صار الليل والكل لموا نفسهم ولبسوا وخرجوا مودعين الجد والجده بيروح كلن على بيته ، وقف الجد يودع البنات والعيال بينما الامهات والاباء سبقوهم السياره
"بفقد اولادي الي يقومون بشغلي وارقد وانا مرتاح بدون ألم في رجليني وتعرفون حلال جدكم كثير وانا عجوزن لايقدر يقلب جنبه الثاني على الفراش باقي اقوم واجلس عند الغنم"
اريج: بنرجع لك يا جد الجمعه الجايه وحتى احنا والبنات بنساعدك اذا العيال مشغولين"
نبراس: ياوجه الله هذي لاتدخل ياجد شبك الغنم ولا تسألني ليه" وافقه رعد وهو يتذكر الكف لولاهم لكان قدر يراضي وسام بطريقه غير الكف الي رج عقله
التفتت غرام وهي تعترض كلام نبراس ورعد: ترانا نعرف لكن مانقوم بشغلتكم اكيد اننا بنكون خبيرات اكثر منكم "
الهيثم: مين الي داقه الريوس لين كانت بتطيح في كفر المويه ؟"
"شكله انت بسم الله عليك نام بدري شكل عقلك يتلخبط بعض الاحيان مالومك" قالتها وهي تضرب كتفها بكتفه وتخرج
الهيثم: لاتتعب نفسك ياجد اذا امداك بس حط له مويه وفكه بياكل من الخضار وبيرجع للشبك سكر عليه وفك الصغار يمتصون امهاتهم ولاترجعهم الشبك الصغير الا الصباح"
بدر:ان شاء الله انها بتزين وبنرجع لك الجمعه الجاي"
خرجوا كلهم ومابقي الا وسام
"راجعين ياجد مع اقرب اجازه" قالها وسام
التفت الجد لوسام وهو يمسك يده : باقي شايل علي في خاطرك ؟ " هز راسه ب لا
"ياولدي ضربتك حب فيك مايصلح تعلم على احد وتفضحه في مجلس كبار عيب مهما كبرت المشاكل بينكم"
هز وسام راسه بتفهم حس الجد انه ماكان لازم يتأخر في مراضاته : ولحيتي هذي يا وسام اني ماكان ودي افرق بينكم قصها لي ان كنت متعمد اضربك واترك رعد الي كان غلطان"
"لاتقولها ياجد والله اني رضيت فديت ذا اللحيه"
ودع الجد وخرج يركب سيارتهم وراحوا كل الاهل وبقي الجد عصاته قدامه يعتنز عليها وفي عيونه هم
"ياشينك يادار بدون اهلك" همس بها وهو يلتفت يدخل وخيم الصمت في اركان البيت المجلس الي كان صخب العيال يملاه صار الصمت يلحس سقفه وجدرانه
الحوش الي كانوا يفطرون فيه صار فراغ للحن صراصير الليل المزعج والغرف تقفلت وبقيت الصاله على حالها ، دخل الجد وشاف الجده حتى هي في هم يعلم به ربي واستوطن الدمع عيونها وصارو يلمعون
"الله الله يانوره هونيها تهون باذن الله"
"ياشينك يادار بدون اهلك" قالتها وهي تبتسم وكانت هذي الكلمه الي يقولونها اذا سكن وصمت البيت الي كان امس يلعبون فيه صغار و صار اليوم متزوجين واولادهم اخذوا دورهم
وياشينك يادار ياشينك بدون اهلك ويابلاك ياوحده دون ضجيج ويابختك ياجدارن راقب بهاء ساكنيه
«في سياره اهل رعد»
تكلمت غرام بضيق: يبه جدي وجدتي ورا مايجون يسكنون معنا وضعهم ماعجبني لحالهم"
:كلنا حاولنا فيه يا بنتي لكنه عنيد مايبغى يترك ارضه ويهجر البيت الي ولدنا وتربينا وعشنا وكبرنا وكلن على حياته الا ان تزوجنا جدتك ماعندها مشكله لكن جدك مايعرف يطبخ ولايقوم بالغنم ولاالبيت وهو لحاله"
أنت تقرأ
غـرَام الهيثَم
Poetryتتكلم رواية [غرام الهيثم] عن الابطال غرام وهيثم الي يرتبط مستقبلهم مع بعض بتهور من جدهم الي من ولدو وهو يحلف بيمينه انهم لبعض فما ردة فعل الأبطال
