[ بعد اسبوعين ]
رجعوا رعد واريج كانت متسطحة تناظر الالبوم حقهم تبتسم ، ناظرها رعد الي كان يلبس الساعة حقته
"خلصتي ؟"
"ايوه " مسكوا خط وهي مشغلة من اغانيها فجأة التفت لها
"احس ان هذا من احلامي الورديه" نطقت وهي مبتسمه
رعد: انا حلمك الوردي ولا ؟"
"حياتي كذا زي ذي اللحظة طريق مظلم واغنية على ذوقي انت لابس ثوب وانا فستان ورايحين المناسبات مع بعض"
"صرنا متزوجين خلاص تتعودين"
"ايه تفاصيل حنونه شوف كيف بدال ما امي وابوي يركبون قدام واحنا ورا صرت وانا متزوجه اركب قدام واذا ربي رزقنا اطفال بنكون اباء "
التفت لها مبتسم : شكلك تبغين بزران"
انحرجت وهي تلف وجهها : مو كذا قصدي .. ذكرني لا اسولف مره ثانيه"
ضحك وهو يمسك يدها الي تخفي فيها وجهها : لا مافيها احراج بيجوننا اولادنا الحين ولا بعدين ربي بيرزقنا وبنعيش زي ما آبائنا كانوا معيشينا"
ابتسمت تسمع الطرب الخافت مع صوته الهادي طريق مظلم تتداخل اضواء الشارع داخل السياره توضح يدينهم المتشابكه ، التفت لها
"عاد توك عروس جديده الله الله بالاسئلة"
"لاتذكرني ماعرف ارد معتمده على امي دايم"
"اهبدي لهم اي كلام وارمي باقي الاسئلة"
"وقف هنا باخذ ورد لامل"
"ارسلي لي الكلام الي تبينه على الكرت"
نزل ثواني وطلع وهو شايل الورد وحاط فيه فلوس
"مره حلو"
"ماهو احلى منك" التفتت بحيا لما شافت الابتسامة على وجهه
----
دخلت البيت وهي تشوف بعض الحريم الي بالحوش سلمت ودخلت ، اتجهت للبنات الي فوق عند امل بعدما سلمت على الي داخل ، دخلت الغرفة وهي تشوف بنت امل في يد رنيم اخت فيصل سلمت عليها وسحبت على البنات وشافت امل واقفه لابسه فستانها الابيض ومسرحة شعرها حضنتها تتحمدها السلامه وعطتها الورد
لفت لما حست بضربة اريج: ماتشوفينا ؟"
"الا بس صراحة امل اعمتني بجمالها وخروا ابغى هالصوص الاصفر"
تخابثت غيداء وهي تضحك : امل تقول عنك دجاجه !"
التفتت امل ماسكه الورد بتهديد : عشان لبسي ابيض تقولين دجاجه ؟ يا اريج يالي ماتستحين "
اريج: لا والله كذابه"
ضحكت رنيم تراقبهم وتكلمت غيداء : والله تقول لـ سيلا انها صوص والصوص من مين من الدجاجه"
أنت تقرأ
غـرَام الهيثَم
Poetryتتكلم رواية [غرام الهيثم] عن الابطال غرام وهيثم الي يرتبط مستقبلهم مع بعض بتهور من جدهم الي من ولدو وهو يحلف بيمينه انهم لبعض فما ردة فعل الأبطال
