نهاية الاستفزازية

اني اختك؟

علي : جابلنه ببسي
اني من باب الضحك والفضول واحنه ناكل
مايا : علي تحب ميار
علي : اييي
مايا : شكد
علي : هوووايةةة
مايا :منو الاحسن هو لو وسام
علي : هو

مايا : اني اكرهه احب وسام
علي : ميار يشتريلي ومرات يشيلني وميغلط عليّ وسام يغلط عليه ما احبه
مايا : قنعتني هو يمكن قشمرك مثل ما قشمرني
علي : مو اشترالنا اكل فهو حباب
مايا : هههههههه والله يا حبيبي هو انت اكو واحد يكرهك

تذكرت الحلويات
مايا :علي مو دزيتك كتلك اشتريلي شو مجبت شي
علي : ميار اخذهن مني
مايا : امداه شكد نفسه دنية
علي : اروح اجيبهن الج
مايا :لا حبيبي عوفه يتسمم بيهن

ميار عنده اسلوب جذب واقناع للاطفال كارثي وخاصة علي كلش متعلق بي خو علي من كمل اكل ونزل رايح كايل كلشي الميار حتى كلمة يتسمم بيهن كايله مهتميت ورجعت اكمل افلامي الدنيا بدت تكسر امي صعدتلي خو من شافتني كاعدة ما خلت رزالة مرزلتها الي

ديلا بالله هم يردون يرحون اني شعليو فوك حكة دكة ونزلتني مثل الجلبة وياهم عماتي يكوللها خليها عوفيها هي الا مايا تسوي هالشغلة وانجبر تكسر ظهري تكسر امي كالت روحي بدلي يلا هلووو هلوووو هو اني من جنت صاحية مردت اروح انوب هسة متكسرة كتلها يوم ما اروح اضل يم بابا قفلت عليه يابة هي كوة ما اريد اروح كالت طبج مرض ظلي

وسام اجه للمطبخ يستفز بيه كلها كامت تلح اخير شي صحت هي كووووه ماااا اريددد اروووووح وصعدت بعد محد حاجاني رنا اجتي اخذت قميصي وراحت من صار العصر هدى البيت كلت يمكن راحو نزلت فعلا طلعو رايحين اول شغله ضجت كلت ليش مرحت وياهن وراها كلت اوي اني اكعد اسويلي اجواء طلعت شكو شي بالثلاجه من باب الخباثه وكعدت بالاستقبال اباوع فلم ومتونسة وراها كعد بابا من النوم صلى وكال طالع بالباب

مرات هو وجيرانه يكعدون بالحديقه البرا بالباب اني من خلص الفلم صعدت للغرفة خليت مكيااج قوي تكول عبالك عرس ابويه وشسورت شعري وشغلت اغاني بالتلفون وكعدت اكمز واركص اغير من نفسيتي واغني صارت ب١٠ بالليل اجوي هم اني نزلت استقبلهم وهم متحمسه اعرف شصار مصار

وسام :قل اعوذ برب الفلق شمسويه بخلقتج
مايا : حلوه مو
وسام :تخرع
رنا :والنبي ولا عندك ذوق والله تجنني بربج بعرس هدى اريد هيج مكياج تسويلي
سمر :ايي والله يجنن كلش عجبني

اختي محجت شي واني هم مهتميت كلت مدام سهى وسمر هنا معناها ذاك هنا فكلت خلي اغسل خاف وسام تعوذ من الشيطان ذاك ينجلط ويكعد يعيب ويكسر ام واهسي رحت للمغسلة داغسل شفته واكف يغسل كلت خلي افلت للفوك بس يشوفني شيخلصني هو شافني من المرايه صاح ماااااياااا
مدرت وجهي عليه بس وكفت
ميار :ليش ما اجيتي

مايا : ردت ابقى وحدي بالبيت غيرت جو اكثر منكم بالبيت والله
ميار : شو باعيلي
غلست سويت نفسي ما اسمع هو اجه يمشي وخله ايده على جتفي يريدني ادور اله
مايا : اهوو ميار وخر
خليت ادية على وجهي مريده يشوف
ميار :شلاعبه بخلقتج
مايا : شعليك