#أرواح_جـهـنـمـيـة
الـحـلـقـه الـتـاسـعـه 9
🔥الـكـاتـبـه صـفـاء رجـب🔥.
وعد فتحت الباب وابتسمت: نا.. وتشوف حور والدنيا حايسه جنبها
حور انحرجت: ءءء خير تفضلي
وعد خشت وسكرت الباب وابتسمت: فيش اديري
حور: نعجن في بيتزا لعمر خاطره فيها
وعد ابتسمت: نساعدك؟
حور: لالا بس نوتي في العجينه في الدار عشان نمشي للكوشه في الكوجينه
وعد ابتسمت: للدرجه هذي ماتبيش تختلطي بحد؟
حور: تببي الحق اها
وعد: شنرايك نختصرو عشان ماتطلعيش من الدار بلكل؟
حور: كيف يعني؟
وعد: عندي أله بيتزا يعني تبي ضي بس وديريها وانتي مقعمزه هن
حور فرحانه: ححييي واخخيرا نعرف نستعملها جيبيها لي
وعد صبت: هيا خمس دقايق.. وطلعن تجري قدامهم لشقتها
سندس: اكيد طردتها
ابتهال رافعه خشمها: مانضنيش لانه شوفي وج وعد ففرحانه
عبدالرحمن يشوف وساكت
حنين خشت عليهم: بابا تعال نبيك شوي
عبدالرحمن قلب عيونه ومشا وراها للكوجينه
عبدالرحمن: ها؟
حنين: بابا خيرك مع ماما مزعلها؟
عبدالرحمن تنهد: مش مزعل حد بروحها قالبه وجها
حنين مسكت يد بوها: عشان خاطري راضيها ورد معانا للحوش عيب تقعد تبات عند جدي هنا
عبدالرحمن تنهد: منبيش نبي نقعد هن ... وطلع وسيبها
حنين رقيتلها: مدرعن شن دايريله عمر وحور نين مكتأب عشانهم
...
وعد خشت وفي يدها أله البيتزا وجت بتخش وتصادف عبدالرحمن
عبدالرحمن: وعد قتلك
وعد مبتسمه: نعم ياعمي؟
عبدالرحمن: شن الجو جوا عندها؟
وعد: تمام والله قاعده تبي ادير بيتزا لعمر عشان خاطره فيها
عبدالرحمن ابتسم: تمام ععينك منها
وعد ابتسمت: تمام.. وخشت
حور: ينعلي كنك طولتي
وعد: شي مسكني عمي برا
حور: اهممم باه مديها لي
وعد ولعتها لها وقعدت تساعد فيها وتبشر في الجبنه
وعد: توا هذن العوايز مش من الحوش صاح؟
حور تضحك: لالا بعدها ما هناك شي عوايز سفره وبشاره وحاجات هك
وعد ابتسمت وقعدت سارحه
حور ارتبكت: توا نبي نسألك
وعد: نعم؟
حور: شن نظام العائله هذي ؟
وعد: كيف يعني؟
حور: قصدي هك نحس بيهم ديما قاعدين في حوش سعيد مايتحركو بلكل انتي من النادر نحق فيك
وعد: اها ديما هن يلتمو كل يوم وعلى حسب يعني اما نا ماننسجمش واجد يعني مع انه لي 7 سنين متزوجه محمود بس لعند صبح اليوم مش مرحب بيا
حور استغربت: كيف يعني مش مرحب بيك من محمود ولا من هله؟
وعد: الاثنين جدي سعيد بس وعمي وعمتي وابتهال خاطيها محد معبر وجودي اصلا
حور قلبت عيونها: خخزي ععليك ححقاره وراجلك وين؟
وعد تنهدت: محمود اصلا مايحبنيش نين مثلا يحبوني ههله
حور: قصدكم مش علاقه انتو؟
وعد ابتسمت: لالا باتي صاحب جدي سعيد رأسا ولما توفى باتي الله يرحمه جدي سعيد زوجني لمحمود
حور: تحسيه ججبروت ولا لا؟
وعد ضحكت: لا والله طيب
حور: كمليلي ومحمود ماحبكش بلكل؟
وعد: في بدايه الايام يعامل في كزوجه صاح بس بعد ماجبت علاء تخيلي قالي معش نبي عويل وجو هذ منك
حور: ححيوان هذ بلكي يبي وحده اخره
وعد: من ناحيه يبي يبي بس برضو مش هامني
حور انصدمت: وعارفه وساكته انتي؟
وعد ابتسمت: شن تبيني ندير مثلا
حور: يعوينك ثاريتك صباره
وعد تنهدت: هذي حياتي يحنه وانتي احكيلي ععليك
حور ابتسمت: من ناحيه العاطفيه مفيش بلكل بس من ناحيه الشغل الحمدلله نشتغل ممرضه مع انه مش خاصني شي بس هك تمشايت وقت
وعد: توا نبي نسألك انتي متعرفش كم عندك اخت و اخ؟
حور: لالا ومايهمنيش لانه بالنسبه لي عندي اخ واحد الي هو عمر
وعد: مع انه سفيان وسندس فرحانين بيكم
حور بهزوه: وعليش؟
وعد: سندس علاقتها مع حنين مش كويسه بلكل يعني لدرجه تسكن هي وسفيان هنا عند جدي واما سفيان ماعندش خوت يعني جاته من ربي
حور تضحك: بس جديات قصتنا تحسيها فلم هندي
وعد ابتسمت: كله من جدي سعيد يدير الي في راسه وتحملو انتو
حور: نموت ونعرف ليش ما وافقش من البدايه على علاقه ماما بولده؟
وعد: مدرعن الحق لانه مافيش سبب مقنع.... وقعدن يحكن
أنت تقرأ
ارواح جهنميه
Bí ẩn / Giật gân🔥الـكـاتـبـه صـفـاء رجـب🔥. قاعدين مش فاهمين الوضع منصدمين ونسمعو وكل شوي تطلع كارثه اكبر من الي قبلها شفت لخوي الي كان واضح عليه ملامح الصدمه اكثر مني والشي الرئيسي الي صدمنا انه الناس الي نحسابوها ملائكه تمشي عَ الارض طلعت أرواح جهنمية..... 💔.
