بعد فتره خرجت غيم وهي تطلع وليث وابوه في السياره ينتظرونها ركبت وهي تاخذ عنه ليث وتضحك من شافته مشغل له اغنيه والصغير فيه النوم
"ليث طلع فيه فايده" خرج لها الفلوس وهو يشوفها
"ما شاء الله ليثنا طلع فيك فايده غير قروشة البنات"
ضحك الوليد وهو يرجع الفلوس ويوقف عند صيدليه : فلوسه بناخذ له فيها حليب وحفاظات "
---
وقف محمد وهو يستاذن اخوه خالد ويلحق اخوانه الي روحو بيوتهم من بعد السحور
"الله يخلف عليك يا خالد ماتقصر استودعتكم الله " قالها وهو يتوادع منه ويخرج دق على الام الي توهم خلصوا تتظيف مع ام اريج
جلسوا البنات منهلكين بعدما غيرت غرام بجامه مع اريج وراحوا يغسلون صحون الحلى والعشاء وصحون العيش والمرق والفناجيل والثلاجات حق القهوه الي عندهم والي عند الرجال ويلمون سفرة العشى والتفاح والموز والبرتقال الي على جوانب السفره ويرمون علب العصيرات واكواب المويه ويربطون اكياس الزباله ويطلعونها ، ام اريج وام غرام اخذوا الصاله يرتبونها وجلسوا يسولفون بعدما لموا الصحون والحلى والفناجيل للبنات يغسلونها ، طلعوا غرام وامها وهم يتوادعون وتوجهوا للسياره ركبت الام رهف وهي تتلفت رهف: وينه رعد ماشوفه ؟"
الاب محمد: راح مع عمه سعود يقول فيه النوم"
---
بيت اهل سعود:
صحو كلهم ومتكاسلين ومتكسرين وام امل تصلح الفطور وهي فيها النوم وماحبت تصحي بنتها تساعدها ، دخل سعود وهو يشوف جميله تصلح الفطور لحالها : وينها امل ماشوفها تساعدك ؟"
جميله: تعبت خلها تنام انا بصلحه بروحي"
سعود: بطلع اخذ فطور بيصير زحمه على السوق اذا قرب موعد الاذان لاتسوين شي على الاقل مو اليوم"
---
بيت اهل عبدالله:
جلسوا الام ريهام وغيداء على الارض في المطبخ وهم يلفون المثلثات من خلصوا قامت غيداء تقليها وراحت الام تسوي الشوربه اخذت جوالها من شافته يدق وطلعت وهي تأشر لغيداء ، كملت غيداء لحالها وهي تسوي عجينة البيتزا وتخلي العجينه ترتاح وراحت تسوي اضافات البيتزا والصوص ، اخذت العجين وخبزته من استوت طلعتها وهي تحط الي سوته عليها وحطت جبن ورجعت تحطها بالفرن لين يذوب ، شافت الوقت وهي تحاول تستعجل دخل ابوها عبدالله وهو يبوس راسها :هذي بنتي الي ينرفع فيها الراس الله يحفظك لنا يابنتي" ابتسمت غيداء في نص انهلاكها وصيامها
---
بيت اهل خالد:
شاف الاب اصناف الفطور المتعدده واخذ السفره وراح يفرشها بالصاله وهم ينتظرون الاذان
الاب خالد وهو ينادي الام ساره: يا ساره خلصتوا بقي على الاذان خمس دقايق ونص"
طلعت له اريج وهي ماخذه اللبن والحليب والعصير التانج والفيمتو حطتها على راس السفره اخذ الاب عنها وهو يصب
أنت تقرأ
غـرَام الهيثَم
Poetryتتكلم رواية [غرام الهيثم] عن الابطال غرام وهيثم الي يرتبط مستقبلهم مع بعض بتهور من جدهم الي من ولدو وهو يحلف بيمينه انهم لبعض فما ردة فعل الأبطال
