عزموا العائلتين عند اهل مهاب يبغون يسولفون ويتعشون سوا ويعرفون بعض اكثر كانت غيداء تساعد ام مهاب بالبيت ومعها رنيم الي تعرفت عليها تكون اخت لمهاب و فيصل اخوه الثاني ، دخلت امل وهي تحاول توخر عنها غرام الي للحين صامله تكمل السالفه حتى وهم في حوش الناس واهلهم دخلوا قبلهم ، تحمحمت وهي تنكزها سكتت وهي تطالع ورا ، كان فيصل متجمد في مكانه ومو قادر يستوعب شافها قدامه وهو من ذيك الليله يحسب انها كانت ملاك منقذ ولا هي حقيقيه هي الحين في بيته انرخت يده الي ماسكه فناجيل القهوه نبض قلبه الي ماسيطر عليه وهو يشوفها عيونه بعيونها
امل: بتطيح الفناجيل" الدينصورات صارت ترقص في بطنه وقلبه مستلم الطبول من كثر نبضه كأن في مهرجان فيه كان مصلب مكانه كل مايستوعب ينصدم اكثر التفت وهو يشوفها تدخل وتوجه للمجلس والابتسامه مرسومه على وجهه
[عند الحريم]
كانت رنيم تشوف رسايل اخوها انصدمت وهي تشوفه يقولها تصور له وحده من البنات للحين ماتعرفها ولا هو يعرفها الي يقوله ان عباتها ملونه ، دخلت للحريم وهي تناظر البنات مالقتهم لابسات عبايات طلعت للمطبخ وهي تفتح الباب تقوله يدخل
"فيصل سلامات وش الي اصور البنت شعرفك فيها ؟"
انصدمت وهي تشوف فيصل متوتر وابتسامته بتشق وجهه
"هذي زوجتي زوجتي ان شاء الله ..، يا رنيم حرمي جت لبيتي شوفيها داخل"
"الحقيقه اني مافهمت شي والبنات مو لابسين عبايات ولا ادري مين هي"
انمحت ابتسامته وناظر رنيم رافع حاجبه: اسألي اي وحده عندها عبايه ملونه"
"خير فيصل والله ما اسويها انت ماتعرف اسمها ؟"
"لا"
"اجل ليه تقول حرمك ومدري وش متى شفتها؟ حتى الاهل مايعرفونها !" تشوشت رنيم من اخوها الي بينجن
"صوري كل البنات ماعرف اسمها"
"البنات بعضهم متزوجات"
طاحت ابتسامت فيصل وهو يفكر اذا هي متزوجه مسك اكتاف رنيم :اسأليها عن عباتها قولي اي شيء تعرفي عليها"
"ماتعرفها الا من عبايتها الملونه ولا انا اعرفها كيف بالله عليك صارت حرمك ؟"
"لولاها كنت ميت كنت انا في القبر ضربوني وتوقف قلبي هي حرمي وزوجتي الي ساعدتني انعشتني وودتني المستشفى"
طلعت مع البنات برا قالت لهم يلبسون عباياتهم بتوريهم البيت والاكيد بيحسبونها تتفاخر ببيتهم لكن فيصل لو عارضته اكثر بيسوي لها قصه مالها نهايه وبيصير كانه بزر رجعت لما سولفت معهم شويات ودخلوا
"شسمها ؟"
"امل بنت سعود تكون بنت عم غيداء زوجة مهاب"
شافته مبتسم وهو يغمز لها: هذي الصديقه الوحيده الي مابعترض اذا قلتي بتروحين لها"
أنت تقرأ
غـرَام الهيثَم
Poetryتتكلم رواية [غرام الهيثم] عن الابطال غرام وهيثم الي يرتبط مستقبلهم مع بعض بتهور من جدهم الي من ولدو وهو يحلف بيمينه انهم لبعض فما ردة فعل الأبطال
