نهاية الاستفزازية

انتقمت منه

مكدرت اكمل كلام جانت ملامحه تحجي كميه الوجع او شكد كلامي جان حقيقة يغافل نفسه بيها دموعه جانت متجمعه بعيونه وهو خالي ايده على حلكه وكانو ديفكر وحسيت لازم نص وجهه بقوه وكانو اكو وجع كلش جبير

ميار : رنا
من كال اسمي بجيت جانت الف عبره بصوته وكعت الدموع الي جان حابسها هو
ميار : شنو ذنبي بالي سواه ابويه يعني خوالي يحكمون عليه من تصرف ابويه او يمكن ما الومهم ابويه الي غربنه فشلون ..
كطع كلامه وهو يبلع ريكه ويكول هاهيه لا تشيلين

رنا : ميار والله مو معنى كلامي انو انت غريب والنبي مو هيج
ميار : رنا صدكي كتلك اني من الناس الي الحقيقه متجرحني ابد فلا تهتمين بعد اخوج هي الحياه خلصانه خلصانه مو مال من تالي اجي اعلكها

بقيت ابجي
ميار : هسه خلي افتهم انتي على شنو تبجين الي يشوفج يكول انتي ام المصيبه
رنا : اسفة والله بس المصلحتك والله انبهك مريد توكع بمصيبه تخسر صديقك وخوالك

ميار : انتي كلتيها مو مال اخسرهم يلا اني اترخص اروح انام باجر عندي كعده من الصبح
رنا : ميار لتزعل

ميار :رنا شجلبتي كتلج والله مزعلان اصلا اني الي ممنونلج نبهتيني على امور جنت هاملها على الاقل اكل شي اكوله هالشي وحده غيرج جان هسه سوتها مشكله شكبرها ويمكن حتى ما اكدر افوت الهالبيت بكل اريحيه هيج ممنونلج بنت خالي

من كال بنت خالي حسيته خله حد بينه
ميار : يلا عيني تصبحين على خير
وعافني وكام راح طب جوه ما اخفي لمت نفسي هوايه بس والله المصلحته اني بذات نفسي سمعت عمو محمد قبل كم يوم من عمتي فاتحته بموضوع سهى

كاللها تعذريني بس مرجع ابنج العمامه وابو شنو الي يضمن هو ميصير مثله شفت عمتي بوقتها شكد بجت وهي تكله مو كدام عينك طول هالفتره وانت شفته والله يا خويه مدام هيج وانتو غربتو ابني اني هم ما اريد اضغط عليكم بعد

الموضوع ابد مو سهل خلي يكون طرف واحد متاذي ولا اكثر من طرف اني هم رحت نمت ثاني يوم كعدنا كلنه علمود الدوام سئلت ويام على ميار كال كاعد ديبدل كتله صيحه يتريك ويانه وسام كال كتله كال ميريد

سهى : وين حيروح من الصبح
وسام : كال انو ابناء المدرسين يحقلهم ينتقلون فموصي جماعه يجبوله الوثيقه والتأييدات علمود النقل

سهى : خطية الله يسهله ويرجع الدوامه
خلصنه احنه اكل ومايا وسام طلعو قبلنه مايا دائما تروح وياه تكول هو اسرع منه شفت ميار نزل جان كلش وجهه ثكيل ورسمي

ميار : صباح الخير
اني وسهى : صباح النور
سهى : اصبلك جاي
ميار : لا ميحتاج خالي رضا كعد لو بعد
رنا : ايي
هو طلع وشفته دك على واحد ونزل عمو رضاوي وراه وراحو هم هم