كانو البنات جالسين يسمعون سواليف الحريم وانقلب الموضوع فجأه من تكلمت اكبر وحده في الحريم والي تقارب ل عمر الجده نوره
"تبارك الله عليه ولد بنتي ماخذ الحلى كله عنده هيبه بين الكل وعنده سيارات وبيوت " صار صمت وشوي وضحكوا البنات بتسليك من شافوا الصمت
تكلمت الجده نوره: ما شاء الله الله يرزقه ويهنيه ب ماله"
"اي والله ناقصه زوجه صالحه تقوم ببيته"
----
عند الرجال الي كانوا العيال يصبون القهوه ورجعوا يجلسون ويسولفون في نص السالفه لاحظوا ولد بمثل عمرهم ولابس ثوب اسود وغتره بيضاء وجواله الي حاطه بين يديه ومبتسم ، وبسرعه اعجب الجد سعد وهو يسأله عن اسمه وهو رد "اسمي مِهاب طال عمرك" قالها باحترام وبسرعه غفل عن جواله وهو يسولف مع الجد باحترام عالي اعجب الجد سعد
التفت الجد لكبير العائله الثانيه الي كان اسمه علي وهو يمدح في مِهاب "ما شاء الله عليه يشتغل ؟"
علي: حاليا لاوالله فلوسه عنده يصرف منها كل شهر في المساجد وعلى بيت اهله"
سمى عليه الجد سعد وهو يسولف مع علي جد مِهاب الي لحيته البيضاء وصلت فوق صدره وعصاته الي حاطنها بجنبه ومسبحته بيمينه ، وقف وسام بلقافه من شافه رجع لجواله والولد الابتسامه شاقه وجهه اخذ ب يده قهوه وتوجه له يكون في عذر لجيته له ، لمح صوره البنت الي يشوفها مِهاب في جواله ومبتسم وهنا وسام طاح منه الفنجال وهو ما تمالك نفسه واخذ الجوال من مِهاب الي وقف بسرعه وقفو العيال متقربين من وسام الي جن عليهم ومايبغى يرجع جوال الولد وبسرعه طلعو بالاثنين برا ، وسام الي يناظر صورة غيداء اخته مرسله جسمها كله بالفستان لرجال مايعرفوه ومايدرون وش علاقته باخته قال وسام بقهر وهو يمسح رقم اخته من جوال مِهاب الي هدا
"اختي يا عيال عنده يشوفها وبينهم علاقه مدري من متى"
التفتوا العيال كلهم بغير رضى واختطف الهيثم في ثوب مِهاب وهو يحط عينه بعين الثاني
"وش عرفك فيها ليه تكلمها" حاول مهاب انه يفك يد الهيثم الي خنقته شاف وسام رايح لجهة الحريم وبسرعه فك يد الهيثم وهو يمسك وسام
مهاب: هي وسام استحلفك بالله ماتسوي شي لاختك وماتفضحنا استرعلينا وتشوفني باذن الله داقن باب بيتكم وماخذنها بالحلال ووالله اني ما العب عليها ولاني ناون اخليها لغيري"
وسام: وش عرفها فيك ؟"
"ضفتها سناب من عند اختي وتحسبني بنت وقبلت"
وسام: يالحيوان مين سمح لك تاخذ سنابها ؟؟؟"
الهيثم: وسام مسألة وقت ونشوف اذا هو صادق"
اخذ الهيثم جوال مهاب ومسح كل شيء يخص غيداء وعطاه الجوال وهم يجلسون برا
أنت تقرأ
غـرَام الهيثَم
Poetryتتكلم رواية [غرام الهيثم] عن الابطال غرام وهيثم الي يرتبط مستقبلهم مع بعض بتهور من جدهم الي من ولدو وهو يحلف بيمينه انهم لبعض فما ردة فعل الأبطال
