صحي الجد وهو يتوضى قبل الصلاه بعشر دقائق وهو ياخذ مسبحته بالكرسي ويلم فراشه ويحطه داخل المجلس عن الامطار وخرج يمشي للمسجد وهو يسبح ويذكر ربه ويدعى دخل وصلى تحيه المسجد ، بدو رجال الديره يتجمعون قبل الصلاه بدقيقه اليوم يوم الجمعه جو كل الرجال من اماكن بعيده والي كانوا يصلون في بيوتهم امتلئت صفوف المسجد بالراكعين والجد الي قدم واحد من الرجال يصلي فيهم
، انتهت الصلاه وسلم الرجال على بعضهم البعض وتفرقوا كلن على شغلته وكان عيال الجد كلهم عنده من امس مثل كل يوم جمعه يتجمعون عنده مع الاهل ماناقصهم الا ولده محمد الي باقي ماوصل والهيثم ماجا مع اهله
عند رعد والهيثم في الديره :
وصل وهو على طول توجه لمكان شبك غنم الجد يساعده هو واخو اريج رحب بهم الجد بحراره وهو الفرحه مو سايعاه
"يالله ان تحييهم تو مانورت الديره طمنوني وبشروني عن الاهل كلهن"
ضحك رعد وهو يلم الجد في حضن ويسلم على راسه : الاهل بخير كلهم و غرام تسلم عليك وتقول انها مشتاقه لك بالحيل وان شاء الله انها جايه مع امي وابوي اليوم لكني سبقتهم وقلت امر على الهيثم ونجي لك"
:يالله انك تحييهم ياهلا والقلب يوسعهم قبل الدار طمنتني ياولدي الا غرام صدق وافقت ؟"
ضحك رعد وهو يستغفر في سره للكذبه الي كذبها لكن لزود حب الجد لـ غرام كان يكلمها دايما ويحول لها فلوس ويحاول فيها تجيه من فتره لفتره مع الاهل لكنها رافضه وماتحب الاجواء هنا التفت لاخو اريج الي مبتسم بهدوء وهو يشوف فرحة الجد
"الهيثم قرب وطمني عليك ورا ماجيت مع الاهل امس"
قرب منه وهو يبوس على راسه يطمنه ويعتذر منه بسبب الاشغال ويسولفون وتوجهو للغنم لان الساعه صارت سبع
"الصغار ياجد افكها تمتص حليب امهاتها ؟" نادا رعد على الجد الي اخذ كاسته وصار يحلب الغنم
"ايه وانتبه للكبير خله يمتص ثنتين ناوي بيعه باذن الله"
خرجوا بعد فتره يتوجهون للخزان يغسلون يدينهم وقفلوا المويه الي يعبي في البركه و متوجهين للبيت وهم ماحسوا بالوقت من السوالف ، فتح الجد الباب وهو يسبقهم للداخل وتبعوه الهيثم ورعد الي كلهم ماسكين الكاسات الي فيها لبن الغنم
"عطوها جدتكم وسلموا عليها وانتبهوا بنات عمومتك داخل" تقدم رعد وهو يدق الباب وينادي خرجت له ام امل مرات عمه سعود سلموا عليها وفتحت لهم طريق للجده الي وقفت ترحب وتهلي فيهم بفرحه
"كيفكم ابركها من ساعه حياكم الله مرو مرو مافي احد اجلسو"
جلسوا قدامها ومافارقتهم البسمه : ذقتوا شي يا عيالي متى جيتو ؟ ملابسكم كلها غبار"
الهيثم: والله ياجده تونا وصلنا قبل الصلاه بساعه وكنا مع جدي عند الغنم نساعده"
"حياكم الله بدلوا ثيابكم من ملابس بدر ولا نبراس الي موجوده هنا وشويه ويجهز الفطور"
خرجوا العيال من البيت بعد ماغيروا وجلسو مع الجد ياخذون ويعطون في الكلام وهم مشتاقين لسوالف الجد، دخلوا وسام وبدر ونبراس وبيدينهم اغراض وصوت ضحكاتهم عاليه وسلموا عليهم
أنت تقرأ
غـرَام الهيثَم
Poetryتتكلم رواية [غرام الهيثم] عن الابطال غرام وهيثم الي يرتبط مستقبلهم مع بعض بتهور من جدهم الي من ولدو وهو يحلف بيمينه انهم لبعض فما ردة فعل الأبطال
