي الي بتعدو عن النسوان كتله
وسام : بابا يكلي تعالي اني تايه

علي : بي شي ام علي كالت لافين ايده
وسام : يكول مابي شي يابه ما تعرفلك احد حتلو يطلعلي جواز مزور يكمله بسرعه مو مال اعوفه وحده
رضا : هو قابل بس انت كلنه كلبنه محروك ونريد نروح
علي : والله كاعد اخابر بالي احد يسويلنه