غـرَام الهيثَم

Part 24

دخل بدر وابوه للقاعة ويلف لرعد يضرب كتفه : اهلا اهلا بالعريس كيف الشعور ؟"

ضحك رعد وهو يبين يده: توتر وانا اخوك"

"وش بقيت لاريج امسك اعصابك"
ضحك رعد وهو يشوف الهيثم الي تقدم وهو منفس وعرف انه للحين ما حصل له وقت يتصالح مع غرام
تقدم الجد وهو يضبط شماغ رعد الابيض : الله يبارك فيكم ويرزقكم من واسع فضله مبروك مبروك يا ولدي الله يتمم لكم على خير"
تقدم رعد يقبل راس الجد الي بدا يبارك له قبل الاهل : ويبارك فيك ياجد ويحفظك لنا خلك انتظرني تشيل توأمي"

"لا جاك توأم يشيبون راسك بتقول ليتني ما نطقت"

"لا لا يا جد سكاكر حلوه مثل اريج مافيها مانع"

"روح روح رحب بالرجال الله يستر عليك انت واريج"

• • •

دخلت غرام على وصول امل وتسلم عليها تساعدها تدخل

امل: غرام تصالحنا ابشرك"

ابتسمت غرام لما استشعرت السعاده بخفايا حروفها: الحمدلله ياربي عيشوا الاشياء الي ماعشتوها"

امل: مع سيلا" وقفت غرام وهي مصدومه حاطه يدها على فمها تضرب كتف امل بصدمه : سيلا !!"
هزت امل راسها لغرام الي بدت تضحك : مره حلو يالله"
دخلوا القاعه وشافتهم رنيم اخت فيصل وتركض لهم : يا هلا بـ ام سيلا وام مين ؟"
ضحكت غرام وهي تهز راسها : انتظر كم يوم كذا ونشوف"
امل: انتِ وغيداء مره متحمسه"
رنيم: بطير من الانتظار استنى اعرف بنت ولا ولد مهاب يقول عنده احساس انه ولد"
غرام: حتى غيداء تقول متأكده انه ولد"
اتجهوا امل وغيداء يسلمون على عماتهم ضحكت ام غيداء ترحب فيهم
استغربوا وين الجده وتكلمت ام اريج: راحت مع ابو اريج يجيبون بعض الاغراض"
غرام: والله ماعرفت جدتي"
امل: افا عليك مطنوخه من يومها"
طلعوا لـ اريج الي تتجهز : سلام عليكم"
امل: ياحلوا هالطلة تقريبا جاهزه "
غرام: جمال جمال الله يعين الناظرين واولهم رعد"
ضحكت غيداء : شوفوا وجهها لما جا طاري الحب"
اريج: هي خلوني مسكتوني طقطقه"
التفتوا كلهم للباب لما فتح ، دخلت الجده وهي تزغرط
الجده نوره: الله يديم الافراح بسم الله ما شاء الله"
وقفت اريج وهي تركض تحتضن الجده الي بدت تحصنها
"اخر بنات العائلة بتتزوج وتروح من بيت اهلها"
عبست غيداء: يا جده ماسويتي لي كذا لما تزوجت"
لفت لها امل: كذابه انا الي ماسوت لي"
لفوا لها لما قالت لهم يجون وكانهم انتظروا هالحضن وركضوا نفس الاطفال في ظل احضان احن شخص واطيب قلب ، بدت بدعواتها المحببه لقلوبهم وهم مبتسمين يسمعونها تدعي لهم بصدق ماده كل اذرعها تحتويهم كلهم بقلب كبير
"يالله عطيتكم وجه بنزل اساعدهم استعجلوا انزلوا وصلوا كل الحريم"
"اما في ناس تحت !" تعجبت امل وهي تناظر البنات الي تراكضوا يحطون مكياج ويلبسون ويسرحون شعرهم
تكلمت امل: سيلا"
التفتوا لها البنات عدا غرام الي ابتسمت
امل: بنتِ اسمها سيلا"
صارخت غيداء وهي تقوم تضرب كتف اريج الي ما استوعبت للحين : اريج تسمعين الي تقوله !؟"
"واو" صارخت اريج وهي تناظر الفراغ ثم اكملت تحط يدينها على خدودها : وش هالاسم الزق"
التفتت امل وراها وعلى جنب ومسكت الكعب : اهفك فيه يا حيوانه"
"ماعرفتي غير هالاسم ؟"
"كلي زق عاجبني كيفي"
غمزت رنيم الي دخلت من شوي تراقبهم : يعجبك ولا يعجب ابو العيال ؟"
امل: كلنا واحد"
التفتت اريج وهي تضحك : اش الرومانسيه ذي !؟"