صحوا البنات بتعب وهم يصلون العصر ولقوا غرام الي صاحيه وتساعد الحريم بالفطور وواضح من عيونها المنتفخه انها كانت تبكي حست غيداء بندم ياكلها من شافتها متجاهلتهم كلهم وهي طالعه من المطبخ كملو البنات مكانها مع الحريم اما هي الي راحت تصلي شافت العيال خارجين من المجلس وكلهم يتجاهلون بعض مثل وضعهم سكرت الباب وهي توقف وتحط جلال الصلاه والسجاده
الجده الي دخلت وهي تستغفر ربها ابتسمت من شافت البنات والحريم فالمطبخ : الله يحفظكم لي "
ابتسموا الحريم وتكلمت ام غرام: ارتاحي خلي عنك الفطور اليوم"
"زين شفت غرام فالصاله تصلي شكلي بروح اسولف معها" وافقوها الحريم وهم يقولون لها تروح ترتاح
---
مرت الايام على العيال والبنات وهم وساحبين على الموضوع وعزة النفس ماخلتهم ابد يصلحون العلاقات نبراس الي للحينه يلوم الهيثم والهيثم الي يلوم نبراس وماحد منهم رضى يلتفت لوجه الثاني ، وغيداء الي تبغى تراضيها وغرام الي تصد عنها ولاتبى تكلمها وماتبغى سيرة ذاك اليوه الي كرهت فيه كلشي ، صاروا يتجمعون وعلاقتهم المتوتره ما زالات واذا بيضطرون يجلسون مع بعض يكون الصمت سيد المكان ومستحيل يناظرون بعض ، اما العيال الباقين بدر ونبراس ورعد ووسام عادي مع بعض يسولفون مثل قبل لكن نبراس مع الهيثم علاقتهم متوتره والبنات بالمثل اريج وامل وغيداء يسولفون بس ناقصهم غرام الي ابتعدت عنهم ولاحتى رجعت تجلس معهم كلهم ، مر الوقت وقرب رمضان يروح والوقت الي عدا بسرعه وبان الحزن على الاهل كلهم والبنات الي كانوا مخططينه كله طلعات انتثرت ولا طلعوا ولا طلعه واحده
--
فتحت غيداء السناب وهي تشوف الصور والذكريات القديمه ومزح غرام الزايد عليها ويدينهم الي مصورينها والستريكات القديمه الي حافظتها في الدردشه والحين كلها ذكريات ، دخل وسام وهو يشوف اخته غيداء والدموع بعيونها جلس قدامها وهو يسألها وش فيها بعد محاولات قالت له بقهر
"من ذاك اليوم اننا مارجعنا احنا والبنات سوا مره صرنا رسميين اذا بنسولف بنضحك بس لكلام بعضنا مانذب ولانطقطق على مكياج بعضنا ولا نلخبط مناكير بعضنا كله بسبب مزح تافه جدا مني رجع علاقتنا الف خطوه وغرام الحين ما صارت تكلمنا كلنا ابدا ومالها حس الحين رمضان مابقى شي ويروح واحنا الي مخططين له طلعات وكوفيهات وملاهي وماسوينا شيء منها"
"طيب ليه للحين ما تصالحتو ؟"
سكتت غيداء وهي تفكر انها ما تجرأت ولا تبغى تفتح الموضوع الي تخجل حتى تطالع فيها بسببه
"غيداء انتِ الغلطانه بدون تفكير الاعتذار اذا جا منك وجمعتيهم وفتحتي لهم الموضوع بتتصالحون انتو ماتبغون"
"احس اني خجلانه منها"
"صارحيها بذا الشي وابداي الكلام الي ودك فيه وحاولوا تتسامحون مثلنا احنا نحاول في نبراس والهيثم ماقفلنا لهم الموضوع ولابنسمح لهم يخربون علاقتهم"
أنت تقرأ
غـرَام الهيثَم
Poetryتتكلم رواية [غرام الهيثم] عن الابطال غرام وهيثم الي يرتبط مستقبلهم مع بعض بتهور من جدهم الي من ولدو وهو يحلف بيمينه انهم لبعض فما ردة فعل الأبطال
