بعد الإفطار جت ام غيم وبناتها وذا المره معهم ولد غيم ليث وفي يد الهنوف صينية حلى اخذته عنها اريج وهي تحطه في المطبخ وقطعته وقدمته مع القهوه لهم ،دقت ام اريج على ام غرام وقالتها يتجمعون عندها يسولفون مع ام غيم الي تبغى تتعرف عليهم وبلغتها تقول للباقين، جلست اريج وبيدها قهوتها وهي تسمع سوالف امها وام غيم ، ناظرت اريج بحب لصغير غيم الي واضح ان توه يجلس بس
"بسم الله عليه شسمه ؟" قالتها لامه الي ابتسمت وهي تعطيها وتكلمت: ليث "
اخذته اريج وهي تذكر ربها عليه وضحكت من شافته يناظرها مو متعود عليها ومستغربها لفت اريج لغيم: غيم يبكي من الغريبين ؟"
ضحكت غيم وهي تنفي لها وتمسك يد ليث الي ضحك بسرعه من شاف وجه امه الباسم ورفع يدينه وهو يمسكها تاخذه ، شويات ووصلوا كل عماتها وبناتهم ، راحت اريج تفتح وهي تسلم وتوجهت للمطبخ تجيب فناجيل قهوه وحلى ابتسمت من شافت البنات الي باقي بعباياتهم ودخلوا يساعدونها غرام الي كانت منهاره على خدود ليث الصغير: بنات الي في يد غيم منهاره على خدوده" حطت يدها على قلبها وهي تضحك
امل: ايه صح شفته من زمان عن النونوات"
غيداء: ترا اسمه ليث"
اريج: اقعد متى لحقتي تعرفين؟"
غيداء: افا عليك دقتها البسطه انا وغيم ذاك اليوم من جو وعمتي ساره في المستشفى"
نجد: غيداء شيئين مابتفوتها لو ماتت الاكل والسوالف"
ضحكوا كل البنات من اشرت غيداء على نفسها وهم يهزون راسهم ، ضحكت غرام وهي تهز راسها: تذكرت اول ماجيت طيحتيني على افخاذك وانتي تبغين تكملين تعرف علي"
ضحكوا البنات وجلست اريج وهي تمسك بطنها : استغفرالله بنات مو كاننا طولنا حتى الحلى صار يذوب"
جت للبنات ذيك الضحكه الي بدون سبب اخذوا البنات صحون الحلى والفناجيل وبمجرد ماحطت عيون غيداء في عيون امل انفجروا ضحك
"بنات اسكتوا فضحتونا" رفستهم غرام على رجولهم بما ان يدينها مشغوله
تحمحموا البنات وهم يطلعون وقفت الام ساره وهي رافعه لهم حواجبها وتهمس: تاخرتوا بغيت اقوم اشوفكم" ضحكوا البنات بفشله وتكلمت اريج: جتنا ضحكه ماقدرنا عليها واخرتنا"
حطوا البنات الحلو والقهوه للحريم وجلسوا يسولفون شويات وبدا ليث يبكي وعفس امه وطيح الحلى على ملابسها
قامت اخذته غيداء عنها من جت بتاخذ القهوه ضربها ليث وانكبت على يده ورجل غيداء وطاح الفنجال وانكسر
"بسم الله عليكم بالرحمن"
"سلمتي جاك شي ؟"
"انتبهوا من القزاز"
"لا لا جت سلامه"
"حطو مويه على يده احترق"
" يقلبي لاتبكين"
أنت تقرأ
غـرَام الهيثَم
Poetryتتكلم رواية [غرام الهيثم] عن الابطال غرام وهيثم الي يرتبط مستقبلهم مع بعض بتهور من جدهم الي من ولدو وهو يحلف بيمينه انهم لبعض فما ردة فعل الأبطال
