غـرَام الهيثَم

Part 17

الهيثم الي للحين نايم وتجمعوا البنات والعيال في الصاله بعدما رجعوا الكبار ياخذون غفوه قبل موعد الخروج من الشاليه الي هو على الساعه ثلاث

امل: احس طفش سولفوا سوو تحديات"

اريج: كلنا والله وش رايكم نلعب صراحه وجرأه"

غيداء: ابدا اخر مره نسمنا كفرات سيارة الهيثم صارت مضاربات"

التفتت غرام مستغربه متى: وش صار ؟" التفتوا لبعض يهزون راسهم لما تذكروا ذكرى سيئه خصوصا كانوا الاهل في زواج وهم كانوا طفشانين وسوو كذا ومحد نجاهم منه

نبراس: ابد حط لكل واحد فيهم كف وطير الحذيان وراهم وكان بيفلق راس وسام وكسر المزهريه لانه تأخر عن الدوام الله لايعيد ذاك اليوم"

غرام: متى صار ذا الشيء غريبه ماحضرت"

غيداء: وقتها ماكنتي ترضين تجين معهم للديره والله فاتك اشياء واجد"

غرام: احس جدا عادي مايعصب لذيك الدرجه يمكن كان عنده اجتماع"

بدر : لا ، يكره حد يصحيه من النوم"

التفتت لهم غرام باستغراب لما شافتهم يهزون راسهم يأكدون لها المعلومه: مو لذي الدرجه وربي ما ادافع عنه بس مستحيل ذيك العصبيه عشان حد يصحيه من نومه"

اريج: هو يصحى لكنه مغمض بس ويعصب اذا اصرينا يقوم ويفتح عيونه"

صفقت وهي توقف: بروح اصحيه ونشوف"

نبراس: ايوهه كذا الفعاليات الحلوه"

رعد: لاتروحين يا اختاه"

غرام وهي تطلع: مع السلامه"

وقف رعد وهو يلحقها لكنه وقف لما مسكه نبراس وهو يتكلم: اكيد مابيسوي فيها مثلنا"

وسام : تراه اذا عصب مايسيطر على نفسه"

دخلت وهي تشوف الغرفه ظلام في ظلام فتحت الستاير و نقزت على السرير وهي تضرب كتفه بخفيف يقوم

"هيثم قوم"  قالتها وهي تنتظر اجابه لكنها سحبت المخده الي حاطها على راسه : الاخ هيثم اتسمعني ؟"

شافته يفتح عيونه وانقلب على بطنه وغطى نفسه بيرجع يرقد "غراموه والله ان قمت يا ويلك" شهقت بخوف و ضربته على ظهره وهي تنزل من السرير تسحب في رجله

"قوم بنروح ماتبغى تروح ؟"

ناظرها بعين مغمضه وعين مفتوحه وهو يشوفها لابسه العبايه هز راسه وهو يرجع يغمض عيونه

"الهيثم قوم يالله قوم" قالتها تسحب رجوله ومره تضغط على ظهره ومره تضربه ، جلست وهي تتنفس بعدما جربت كل شيء ولا قام ، صفرت في اذنه ، ونفخت على وجهه ، دغدغت رجوله ، ضربته ، صارخت عليه ، مالها الا شيء واحد، راحت لجوالها وروح التمثيل عندها عاليه تمثل بذمه وضمير "الو يا جد مايبغى يقو.." يالله كملت كلامها وهو يفز من السرير يشوف جوالها وضربها بخفيف على ظهرها